Categories: India

વૈદ્યનાં વિવાદાસ્પદ વિધાનોનો ઉપાય ભાજપે શોધવો પડશે

ઉત્તરપ્રદેશ સહિત પાંચ રાજ્યોમાં ચૂંટણીજંગ ખેલાઈ રહ્યો છે. બરાબર એ જ સમયે ફરી આરએસએસ અનામતના વિવાદમાં અટવાયો છે. સમાજ કાર્યના નવા દાયકા પછી પણ મીડિયા સંઘને આસાનીથી જાળમાં ફસાવી જાય છે અને સંઘના અધિકારીઓનાં વિધાનો પ્રસિદ્ધ થયાં પછી જ્યારે ગેરસમજો ઊભી થાય છે ત્યારે સંઘ ખુલાસાઓ કરીને થાકે છે, પરંતુ તેમની વાત કોઈ જલદી સ્વીકારવા તૈયાર થતું નથી. મીડિયા સાથે કામ પાડવામાં આટલું ભોળપણ આજના સમયમાં ચાલે તેવું નથી. કમસે કમ બિહારની ચૂંટણી પૂર્વે સંઘના વડા મોહન ભાગવતનાં અનામત અંગેનાં વિધાનોએ સર્જેલા વિવાદને પગલે બિહારની ચૂંટણીમાં ભાજપને જે નુકસાન થયું હતું એ અનુભવ પછી અનામત વિશે ચૂંટણીના સંજોગોમાં બોલતાં પહેલાં સંઘના અધિકારીઓએ વિચારવું જોઈએ.

મીડિયાના લોકો તેમનાં વિધાનોને સંદર્ભ વિના તોડી-મરોડીને રજૂ કરે છે. એવી સંઘની ફરિયાદમાં તથ્ય હોય તો પણ સંઘના લોકોએ એક વાત સમજવી રહી કે મીડિયાના લોકોની કામ કરવાની એક પ્રણાલી હોય છે અને તેમની મર્યાદા પણ હોય છે. સંઘના અધિકારીઓ તેમને પુછાયેલા પ્રશ્નના લાંબા ફિલોસોફીથી ભરપૂર જવાબો આપે છે ત્યારે એ બધું મીડિયામાં યથાતથ પ્રસિદ્ધ થવાની અપેક્ષા તેઓ રાખી શકે નહીં. આ વખતે સંઘના અખિલ ભારતીય પ્રચાર પ્રમુખ મનમોહન વૈદ્યએ જયપુર લિટ. ફેસ્ટિવલમાં સવાલ-જવાબના સેશનમાં અનામત વિશેના એક પ્રશ્નમાં તેમણે જે કાંઈ કહ્યું તેમાંથી મીડિયામાં એટલું જ આવ્યું કે અનામત ખતમ થવી જોઈએ. મીડિયા કાંઈ સંઘના પાળેલા પોપટ નથી કે તેમના શબ્દો યથાતથ પ્રસ્તુત કરે. મીડિયા તેમનાં વિધાનોમાંથી સનસનાટી સર્જે એવી વાત પસંદ કરે તો પણ તેમાં મીડિયાનો દોષ નથી. જયપુરમાં મનમોહન વૈદ્યને પુછાયેલો પ્રશ્ન હકીકતમાં મુસ્લિમો જેવી લઘુમતીઓને અનામતનો લાભ આપવા અંગેનો હતો. વૈદ્યએ પ્રત્યુત્તરમાં બાબાસાહેબ આંબેડકરને ટાંકીને તેમની વાત કરી. આખરે વાત તો એ જ હતી કે કોઈ પણ દેશમાં અનામત કાયમી હોઈ શકે નહીં. ક્યારેક તો તેનો અંત લાવવો પડે. એ વાત કહેવા માટે આંબેડકરના વિચારનો આશ્રય લેવામાં આવે તો પણ તેમાં સંઘનો દૃષ્ટિકોણ આવી જ જાય. એસસી- એસટીને અનામત અને લઘુમતીને અનામત એ બંને અલગ વિષય છે. પણ એક જ જવાબમાં બંને વિશે વાત કરવામાં આવે ત્યારે મીડિયાના રિપોર્ટિંગમાં ભેળસેળ થઈ જવાની સંભાવના રહે જ છે. આવું

