Categories: Business

મિડકેપ શેરમાં ઘટાડો એ શેરબજારમાં નરમાઈનાે સંકેત

સપ્તાહના અંતે શેરબજાર ઘટાડે બંધ થયું હતું. બીઇએસઇ સેન્સેક્સ ૧૫૨.૫૩ પોઇન્ટના ઘટાડે ૩૧,૧૩૮.૨૧, જ્યારે એનએસઇ નિફ્ટી ૫૫.૦૫ પોઇન્ટના ઘટાડે ૯,૫૭૪.૯૫ પોઇન્ટની સપાટીએ બંધ જોવાઇ હતી. સપ્તાહમાં નિપ્ટીમાં ૦.૧૪ ટકાનો સાધારણ ઘટાડો નોંધાયો હતો, જ્યારે સેન્સેક્સમાં ૦.૨૬ ટકાનો સુધારો જોવાયો હતો. બજારના જાણકારોના જણાવ્યા પ્રમાણે નિફ્ટી છેલ્લે ૯૬૦૦ની નીચે બંધ આવી છે તે એક નેગેટિવ સંકેત ગણાવી શકાય.

આગામી સપ્તાહની શરૂઆતે સોમવારે રમજાન ઇદ હોવાના કારણે બજાર બંધ રહેશે. આમ, ચાર દિવસનું ટૂંકું ટ્રેડિંગ સપ્તાહ રહેશે, જોકે સોમવારે વડા પ્રધાન નરેન્દ્ર મોદી અને યુએસ પ્રેસિડેન્ટ ડોનાલ્ડ ટ્રમ્પની મુલાકાત થવાની છે. ત્યારે આ મુલાકાત બજાર માટે મહત્ત્વની બની રહેશે.

બજારના જાણકારોના જણાવ્યા પ્રમાણે મિડકેપ સેક્ટરના શેરમાં કરેક્શન જોવા મળ્યું છે અને તેની અસર શેરબજાર ઉપર નોંધાઇ છે. નિફ્ટીએ ૯૫૬૦ની સપાટીએ સપોર્ટ કર્યો છે. માર્કેટમાં જે રીતે ચાલ જોવા મળી રહી છે તે જોતાં ટ્રેડર્સ કારોબાર કરવામાં અટકી રહ્યા છે.

આગામી સપ્તાહે જૂન એક્સપાયરી છે તે પૂર્વે બજારમાં બંને તરફની વધઘટ જોવાઇ શકે છે. સેન્ટિમેન્ટ જોતાં જો મિડકેપ અને સ્મોલકેપ સેક્ટરમાં વેચવાલી જોવાય તો બજારમાં વધુ ઘટાડાની ચાલ જોવાઇ શકે છે, જોકે નિફ્ટી ૯૪૦૦થી ૯૮૦૦ની રેન્જમાં કારોબારમાં રહે.

ઓઇલ એન્ડ ગેસ સેક્ટરની અગ્રણી કંપનીઓ જેવી કે ગેઇલ, એચપીસીએલ, બીપીસીએલ, ભારત પેટ્રોલિયમ, આઇઓસી કંપનીના શેરમાં ટૂંકા સમયગાળામાં ત્રણથી પાંચ ટકાનો ઘટાડો નોંધાઈ ચૂક્યો છે ત્યારે આ સેક્ટરમાં ટેક્િનકલ પુલ બેન્ક રેલી આવી શકે છે. નોંધનીય છે કે સપ્તાહમાં ઓઇલ એન્ડ ગેસ સેક્ટર ઇન્ડેક્સમાં ૨.૭૮ ટકાનો ઘટાડો નોંધાયો હતો.

આગામી સપ્તાહે ૨૮મી જૂને વધુ એયુ ફાઇનાન્સિયર્સ (ઇન્ડિયા) કંપનીનીનો આઇપીઓ ખૂલી રહ્યો છે. નાના રોકાણકારને વધુ એક આઇપીઓ ભરવાની તક મળશે.

૧લી જુલાઇથી જીએસટીની અમલવારી પૂર્વે કાપડ બજાર સહિત વિવિધ બજારોમાં જીએસટીના રેટ તથા કેટલીક વિસંગતતા સામે હડતાળ પર જવાની તૈયારીઓ કરી છે. બજારની નજર તેના પર મંડાયેલી છે. આમ, બજારમાં મોટી વધઘટ જોવાવાની શક્યતા ઓછી છે.
http://sambhaavnews.com/

divyesh

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

4 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

5 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

6 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

8 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

8 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

9 hours ago