એર ઈન્ડિયાની ફ્લાઈટમાં પણ માકડનો ત્રાસઃ બિઝનેસ ક્લાસમાં પણ સમસ્યા

નવી દિલ્હી: આમ તો સામાન્ય રીતે રેલેવેમાં નિય‌િમત સફાઈના અભાવે મચ્છર કે માકડની સમસ્યા જોવા મળતી હોય છે, પરંતુ તાજેતરમાં એર ઈન્ડિયાની ફલાઈટમાં પણ માકડનો ત્રાસ વધી ગયો છે તેવી મુસાફરોની ફરિયાદ છે, જેમાં બિઝનેસ ક્લાસમાં પણ આવી સમસ્યા વધી ગઈ છે તેથી નવાઈની વાત એ ગણી શકાય કે જો વિમાનમાં પણ આવી સમસ્યા હોય તે બાબત ઘણી ચિંતાજનક ગણી શકાય તેમ છે.

આ અંગે મળતી માહિતી અનુસાર ન્યૂયોર્કથી મુંબઈ જતી ફલાઈટમાં માકડની સમસ્યા વધી ગયાની ફરિયાદ સાથે કેટલાક મુસાફરોએ તેમનાં બાળકોને માકડ કરડી ગયાની રજૂઆત પણ કરી છે. આ ઘટના ગત સપ્તાહમાં બની હતી, જેમાં અમેરિકાથી મુંબઈ આવતી ફલાઈટના બિઝનેસ કલાસમાં માકડ હોવાની ફરિયાદ થઈ હતી. આ બાબતે કેટલાક મુસાફરોએ નાગરિક વિમાન પ્રધાન સુરેશ પ્રભુને પણ રજૂઆત કરી છે.

ટ્રેનની ટિકિટ મેક માઈ ટ્રિપથી બુક થઈ શકશે
ટ્રેનમાં યાત્રા માટે હવે મેક માઈ ટ્રિપ, યાત્રા, પેટીએમ અને ક્લિયર ટ્રિપ જેવા પોર્ટલથી ટિકિટ ખરીદો છો તો આ ખબર તમારા માટે છે. આ વેબસાઇટથી ટિકિટ બુક કરાવવી હવે પહેલાંની સરખામણીમાં મોંઘી થશે. ઇન્ડિયન રેલવે એન્ડ કેટરિંગ એન્ડ ટૂરિઝમ કૉર્પોરેશન (આઈઆરસીટીસી) બીજા પોર્ટલના માધ્યમથી ટિકિટ બુકિંગ કરાવવા પર એક્સ્ટ્રા ચાર્જ લગાવવાનો નિર્ણય કર્યો છે.

આ અંગે આઈઆરસીટીસીએ જણાવ્યું છે કે સર્વિસ પ્રોવાઇડર તરફથી ટિકિટ બુક કરાવવા પર ૧૨ રૂપિયા અને તેના પર ટેક્સ પણ લગાવવામાં આવશે. ઉલ્લેખનીય છે કેઆઈઆરસીટીસી ઇન્ડિયન રેલવે સહાયક કંપની છે અને કેટરિંગ, ટૂરિઝમ અને ઑનલાઇન ટિકિટિંગ ઑપરેશન હેન્ડલ કરે છે.

આઈઆરસીટીસીના આઈપીઓ આવવા પહેલાં આ પગલું રેવન્યૂ એકત્ર કરવાની રીત તરીકે જોવામાં આવી રહ્યું છે, જોકે IRCTCના આ પગલાથી સર્વિસ પ્રોવાઇડર ખુશ નથી. અત્યાર સુધી IRCTC તરફથી આ વેબસાઇટ્સ પાસેથી વાર્ષિક મેન્ટેનન્સ ચાર્જ લેવામાં આવતો હતો, જેના કારણે ગ્રાહકો પર વધારાનો બોજ પડતો ન હતો, પરંતુ હવે પ્રત્યેક ટિકિટ પર અલગથી ચાર્જ લેવા પર ટિકિટની કિંમતમાં વધારો થશે.

You might also like