કાંઈ એકલા સંઘના અધિકારીઓના કિસ્સામાં જ થતું નથી. અન્ય મહાનુભાવોનાકિસ્સામાં પણ આવું બનતું રહે છે. અનામત ખતમ થવી જોઈએ એવું કહેવાને બદલે પછાત વર્ગો માટે અનામત યોગ્ય છે એટલું જકહ્યું હોત તો પણ હેતુ સરી ગયો હોત. સંઘના અધિકારીઓને વારંવાર અનામત જેવા વિષયે પૂછવામાં આવે ત્યારે તેના હેતુને પણ સમજી લેવા પડે.

ખરેખર તો જયપુર લિટ. ફેસ્ટિવલમાં પુછાયેલો અનામત વિશેનો પ્રશ્ન મનમોહન વૈદ્ય માટે અગાઉની આવી ભૂલ સુધારી લેવાની તક હતી. એ તક ઝડપી લેતાં આવડી નહીં. રાજકીય પક્ષો સંઘના અધિકારીઓનાં વિધાનોને વિવાદનો વિષય બનાવી રાજકીય લાભ મેળવવાના પ્રયાસ કરશે જ. ચૂંટણી એ જંગ છે અને તેમાં આવાં બધાં જ સાધનો ઉપયોગમાં લેવાય. પ્રચાર અને અપપ્રચાર બધું જ યુદ્ધમાં યોગ્ય જ ગણાય છે. મહાભારતના યુદ્ધમાં ‘નરો વા કુંજરો વા’ પણ આવો જ અપપ્રચાર હતો પણ તેનો લાભ લેવાયો જ હતો. સંઘના અધિકારીઓનાં વિધાનોથી ભાજપને નુકસાન થાય એવા સંજોગોમાં સંઘને ભાજપ સાથે કશી લેવાદેવા નથી એવું કહ્યે ચાલે તેમ નથી. એ ભૂલનો માત્ર પાંગળો બચાવ છે. ચૂંટણી જેવા લોકતંત્રના આધુનિક યુદ્ધમાં સંઘ પણ ભાજપની સેનાનું  અંગ હોય છે. એટલે ભાજપને થતા રાજકીય નુકસાન બાબતે સંઘ સંવેદનહીન બની શકે નહીં. આવી બાબતમાં સંઘને કશું કહેવાનું ભાજપનું ગજું નથી. ઉત્તરપ્રદેશની ચૂંટણીમાં ભાજપને થનાર સંભવિત નુકસાનને ખાળવાની વ્યૂહરચના ભાજપે જ તૈયાર કરવી પડશે.
http://sambhaavnews.com/

divyesh

Recent Posts

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

17 mins ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

2 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

3 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

4 hours ago

રાફેલ ડીલ મુદ્દે રાહુલ ગાંધીનાં આકરા પ્રહાર, કહ્યું,”પ્રધાનમંત્રી ભ્રષ્ટ છે”

ન્યૂ દિલ્હીઃ રાફેલ વિમાનનાં કરાર પર ફ્રાન્સનાં પૂર્વ રાષ્ટ્રપતિ ફ્રાંક્વા ઓલાંદનાં નિવેદન બાદથી કેન્દ્ર સરકાર આલોચનાઓનાં ઘેરે આવી ગઇ છે.…

4 hours ago

એક વાર ફરી પડદે દેખાશે નોરા ફતેહીનો “દિલબર” અંદાજ, ટૂંક સમયમાં આવશે અરબી વર્ઝન

મશહૂર બેલી ડાન્સર નોરા ફતેહી બોલીવુડ ફિલ્મ "સત્યમેવ જયતે"માં આઇટમ નંબર "દિલબર"થી લોકોનાં દિલમાં ધમાલ મચાવી ચૂકેલ છે. આ ગીતથી…

5 hours ago