MIGRANT CRISIS: ઓસ્ટ્રિયા અને જર્મનીએ શરણાર્થીઓ માટે ખોલી બોર્ડર   

વિએના: ઓસ્ટ્રિયા અને જર્મનીએ શરણાર્થીઓ માટે પોતાના દેશની બોર્ડરો ખોલી દીધી છે. ઓસ્ટ્રિયાના ચાંસલર વર્નર ફેમેને શનિવારે પોતાના ફેસબુક પેજ પર લખ્યું છે કે, ઓસ્ટ્રિયા અને જર્મની શરણાર્થીઓને પોતાના દેશમાં જગ્યા આપવા માટે રાજી થઈ ગયા છે. ત્યાર બાદ શરણાર્થીઓથી ભરેલી પહેલી બસ શનિવારે સવારે હંગરી અને ઓસ્ટ્રિયાના બોર્ડર પર પહોંચી હતી. 

શરણાર્થીઓની બસ જ્યારે વિએના રોડ તરફ આગળ વધી રહી હતી ત્યારે લોકલ વોલિન્ટિયર્સે પાણીની બોટલ અને ફ્રૂટ્સ આપ્યા હતા. શરણાર્થીઓને રહેવા માટે નવું સ્થાન મળતાં તેમના ચહેરા પર તેની ખુશી જોવા મળી રહી હતી. બસ જ્યારે બોર્ડર ચેકપોઇન્ટથી આગળ વધી ત્યારે શરણાર્થીઓએ થેન્ક્યુ ઓસ્ટ્રિયા કહીને જોર જોરથી બુમો પાડી હતી. નોંધનીય છે કે, સીરિયાના ત્રણ વર્ષના એલન કુર્દીની દર્દનાક તસવીર દુનિયાની સામે આવ્યા બાદ સમગ્ર વિશ્વનું ધ્યાન શરણાર્થીઓ તેમજ તેમની સમસ્યાઓ તરફ ખેંચાયું છે.  

ઓસ્ટ્રિયાની પોલીસે જણાવ્યું કે, અહીંયા લગભગ 2000 શરણાર્થી પહોંચ્યાં છે. બર્ગેનલેંડના ચીફ પોલીસ ઓફિસર હૈંસ પીટર ડોસ્કોજિલે કહ્યું કે, અમારી સૌથી મોટી મુશ્કેલી એ છે કે હંગરી તમામ પ્રકારની તપાસ કર્યા બાદ પણ અમારી બસોને શરણાર્થીઓના વિસ્તારમાં લઇ જવાની મંજૂરી નથી આપી રહ્યું. જોકે અમે હંગેરીને એવી ઓફર પણ કરી છે કે તેઓ ટ્રેન દ્વારા શરણાર્થીઓને સીધા ઓસ્ટ્રિયા લઇ આવે. જેથી કરીને તેઓ શેલ્ટર સુધી પહોંચી જાય. જોકે કેટલાક નજરે જોનારાઓને અનુસાર ચાલતાં જ પશ્ચિમ યુરોપ જવા માટે નીકળી પડેલા શરણાર્થીઓની હિંમત દાદ માંગી લે તેવી છે.

You might also like