Categories: Gujarat

સુમુલ ડેરી દ્વારા દૂધના ભાવમાં પ્રતિ લિટરે 2 રૂપિયાનો વધારો

સુરત: સુમુલ ડેરી દ્રારા ફરી એકવખત દૂધનાં ભાવમાં વધારો કરવામાં આવ્યો છે. સુમુલ ડેરી દ્રારા દૂધના ભાવમાં પ્રતિ લિટરે રૂ.2નો વધારો કરવાની જાહેરાત કરાવામાં આવી છે. આ ભાવવધારો 16 તારીખ લાગૂ પડશે. જેનાં કારણે મધ્યમવર્ગીય અને ગરીબવર્ગનાં પરિવારો પર ફરી એકવખત ફટકો પડશે.

થોડા દિવસ પહેલાં જ અમુલ દ્રારા દૂધના ભાવમાં વધારો કરવામાં આવ્યો હતો. ત્યારબાદ હવે સુરતની સુમુલ ડેરી દ્રારા પણ સુમુલ દૂધનાં ભાવમાં પ્રતિ લિટર રૂ.2 નો વધારો અમલી કરવામાં આવ્યો છે. 16 તારીખ ગુરૂવારથી આ વધારો અમલી કરાશે. જે ભાવવધારો કરવામાં આવ્યો છે તેનાં પાછળ આ કારણો જવાબદાર હોવાનું જણાવવામાં આવ્યું છે.

1). ગત ચોમાસે વરસાદ ઓછો થતાં સુરત અને તાપી જિલ્લાનાં કેટલાંક ભાગોમાં અછતની પરિસ્થિતિ પ્રવર્તે છે. ઓછા વરસાદને કારણે પશુ આહારમાં વપરાતાં રો-મટીરીયલમાં અસામાન્ય ભાવવધારો થયો છે.

2). સૌરાષ્ટ્ર,કચ્છ અને ઉત્તર ગુજરાતમાં ઘાસચારાની તંગીના કારણે આપણા વિસ્તારમાં ઘાસચારાની કિંમતમાં વધારો થયો છે.

3). પશુપાલકોને પોષણક્ષમ ભાવ આપીને દૂધ વ્યવસાયમાં ટકાવી રાખવા માટે ભાવવધારો જરૂરી છે.

4). પેકિંગ ખર્ચ,ગેસ કેમીકલનાં ભાવમાં વધારો થયો છે.

5). સર્વિસ ટેક્ષમાં 0.5 ટકા વધારો થવાના કારણે ખર્ચને પહોંચી વળવા દૂધના ભાવમાં વધારો કરાયો છે.

6). દુધાળા પશુઓની ખરીદકિંમત 50 હજાર થી વધીને 1 લાખ સુધીની થવા પામી છે.

આ સિવાય દૂધની અન્ય કોઇ પ્રોડક્ટમાં વધારો કરાયો નથી
સુરતમાં રોજનાં લગભગ 45 થી 50 લાખ લોકો સુધી રોજનાં 9 લાખ 50 હજાર લિટર જેટલું દૂધ પહોંચાડવામાં આવે છે અને હવે પ્રતિ લિટરે 2 રૂપિયાનો વધારો થતાં લોકોનાં ખિસ્સા પર અસર પડશે. ગુજરાતની અન્ય ડેરીઓ દ્વારા ભાવ વધારો કરતા સુમુલના દૂધ અને તેના દૂધના ભાવ સરખા થયા હતા, જો કે હવે ફરીવાર દૂધના ભાવમાં વધારો કરતા સુરતીઓને ગુજરાતમાં સૌથી વધારે મોંઘુ દૂધ પ્રાપ્ત થશે.

admin

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

4 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

5 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

6 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

7 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

8 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

9 hours ago