Categories: World

ઝકરબર્ગ મુસ્લિમોની પડખેઃ કોઈના ગુનાની સજા સમગ્ર સમુદાયને કેમ?

કેલિફોર્નિયાઃ અમેરિકામાં મુસ્લિમોના પ્રવેશને લઈને રિપબ્લિકન પાર્ટીના પ્રમુખપદના ઉમેદવાર ડોનાલ્ડ ટ્રમ્પના નિવેદન બાદ હવે સોશિયલ નેટવર્કિંગ સાઈટ ફેસબુકના સીઈઓ માર્ક ઝકરબર્ગે પણ મુસ્લિમોને લઈને એક નિવેદન જારી કર્યું છે. પેરિસ હુમલા બાદ દુનિયાભરના મુસ્લિમો વિરુદ્ધ થઈ રહેલા નિવેદન વચ્ચે માર્ક ઝકરબર્ગે મુસ્લિમ સમુદાયની સમર્થનમાં નિવેદન કર્યું છે.

માર્ક ઝકરબર્ગે જણાવ્યું છે કે હું દુનિયાભરમાં વસેલા અને ફેસબુક પર મોજુદ મુસ્લિમ સમુદાયના લોકોનું સમર્થન કરું છું અને તેમના અવાજ સાથે મારો અવાજ જોડવા ઈચ્છું છું. તેમને જણાવ્યું હતું કે પેરિસ એટેક બાદ અને તાજેતરની કેટલી ઘટનાઓને લઈને મુસલમાન જે ડર હેઠળ જીવી રહ્યા છે તેની હું કલ્પના કરી શકું છું. તેમને ડર છે કે કોઈ બીજા માટે તેમને સજા આપવી જોઈએ નહીં. કોઈના ગુનાની સજા સમગ્ર મુસ્લિમ સમુદાયને શા માટે ?

ફેસબુક પર લખેલી એક પોસ્ટમાં માર્ક ઝકરબર્ગે જણાવ્યું હતું કે એક યહૂદી હોવાના નાતે મારાં માતા પિતાએ શીખવ્યું છે કે આપણે તમામ સમુદાય પર થઈ રહેલા હુમલા વિરુદ્ધ ઊભા રહેવું જોઈએ. જો આપણા ઉપર સીધો કોઈ હુમલો થતો ન હોય તો પણ અન્ય કોઈ પર કરવામાં આવેલો હુમલો તમામની સ્વતંત્રતાને નુકસાન પહોંચાડે છે.

માર્ક ઝકરબર્ગે ફેસબુક પર મુસ્લિમો માટે લખ્યું છે કે જો તમે એક મુસ્લિમ છો તો ફેસબુકના લીડર તરીકે હું તમને જણાવવા માગું છું કે અહીં હંમેશાં તમારું સ્વાગત છે. અમે હંમેશાં તમારી આઝાદી અને અધિકાર માટે લડીશું. એટલું જ નહીં તમારા માટે એક સુરક્ષિત અને શાંતિપૂર્ણ માહોલ ઊભો કરવા માટે પણ લડીશું.

તાજેતરમાં પિતા બનેલા માર્ક ઝકરબર્ગે જણાવ્યું છે કે અમારે ત્યાં દીકરી આવવાથી અમારી આશાઓ ઘણી વધી ગઈ છે, પરંતુ નફરતનો જે માહોલ પ્રવર્તે છે તે લોકોને નિરાશાનો શિકાર બનાવી શકે છે. આપણે આશા છોડવી જોઈએ નહીં.

જો આપણે એક બીજા સાથે ઊભા રહીશું તો તેમની સારી વાતોને જોઈ શકીશું અને સાથે મળીને બધા માટે એક સારી દુનિયાનું નિર્માણ કરીશું. ફેસબુકના સીઈઓ માર્ક ઝકરબર્ગે ગત સપ્તાહે પોતાને ત્યાં દીકરીના આગમન અંગે જણાવ્યું હતું કે આ વિશ્વમાં મારી દીકરી મેક્સનું સ્વાગત કરતા હું અને પ્રિસિલા ખૂબ ખુશ છીએ.

admin

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

8 hours ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

8 hours ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

9 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

11 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

12 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

13 hours ago