Categories: Gujarat

મેટ્રો ડાયરીઃકાર્યકરો, ફેરિયાઅોને અહીં કોઈ નિયમ નડતા નથી

ખમાસા-દાણાપીઠ ખાતે આવેલા મુખ્યાલયમાં મુલાકાતીઓ માટે ફોટાવાળા પ્રવેશ પાસની વ્યવસ્થા ઊભી કરાઈ છે. ગાંધીનગરના સચિવાલની જેમ સત્તાધીશોએ કિલ્લેબંધી તો ઊભી કરી છે, પરંતુ તેમાં સામાન્ય નાગરિકો જ હેરાન પરેશાન થઈ રહ્યા છે. આજે મહિનાઓ બાદ પણ શાસક કે વિપક્ષના કાર્યકરો બેરોકટોક રીતે આવ જા કરી રહ્યા છે. આ લોકોને પાસ કઢાવવો પડતો નથી ! મહિલા કોર્પોરેટરોના પતિ મહાશયોને પણ તંત્ર રોકતું ટોકતું નથી ! આ તો ઠીક, મુખ્યાલયમાં ફેરિયાઓ પણ બેધડકપણે જાતજાતની અને ભાતભાતની ખાદ્યવસ્તુઓ કે વસ્ત્રોના થેલા લઈને ઘૂસે છે. અગાઉની સિક્યોરિટી કાર્યક્ષમ નથી તેવાં બહાનાં સર નવી સિક્યોરિટી મુલાકાતીઓ પ્રવેશ પાસ ચકાસવા બેસાડી દે તેમ છતાં શાકમાં કોળુંને બદલે પરંતુ આખ્ખેઆખું કોળું જ જઈ રહ્યું છે !

મેસેજ બાળ લગ્નનો મળ્યો પણ માતાજીનો હવન ચાલતો હતો
થોડા દિવસ અગાઉ અમદાવાદ શહેર કંટ્રોલ રૂમનો મેસેજ મળ્યો હતો કે બોપલ વિસ્તારમાં બાળ લગ્ન ચાલી રહ્યાં છે. બોપલ વિસ્તાર અમદાવાદ ગ્રામ્યમાં આવતો હોવાથી શહેર પોલીસ કંટ્રોલ રૂમે અમદાવાદ ગ્રામ્ય કંટ્રોલ રૂમને મેસેજ આપતાં બોપલ પોલીસની ૧૦૦ નંબર મોબાઇલ વાનને જાણ કરાઇ હતી. બોપલ પોલીસ સ્થળ ઉપર પહોંચી ત્યારે ત્યાં લોકો ભેગા થયેલા હતા. મંડપ બાંધેલો હતો. બે પક્ષ હાજર હતા, પરંતુ ત્યાં જઇને જોયું તો બાળ લગ્ન નહીં, પરંતુ માતાજીનો હવન હતો. બે પક્ષમાં લગ્નની વાત ચાલતી હતી અને કોઇએ પોલીસ કંટ્રોલ રૂમને જાણ કરી દીધી હતી. ખોટા પોલીસ કંટ્રોલ રૂમના મેસેજથી પોલીસને દોડવું પડ્યું હતું.

BRTS ટ્રેકમાં માત્ર ગાડી જ નહીં ઊંટગાડી પણ ચાલે!
બીઆરટીએસ સિસ્ટમના સ્પેશિયલ રૂટ ઉપર ફક્ત બીઆરટીએસ બસ જ ચાલે તે માટે અલગ કો‌િરડોર બનાવાયો છે, પરંતુ તેની ઐસીતૈસી અને ટ્રાફિક નિયમનો ભંગ કરીને વાહનચાલકો તો ઠીક પણ હવે બિનધાસ્ત ઊંટગાડીઓ પણ ચાલવા લાગી છે, છતાં તંત્રના પેટનું પાણી હાલતું નથી. બીઆરટીએસ બસસ્ટેન્ડના કોર્નર પર દોરડા બાંધીને અન્ય વાહનોને આ સ્પેશિયલ રૂટ પરથી પસાર નહીં થવા દેવા માટે તંત્રએ માણસો ગોઠવ્યા છે, પરંતુ આ દોરડાની આડશ માત્ર શો-પીસ બની રહી છે. લોકો દ્વારા બેફામ ઝડપે ટુવ્હીલર, કાર વગેરે આ રૂટમાં ઘુસાડીને ચલાવાતાં અનેક વખત અકસ્માત સર્જાયાના દાખલા છે, છતાં તંત્રના કડક વલણના અભાવે હવે ઊંટગાડી અને બળદગાડું પણ બીઆરટીએસ રૂટ પર આસાનીથી પ્રવેશ મેળવી લે છે. પાછળ આવતી બસ ભલે અટવાઇ જાય.

