માણેકબાગ પાસે રિક્ષામાં બેઠેલી મહિલાનું મોઢું દબાવી લૂંટ ચલાવી

અમદાવાદ: શહેરમાં શટલ રિક્ષામાં બેસવું હવે સલામત નથી રહ્યું, કારણ કે મોડી રાતે કે ધોળા દિવસે શટલ ‌િરક્ષામાં પેસેન્જરોને બેસાડીને લૂંટી લેવાના અસંખ્ય કિસ્સાઓ બની રહ્યા છે. પેસેન્જરોની નજર ચૂકવીને તેમજ ચપ્પુ બતાવી તેમની પાસેથી રોક્ડ રકમ અને સોના-ચાંદીના દાગીના પડાવી લેવામાં આવે છે. છેલ્લા બે દિવસમાં પેસેન્જરોને છરી બતાવીને લૂંટી લેવાના બે કિસ્સા બન્યા છે ત્યારે નજર ચૂકવીને દાગીનાની તફડંચી કરવાનો એક કિસ્સો બન્યો છે. ક્રાઇમ બ્રાંચની ટીમ પાસે શટલ રિક્ષામાં પેસેન્જરોના સ્વાંગમાં લૂંટી લેતી ર૪ ગેંગનું લિસ્ટ છે તેમ છતાંય આવા કિસ્સાઓ ઘટવાની જગ્યાએ વધી રહ્યા છે.

વલસાડના મુંગરવાડી વિસ્તારમાં આવેલ કોટેશ્વરનગર સોસાયટીમાં રહેતા જૈમિનીબહેન કૌશિકભાઈ દેસાઈ (ઉ.વ.50) ગઈ કાલે રાતે અમદાવાદ ખાતે તેમનાં પિયરમાં આવ્યાં હતાં. માણેકબાગ ચાર રસ્તા પાસે બસમાં ઊતર્યાં ત્યારે એક રિક્ષાચાલક આવતાં તેઓ તે રિક્ષામાં બેઠાં હતાં. દરમ્યાનમાં રિક્ષા માણેકબાગ હોલ તરફ જતી હતી ત્યારે રિક્ષામાં અગાઉથી બેઠેલા બે શખ્સોએ જૈમિનીબહેનનું મોઢું દબાવી અને ઝપાઝપી કરી હાથમાં રહેલી ખોટી બંગડીઓ, સોનાનો દોરો, કાનની બુટ્ટી, રોકડા રૂપિયા ચાર હજાર, મોબાઈલ ફોન અને સામાનની લૂંટ કરી હતી. રિક્ષાચાલક અને તેના સાગરીતો જૈમિનીબહેનને ત્યાંજ ઉતારી ફરાર થઇ ગયા હતા. સેટેલાઇટ પોલીસે જૈમિનીબહેનની ફરિયાદના આધારે ગુનો નોંધી તપાસ શરૂ કરી છે.

નર્મદા જિલ્લામાં આવેલ રાજપીપળાના રાજવંશ પેલેસ ‌િરસોર્ટમાં રહેતા હરેન્દ્રપાલસિંહ ગજેન્દ્રસિંહ રાઠોડ તેમજ સુરત જિલ્લાના મહુવા ખાતે રહેતા સ્મિત જીતેન્દ્રભાઇ ભાવસારે રામોલ પોલીસ સ્ટેશનમાં લૂંટની ફરિયાદ કરી છે. હરેન્દ્રપાલ અને સ્મિત ઉસ્માનપુરા વિસ્તારમાં આવેલ આનંદધામ એપાર્ટમેન્ટમાં ભાડેથી રહે છે અને હોટલ મેનેજમેન્ટનો કોર્સ કરે છે. તારીખ ર૯ ઓગસ્ટના રોજ બન્ને વિદ્યાર્થીઓ વડોદરાથી અમદાવાદ ગીતામં‌િદર એસ.ટી. બસમાં આવ્યા હતા.

તામંદિરથી રાતે પોણા દસેક વાગ્યા આસપાસ ઉસ્માનપુરા આવવા માટે તેઓ એક શટલ ‌રિક્ષામાં બેઠા હતા, જેમાં પહેલાંથી એક પેસેન્જર બેઠો હતો. રિક્ષાચાલક તેમને રામોલ ‌િરંગરોડ પાસે આવેલ ગતરાડ ગામ તરફ લઇ ગયો હતો. જ્યાં અવાવરું જગ્યાએ રિક્ષા ઊભી રાખી હતી, જેમાં પેસેન્જરે ચપ્પુ કાઢીને બન્ને યુવકો પાસેથી લૂંટ ચલાવી હતી. ‌િરક્ષાચાલક અને તેનાે સાગરીત બે લેપટોપ, બે મોબાઇલ તેમજ ૧૦ હજાર રૂપિયા રોકડની લૂંટ ચલાવીને બંને યુવકોને સૂમસામ રોડ પર ઉતારીને નાસી છુટ્યા હતા. સરસપુર વિસ્તારમાં આવેલ અંબિકા ભુવનમાં રહેતાં ૬પ વર્ષીય લીલાબહેન દરજીએ બાપુનગર પોલીસ સ્ટેશનમાં રિક્ષાચાલક અને પેસેન્જર વિરુદ્ધમાં ફરિયાદ કરી છે.

ફરિયાદમાં કરાયેલા આક્ષેપ પ્રમાણે દોઢ મહિના પહેલાં તારીખ ૧૭-૭-૧૭ના રોજ લીલાબહેનને નરોડા ખાતે જવાનું હોવાથી તેઓ સરસપુર બસસ્ટેન્ડ પાસે ઊભાં હતાં તે સમયે એક શટલ રિક્ષા તેમની પાસે આવી હતી, જેમાં બે પેસેન્જર બેઠા હતા. લીલાબહેનની ત‌િબયત ખરાબ હોવાથી તે રિક્ષામાં સૂઇ ગયાં હતાં, જેમાં પેસેન્જરોએ તેમના હાથમાંથી દોઢ-દોઢ તોલાની બે બંગડીઓ કાઢી લીધી હતી અને તેમને અ‌િજત મિલ પોલીસચોકી પાસે ઉતારી દીધાં હતાં. લીલાબહેને તેમના હાથમાંથી બંગડી ગાયબ થયેલી જોતાં તેમની ત‌િબયત લથડી હતી અને તેમને સારવાર માટે હોસ્પિટલમાં ખસેડવામાં આવ્યાં હતાં. થોડાક દિવસ પહેલાં તેમની ત‌િબયત સારી થતાં તેમણે બાપુનગર પોલીસ સ્ટેશનમાં રિક્ષાચાલક અને બે પેસેન્જર વિરુદ્ધમાં ફરિયાદ કરી છે.

You might also like