Categories: World

મેક્સિકોની જેલમાં રમખાણો 52 કેદી સહિત 60નાં મોત

મોન્ટેરે (મેક્સિકો): મેક્સિકોના ઉત્તર પૂર્વીય શહેર મોન્ટેરેની જેલમાં રમખાણો ભડકી ઊઠતાં ૫૨ કેદી સહિત કુલ ૬૦નાં મોત થયાં છે. સ્થાનિક મિલેનિયો ટીવીના અહેવાલ અનુસાર નિઓ લિયોન પ્રાંતના મોન્ટેરે શહેરની ટોપો ચિકો જેલમાં વહેલી સવારે ભડકી ઊઠેલાં રમખાણો અને અથડામણોમાં ઓછામાં ઓછા ૬૦ લોકોનાં મોત થયાં હતાં અને ડઝનથી વધુ લોકો ઘાયલ થયા હતા.

કેદીઓએ એક બીજા પર હુમલો કરવા માટે બેટ્સ અને લાકડીઓ અને બ્લેડનો ઉપયોગ કર્યો હતો અને જેલની એક કોટડીમાં આગ ચાંપી દીધી હતી. ગવર્નર જેમી રોડરિગે જણાવ્યું હતું કે આ અથડામણો ૩૦થી ૪૦ મિનિટ સુધી ચાલી હતી.  તેમણે જણાવ્યું હતું કે બે હરીફ જૂથોના નેતાઓ વચ્ચે થયેલા વિવાદને પગલે જેલમાં રમખાણો ભડકી ઊઠ્યાં હતાં. કેદીઓનાં સગાં સંબંધીઓએ જણાવ્યું હતું કે આ અથડામણમાં ગોળીબાર પણ થયા હતા અને જેલની બહાર આગની જ્વાળાઓ દેખાઈ હતી. પોતાના સંબંધીઓ અંગે માહિતી મેળવવા જેલની બહાર લોકોનાં ટોળાં જમા થયાં હતાં.

નિઓ લિયોન પ્રાંતની સરકારે ટ્વિટર પર જણાવ્યું હતું કે સ્થિતિ હવે નિયંત્રણ હેઠળ છે. જોકે સરકાર તરફથી આ ઘટનાની વિસ્તૃત માહિતી આપવામાં આવી નથી. જેલના ડાયરેક્ટર જ્યોર્જિયા સાલાજરે સગાં સંબંધીઓને જણાવ્યું હતું કે જેલના બે વિસ્તારમાં કેદીઓ વચ્ચે અથડામણ થઈ હતી. કેદીઓની બેરેક અને ગોડાઉનમાં આગ ચાંપી દેવામાં આવી હતી.

જ્યારે નામદાર પોપ ફ્રાન્સિસ મેક્સિકોના ઉત્તરીય શહેર સિઅુડાડ જુવારેજની એક જેલની મુલાકાત લેનાર હતા ત્યારે આ ઘટના ઘટી હતી. આ વિસ્તાર ડ્રગ તસ્કરો વચ્ચે હિંસા માટે કુખ્યાત ગણાય છે અને મેક્સિકોમાં ડ્રગ માફિયા વચ્ચે હિંસા અને જેલ તોડવાની ઘટનાઓ સામાન્ય રીતે બનતી રહે છે. વર્ષ ૨૦૧૩માં આવી જ એક હિંસામાં ૧૩ના મોત થયા હતા. એક વર્ષે મોન્ટેરેની અપોડાકા જેલમાં થયેલી હિંસામાં ૪૪ કેદીઓ માર્યા ગયા હતા અને ૩૦ ફરાર થઈ ગયા હતા.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

15 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

15 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

15 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

15 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

15 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

15 hours ago