ટ્રાફિકની સમસ્યા હલ કરવા માટેનો નવો ઉપાય
શહેરમાં ટ્રાફિકની સમસ્યા માથાના દુખાવા સમાન છે એમા પણ જ્યારે રોડ પર ખોદકામ ચાલુ હોય ત્યારે ટ્રાફિક જામ થઇ જાય છે.  ઇન્કમટેક્સ ખાતે આવેલા ગુજરાત વિદ્યાપીઠની રોડ પર પણ કઇક આવી જ હાલત સર્જાઇ છે. જોકે ઇન્કમટેક્સ પર ટ્રાફિકની સમસ્યા હળવી બને તે માટે રાહદારીઓએ પોતાના વાહન પાર્ક કરવા માટેનો નવી ઉપાય શોધી લીધો છે.  કોઇ પણ જગ્યાએ ટ્રાફિક જામ હોય ત્યારે રોડની બંને બાજુમાં વાહનચાલકોનાં વાહનો પાર્ક કરેલાં હોય છે જેનાથી ટ્રાફિકની સમસ્યા વધી જાય છે. ઉલ્લેખનીય છેકે  ટ્રાફિકની સમસ્યા હળવી કરવા માટે રોડ વચ્ચે આવેલ ડિવાઇડર પાસે રાહદારીઓ વાહનો પાર્ક કરવાનું શરૂ કર્યું છે. વાહનો પાર્ક કરવાને કારણે મોટા ભાગની ટ્રાફિકની સમસ્યાનો ઉકેલ આવ્યો છે.

મેટ્રો રેલઃ અાડેધડ અાડશોથી સ્થાનિક રહીશો પરેશાન
શહેરમાં મેટ્રો રેલનું પ્રથમ ફેઝનું કામકાજ પુરજોશમાં ચાલી રહ્યું છે. વાસણા એપીએમસીથી જીવરાજપાર્ક અને તેની આગળ શ્રેયસ ક્રોસિંગ પાસે કામકાજ ચાલી રહ્યું છે. મેટ્રોનું કામ સરળતાથી થઇ શકે તે માટે સત્તાવાળાઓએ રેલવે લાઇનની પેરેલલ સળંગ આડશ કરી છે, જેના પગલે સ્થાનિકો અગાઉ રેલવે ટ્રેકને પાર શ્રેયસ સ્કૂલ બાજુનો અવરજવરનો વ્યવહાર સરળતાથી કરી શકતા હતા તે તદ્દન બંધ થઇ ગયો છે. કોર્પોરેશનનો જાંબવન ગાર્ડન પણ આવેલો છે. રોજ સવાર-સાંજ મોટી સંખ્યામાં લોકો અહીં આવે છે તો બીજી બાજુ પાટાની સામેની સાઇડ પણ કોર્પોરેશનનો ગાર્ડન છે ત્યાં પણ આવનાર લોકોની સંખ્યા ઘણી વધુ છે. એટલું જ નહીં, અહીંની આજુબાજુની સોસાયટીના લોકોએ પણ સળંગ એન્ગલ નહીં નાખવા અને પગદંડીનો માર્ગ રાખવા માગ કરી છે, પરંતુ મંથરગતિએ ચાલતા આ કામકાજમાં હવે આડશ ક્યારે દૂર થશે તે પ્રશ્ન સતાવી રહ્યો છે.

http://sambhaavnews.com/

Navin Sharma

Recent Posts

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

1 min ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

25 mins ago

ઈલાયચી-મરી સહિત તેજાનાના ભાવમાં 45 ટકા સુધીનો ઉછાળો

નવી દિલ્હી: દેશના જથ્થાબંધથી લઇને છૂટક બજારમાં ઇલાયચી, જાવિંત્રી, જાયફળ, મરી જેવા તમામ મસાલાના ભાવ ૪૫ ટકા જેટલા મોંઘા થઇ…

30 mins ago

રાજ્યના PSIને મળી મોટી રાહત, પ્રમોશનની પ્રક્રિયા પર મુકેલો સ્ટે હાઇકોર્ટે હટાવ્યો

અમદાવાદમાં રાજ્યના સેંકડો પોલીસ સબ ઇન્સપેક્ટર માટે હાઇકોર્ટે મોટી રાહત આપી છે. પોલીસ ઈન્સ્પેક્ટરના પ્રમોશનની પ્રક્રિયા પર મુકેલો સ્ટે હાઈકોર્ટે…

1 hour ago

ખેડૂૂત આક્રોશ રેલીમાં પથ્થરમારા મામલે કોંગ્રેસના કાર્યકરો સહિત 1000ના ટોળા સામે ગુનો દાખલ

અમદાવાદ: ગાંધીનગરના સેકટર-૬માં સત્યાગ્રહ છાવણીમાં મંગળવારે કોંગ્રેસ દ્વારા ખેડૂત આક્રોશ રેલીનું આયોજન કરાયું હતું. સભા પૂૂરી થયા બાદ રેલી સ્વરૂપે…

2 hours ago

‘તુમ ચલે જાઓ મૈં ઇનકો દેખ લેતા હૂં’ તેમ કહીને યુવકે પીઆઈની ફેંટ પકડી

અમદાવાદ: શહેરમાં પોલીસે ટ્રાફિકની ઝુબેશ શરૂ કર્યા બાદ વાહનચાલકો અને રાહદારીઓની પોલીસ કર્મચારીઓ સાથે ઉગ્ર બોલાચાલી કરીને ઝપાઝપી કરવાની અનેક…

2 hours ago