Categories: India

મેઘાલયમાં ટ્રક પલટી ખાઇ જતાં ૧૭નાં મોતઃ ૬૨ને ઈજા

શિલોંગઃ મેઘાલયના પશ્વિમ હિલ્સ જિલ્લામાં સર્જાયેલી એક ટ્રક દુર્ઘટનામાં ૧૭ લોકોનાં મોત થયાં છે.જ્યારે અન્ય ૬૨ લોકોને ઈજા થઈ છે. આ તમામ લોકો નોન્ગલેગ ગામના ચર્ચમાં યોજાયેલી સભામાં ભાગ લેવા જઈ રહ્યા હતા. ટ્રક એક ડિવાઈડર સાથે અથડાતાં ટ્રક પલટી ગઈ હતી. જેમાં ૧૨ લોકોના ઘટનાસ્થળે જ મોત થયાં હતાં. આ ટ્રકમાં ત્રણ ગામનાં લોકો હતા. આ ઘટના બાદ ત્રણેય ગામમાં ઘેરા શોકની લાગણી ફેલાઈ જવા પામી છે.

આ અંગે જિલ્લા અધિકારીએ જણાવ્યું કે આ અકસ્માતમાં ગંંભીર રીતે ઘવાયેલા પાંચ લોકોના સિવિલ હોસ્પિટલમાં સારવાર દરમિયાન મોત થયાં હતાં. આ ટ્રકમાં નિગિનિઓન્ગ, મોવબિરકોન્ગ અને નોન્ગબુડુમ ગામના લોકો બેસીને નોન્ગલેગ ગામમાં ચર્ચમાં યોજાયેલી સભામાં ભાગ લેવા જઈ રહ્યા હતા ત્યારે આ દુર્ઘટના સર્જાઈ હતી. અકસ્માતમાં ઘવાયેલા અન્ય લોકોને સિટી હોસ્પિટલમાં લઈ જવાયા હતા. જ્યાં મેઘાલયના આરોગ્ય પ્રધાન રોશન વારજરીએ ઘાયલ લોકોની પૃચ્છા કરી હતી.ત્યારબાદ તમામ ઈજાગ્રસ્તોની યોગ્ય સારવાર કરવા આદેશ આપ્યો હતો.

આ ઘટના અંગે ગૃહપ્રધાન એચડીઆર લિંગદોહે પણ દુઃખ વ્યકત કર્યું હતું. આ ઘટનામાં મૃતકમાં નવ મહિલા અને એક ૧૩ વર્ષના કિશોરનો સમાવેશ થાય છે. જિલ્લા અધિકારીએ જણાવ્યું હતું કે વધારે પડતી સ્પીડના કારણે ડ્રાઈવરે ટ્રક પરનો કાબૂ ગુમાવતાં ટ્રક ક્રોંકિટના ડિવાઈડર સાથે અથડાતાં આ કરુણાંતિકા સર્જાઈ હતી. હાલ આ અંગે તપાસ ચાલી રહી છે. પોલીસે અકસ્માત મોતનો ગુનો દાખલ કરી વધુ તપાસ હાથ ધરી છે.

http://sambhaavnews.com/

Navin Sharma

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

3 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

4 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

4 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

5 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

5 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

6 hours ago