PNB કૌભાંડ: મેહુલ ચોકસી નાટક કરી રહ્યો છે, પહેલાંથી જ ભાગવાનું પ્લાનિંગ હતું: ED

નવી દિલ્હી: ચકચારી પંજાબ નેશનલ બેન્ક (પીએનબી) કૌભાંડના મુખ્ય આરોપી અને માસ્ટર માઈન્ડ મેહુલ ચોકસીએ દેશમાંથી ભાગ્યા બાદ પહેલી વખત વીડિયો દ્વારા મીડિયા સામે આવીને તેના ઉપર લગાવવામાં આવેલા તમામ ગંભીર આરોપો ફગાવીને એન્ફોર્સમેન્ટ ડિરેક્ટોરેટ (ઈડી) સામે બેફામ આક્ષેપો કર્યા છે ત્યારે તપાસ એજન્સી ઈડીએ અનેક નવા ચોંકાવનારા ખુલાસાઓ કર્યા છે.

એન્ટિગુઆની નાગરિકતા લઈને ભારતીય તપાસ એજન્સીઓથી બચવાની કોશિશમાં લાગેલો મેહુલ ચોકસી ભલે ગમે એવા ખુલાસા કરે પણ ઈડીએ જણાવ્યું છે કે તેણે પીએનબી કૌભાંડની મોટા ભાગની રકમ એટલે કે રૂ.૩રપ૦ કરોડ વિદેશમાં પોતાની બોગસ કંપનીઓના નામે ટ્રાન્સફર કરી દીધા છે અને આ કૌભાંડની રકમમાંથી જ તેણે યુએઈમાં પણ પોતાના નામે એક વૈભવી વિલા બુક કરાવી છે.

પંજાબ નેશનલ બેન્ક (પીએનબી) કૌભાંડના આરોપી મેહુલ ચોકસીએ એક તરફ જણાવ્યું છે કે, મારી કંપની પ૦ વર્ષ જૂની છે. આટલા વર્ષોમાં કેપની ૧પ૦ એવોર્ડ્સ જીતી ચૂકી છે તો સરકારે અત્યાર સુધી કોઈ તપાસ કે પૂછપરછ કેમ ન કરી? આ ફક્ત રાજનૈતિક મુદ્દો હતો અને એક પક્ષ કહી રહ્યો છે કે બેન્કને આટલું મોટું નુકસાન થયું અને આ કારણે જ આ આખા કેસમાં હું ‘સોફ્ટ ટાર્ગેટ’ બની ગયો.

તપાસ એજન્સી ઈડીના એક વરિષ્ઠ અધિકારીએ જણાવ્યું હતું કે, અત્યાર સુધીની તપાસથી એ વાત સામે આવી છે કે મેહુલ ચોકસી એક પૂર્વ આયોજિત ષડ્યંત્ર હેઠળ દેશમાંથી ભાગવાનું પ્લાનિંગ કરી રાખ્યું હતું.

આ કારણે જ તેણે ભાગતાં પહેલાં હજારો કરોડ રૂપિયા પોતાના વિદેશી બેન્ક એકાઉન્ટમાં જમા કરાવી દીધા હતા. તેણે પહેલાંથી જ એવું પ્લાનિંગ કરી રાખ્યું હતું, જેથી બાદમાં તેને કેસ લડવામાં અને આરામથી જિંદગી વીતાવવામાં કોઈ તકલીફ ન પડે.

તપાસ અધિકારીએ એમ પણ જણાવ્યું કે મેહુલ ચોકસી અને નીરવ મોદી બંને સામે આ મહિનાની રપ અને ર૬ તારીખે ઈકોનોમિક ઓફેન્સ એક્ટ હેઠળ કોર્ટમાં સુનાવણી હાથ ધરાશે. આ સુનાવણી બાદ કોર્ટનો આદેશ આવે પછી ઈડી બંને આરોપીઓની વિદેશમાં રહેલી ખાનગી સંપત્તિને પણ જપ્ત કરશે.

આ કારણે જ મેહુલ અને નીરવ પોતાની જાતને નિર્દોષ સાબિત કરવામાં લાગેલા છે અને વિજય માલ્યાની જેમ તેઓ પણ માનવઅધિકારના ઉલ્લંઘનની દુહાઈઓ આપી રહ્યા છે.

