રાજ્યમાં ટ્રકોની સાથે લક્ઝરી બસોને બ્રેક વાગીઃ પ્રવાસીઓ હાલાકીમાં મુકાયા

અમદાવાદ: આજથી દેશભરના ટ્રાન્સપોર્ટર્સની બેમુદતી હડતાળ શરૂ થઇ ચૂકી છે. ટ્રાન્સપોર્ટ એસોસિયેશનને એક દિવસ માટે સહકાર આપવાના મુદ્દે આજે રાજ્યભરની ખાનગી લક્ઝરી બસ સેવા બંધ રહેતાં હજારો મુસાફરો અટવાયા હતા. જેમને પ્રવાસ કરવો જ પડે તેવી પરિસ્થિતિ છે તેઓએ એસટી બસનો સહારો લેતાં આજે એસટીની બસો હાઉસફુલ જઇ રહી છે, જોકે વરસાદી વાતાવરણ અને રજાનો દિવસ નહીં હોવાથી ભારે ધસારો થવાની પરિસ્થિતિ અટકી ગઇ છે, પરંતુ ખાનગી લકઝરી બસ બંધ હોવાનો લાભ અપડાઉન કરતી ટેકસી સર્વિસે બમણા ભાવ વસૂલી મુસાફરો પાસેથી લઇને લીધો છે.

અમદાવાદથી ભાવનગર, મહેસાણા કે રાજકોટ, વડોદરા જતી ખાનગી ટ્રાવેલ્સની બસોની કિંમત કરતાં બમણા ભાવ ખાનગી ટેકસી સંચાલકો વસૂલી રહ્યા છે. પ્રવાસીઓ પણ મજબૂરીથી ચૂકવી રહ્યા છે.

સૌરાષ્ટ્ર તરફ જતી બસો મોટા ભાગે નહેરુનગર, ગીતામંદિર અને ઇસ્કોન તથા ઉજાલા સર્કલથી પેસેન્જર્સ લે છે. આજે આ તમામ સ્થળોએ મુસાફરોની ભારે ભીડ છે. એસટીમાં ઓનલાઇન બુકિંગ કરવા નહીં ટેવાયેલા મુસાફરો એસટી બસમાં બેસવા પડાપડી કરી રહ્યા હતા.

અમદાવાદ શહેરથી રાજ્યભરમાં સુરત, રાજકોટ, ભાવનગર, અમરેલી વગેરે સ્થળોએ દર કલાકે ઉપડતી પ૦૦ જેટલી ખાનગી લકઝરી બસો આજે એક દિવસ માટે બંધ રહી છે. ગઇ કાલથી જ બસ સંચાલકોએ તેમના આજથી શરૂ થતાં બુકિંગ લીધાં નથી. ગઇ કાલ રાતના ૧ર વાગ્યાથી આજ રાતના ૧ર વાગ્યા સુધી લકઝરી બસો બંધ રહેશે. ટૂર્સ એન્ડ ટ્રાવેલ્સની બસોના પિક‌િનક કે સેમિનાર જેવા પ્રસંગોએ થયેલા બુકિંગ રદ કરાયાં છે.

અનિવાર્ય સંજોગો અને ત્રણ મહિના પહેલાં થયેલાં કૌટુંબિક પ્રસંગોના બુકિંગ ચાલુ રખાયા છે પરંતુ ગણ્યાગાંઠ્યા આવાં બુકિંગ હોવાના કારણે આજે રસ્તાઓ સૂમસામ બન્યા છે. મોટા ભાગના પ્રવાસીઓને લકઝરી બસો બંધ હોવાની ખબર નહીં હોવાના કારણે સામાન સાથે જે તે બસ પિકઅપ પોઇન્ટ પર પહોંચી ગયેલા પ્રવાસીઓ અટવાઇ ગયા છે.

ડીઝલના ભાવમાં ઓઇલ કંપનીઓ દ્વારા કરવામાં આવેલો બેફામ વધારો. સરકારની ટોલ ટેક્સની નીતિ, થર્ડ પાર્ટી ઇન્સ્યોરન્સ પ્રિમિયમમાં કરવામાં આવેલો વધારો. જીએસટીના ઇ-વે બિલ સંદર્ભ સરકારની નીતિ જેવા વિવિધ પ્રશ્નોને લઇને ટ્રાન્સપોર્ટરો દ્વારા આજથી અચોક્કસ મુદ્દતની હડતાળ પર ઊતરી ગયા છે.

જેના પગલે ગુજરાતમાં એક અંદાજ મુજબ નવ લાખ ટ્રકમાં પૈંડાં થંભી ગયાં છે. ટ્રાન્સપોર્ટ સેકટરના જણકારોના જણાવ્યા પ્રમાણે હડતાળના પગલે ટ્રાન્સપોર્ટ ઉદ્યોગને એક અંદાજ મુજબ રોજનું ચાર હજાર કરોડથી વધુનું નુકસાન થશે. એટલું જ નહીં કાચા માલ તથા તૈયાર માલનું પરિવહન પણ થંભી જશે. જેના કારણે ઇન્ડસ્ટ્રીઝને મોટું આર્થિક નુકસાન થવાની ભીતિ સેવાઇ રહી છે.

ઓલ ઇન્ડિયા મોટર ટ્રાન્સપોર્ટ કોંગ્રેસના ઉપપ્રમુખ મૂકેશ દવેના જણાવ્યા પ્રમાણે હડતાળના પગલે નવ લાખ ટ્રકોનાં પૈંડાં થંભી જતાં તથા અન્ય ઇન્ડસ્ટ્રીઝ ઉપર પણ તેની સીધી અસર પડશે. જો કે ઇર્મજન્સી સેવાનો હડતાળના કારણે કોઇ મુશ્કેલી ઊભી ન થાય તે જોવાશે. ઉલ્લેખનીય છે કે ઓલ ઇન્ડિયા મોટર ટ્રાન્સપોર્ટ કોંગ્રેસે સમગ્ર દેશભરમાં હડતાળનો કોલ આપ્યો છે. સમગ્ર દેશમાં ૭પ લાખ ટ્રકોનાં પૈડાં થંભી જશે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

4 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

4 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

4 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

4 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

4 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

5 hours ago