VIDEO: મહિસાગર પોલીસે SNC કંપનીનાં નામે 15 કરોડનું ફૂલેકું ફેરવનારની કરી ધરપકડ

0 34

મહિસાગરઃ SNC કંપનીનાં નામે રૂ.15 કરોડનું ફુલેકું ફેરવનારની ધરપકડ કરવામાં આવી છે. મહિસાગર LCBએ કંપનીનાં CEO અને MDની ધરપકડ કરી છે. પોલીસે રાજકોટથી બંને લોકોને ઝડપી લીધાં છે. મહત્વનું છે કે રાજ્યનાં અનેક જિલ્લામાં ખેડૂતો સાથે આ બંને આરોપીઓએ કરોડોની છેતરપિંડી આચરી છે.

ઉલ્લેખનીય છે કે ખેડૂતો, વેપારીઓ અને આમ લોકોનાં ૧૫ કરોડનું ફૂલેકું ફેરવતા બંટી-બબલીને રાજકોટથી મહીસાગર પોલીસે ઝડપી પાડ્યાં છે. આરોપી કેતન ડામોર અને તેની પત્ની લક્ષ્મીબેન ડામોર એસ.એન.સી કંપનીનાં નામે ખેડૂતો અને વેપારીઓને અનાજનાં ડબલ ભાવ આપવાની લાલચ આપીને અનાજની ખરીદી કરી.

ત્યારબાદ ખેડૂતો અને વેપારીઓને પૈસા પરત ના કરતા મહીસાગર ખાતે છેતરપિંડીની ફરિયાદ નોંધાઈ હતી. ત્યાર બાદ પોલીસે અલગ-અલગ ટીમ બનાવીને તપાસ હાથ ધરી અને આરોપીઓને ઝડપી પાડ્યાં હતાં. આરોપીની તપાસ કરતાં ૧૫ કરોડની છેતરપીંડીની વાત બહાર આવી છે પરંતુ આંકડો વધી શકે છે.

આ બંટી-બબલી ગુજરાતનાં અનેક જિલ્લાઓમાં ઓફીસ બનાવીને લોકો સાથે છેતરપીંડી કરતાં હતાં. જેમાં લુણાવાડા, પંચમહાલ, બરોડા, મહુવા, સુરત, કવાંટ, છોટા ઉદેપુર વગેરે સ્થળોએથી લોકો પાસેથી અનાજ પડાવતાં હતાં.

હાલમાં પોલીસે રાજકોટથી પોતાની ઓળખ છુપાવીને છેલ્લાં ૩ વર્ષથી નાસતા ફરતાં આ બંટી-બબલીની ધરપકડ કરીને આ મામલે વધુ તપાસ હાથ ધરી છે જેમાં વધુ આંકડો સામે આવી શકે છે.

loading...

Leave A Reply

Your email address will not be published.