ઈડીના અધિકારીઓના જણાવ્યા અનુસાર પીએનબી કૌભાંડમાં હીરાના વેપારી મેહુલ ચોકસીએ રૂ.૩રપ૦ કરોડ વિદેશી બિઝનેસ અને કંપનીઓમાં રોક્યા છે અને વેચેલી જ્વેલરીની કિંમત પણ ઘણી ઊંચી બતાવી છે. ડમી કંપનીઓ દ્વારા ફંડને ફેરવીને ચોકસી તેનો અંગત ઉપયોગ કરવા ઈચ્છતો હતો.

ચાર્જશીટમાં ઈડીએ જણાવ્યું છે કે ચોકસીએ લગભગ ૪૦૦ કરોડ રૂપિયા નીરવ મોદીને ડાઈવર્ટ કર્યા હતા અને લગભગ ૩૬૦ કરોડ નીરવના પિતા દીપક મોદીને પહોંચાડ્યા હતા.

ઈડીના કહેવા અનુસાર પીએનબી કૌભાંડની રકમ થાઈલેન્ડ, યુએસ, બેલ્જિયમ, યુએઈ, ઈટાલી, જાપાન અને હોંગકોંગ જેવા દેશોની ગ્રુપ એન્ટિટી ફર્મમાં જમા કરી દેવામાં આવી છે. ચોકસીએ ડમી કંપનીઓનો ઉપયોગ કરીને આ તમામ યોજના પાર પાડી હતી.

divyesh

Recent Posts

Whatsapp પર કોઇ બ્લોક કરે તો પણ કરી શકશો મેસેજ, બસ અપનાવો આ ટ્રિક

વોટ્સએપ આજે દુનિયાની સૌથી મોટી ઇસ્ટેંટ મેસેજિંગ એપ છે. વોટ્સએપનાં માત્ર ભારતમાં જ 20 કરોડથી પણ વધારે યૂઝર્સ છે. વોટ્સએપ…

3 hours ago

J&K: બાંદીપોરામાં આતંકીઓ અને સુરક્ષાદળો વચ્ચે અથડામણ શરૂ, 5 આતંકીઓનો ખાત્મો

જમ્મુ-કશ્મીરઃ સેના અને આતંકીઓ વચ્ચે ઉત્તરી કશ્મીરનાં બાંદીપોરામાં ગુરૂવારનાં રોજ બપોરથી સતત ચાલી રહેલી અથડામણમાં અત્યાર સુધીમાં 5 આતંકીઓ ઠાર…

4 hours ago

અમદાવાદમાં 22-23 સપ્ટે.નાં રોજ યોજાશે દેશની પ્રથમ “દિવ્યાંગ વાહન રેલી”

અમદાવાદઃ વિશ્વમાં પ્રથમ વખત દિવ્યાંગ વાહન રેલી યોજવામાં આવશે. શનિવારે અમદાવાદ અંધજન મંડળ વસ્ત્રાપુરથી સવારે આ રેલી 7.30 કલાકે શરૂ…

4 hours ago

UGCનો દેશની યુનિવર્સિટીઓને આદેશ, 29 સપ્ટે.નાં રોજ ‘સર્જિકલ સ્ટ્રાઇક ડે’ની કરાશે ઉજવણી

UGCએ એક પરિપત્ર જાહેર કર્યો છે. જેમાં દેશભરની તમામ યુનિવર્સિટીઓને 29 સપ્ટેમ્બરનાં રોજ 'સર્જિકલ સ્ટ્રાઈક દિવસ' મનાવવાનું ફરમાન જાહેર કર્યું…

5 hours ago

‘યુનાઇટેડ વૅ ઑફ બરોડા’નાં આયોજકો દ્વારા ગરબાની ફીમાં વધારો, ખેલૈયાઓનો ઉગ્ર વિરોધ

વડોદરાઃ શહેરમાં ગરબાનાં આયોજકો દ્વારા ફીમાં વધારો કરવામાં આવ્યો છે. "યુનાઈટેડ વે ઓફ બરોડા"નાં આયોજકો દ્વારા ગરબાની ફીમાં એકાએક વધારો…

5 hours ago

ગુજરાતનો વિકાસ ના થયો હોય તો હું, નહીં તો રાહુલ છોડી દે રાજકારણ: નીતિન પટેલ

બનાસકાંઠાઃ નાયબ મુખ્યમંત્રી નીતિન પટેલે રાહુલ ગાંધીને આ વખતે રાજકારણને લઇ ખુલ્લો પડકાર ફેંક્યો છે. ગુજરાતનાં વિકાસ મુદ્દે રાહુલ ગાંધીને…

7 hours ago