એલટીસી હેઠળ સરકારી કર્મચારીઓ ખાનગી વાહનમાં પ્રવાસ કરી શકશે

અમદાવાદ: રાજ્ય સરકારના કર્મચારીઓ અને અધિકારીઓને હવે ‘લીવ ટ્રાવેલ કન્સેશન’ એલટીસીમાં ખાનગી વાહનનું બિલ મેળવવાની છૂટ આ વર્ષથી મળશે. સરકારે આ બાબતે સત્તાવાર જાહેરાત કરી દેતાં હવે સરકારી કર્મીઓ પ્રવાસ દરમિયાન ખાનગી વાહનોમાં મુસાફરી કરી ભથ્થું મેળવવાની છૂટ લઇ શકશે એટલું જ નહીં હવે સરકારી અધિકારીઓ કે કર્મચારીઓને એસી ટુ-ટાયરના બદલે એસી થ્રી-ટાયરના ભાડાનો લાભ મળશે. જેમણે પોતાની કારમાં પ્રવાસ કર્યો હશે તેમને કાર પેટ્રોલનું કિલોમીટરદીઠ બિલ કે રેલ પ્રવાસ બેમાંથી જે ઓછું હશે તે મળશે. રોડ ‌િટ્રપ દરમિયાન રૂ.૭૬૦૦ અથવા બસ કે સરકારી બસનો ઉપયોગ કર્યો હશે તેમને પૂરેપૂરું ભાડું ચૂકવાશે.

અમરનાથ, વૈષ્ણોદેવી જેવાં પર્વતીય સ્થળોએ માત્ર હેલિકોપ્ટર ઘોડા કે ડોલીમાં જ યાત્રા કરવી પડતી હોય ત્યારે જે તે કર્મચારીને તેના પગાર મુજબ એલટીસીનો લાભ મળશે. આંદામાન-નિકોબાર કે લક્ષ‌દ્વીપ અથવા અન્ય ટાપુ પર જવા માટે શિપિંગ કોર્પોરેશન ઓફ ઇન્ડિયાનાં બિલ માન્ય કરાશે. આ માટે રૂ.પ૪૦૦નો ગ્રેડ ધરાવતા કર્મીને હાઇએસ્ટ કલાસ વનનું એલટીસી મળશે. રૂ.૪૪૦૦થી પ૪૦૦ સુધીનો ગ્રેડ ધરાવનારને બીજા વર્ગનું ભથ્થું મળશે અને રૂ.ર૪૦૦નો ગ્રેડ ધરાવનાર કર્મચારીઓને લોઅર કલાસ એલટીસી ભથ્થું મળશે. સરકાર દ્વારા આ વર્ષથી જ આ લાભ આપવાનું અમલી કરાયું છે.

You might also like