Categories: Gujarat

Crime Brief: બસ..! એક Click અને વાંચો શહેરના ક્રાઇમ સમાચાર

એસટી બસમાં આગઃ તમામ મુસાફરોનો અદ્દભૂત બચાવ
અમદાવાદ: ભરૂચ અંકલેશ્વર હાઇવે પર સરદાર બ્રિજ નજીક એસટી બસમાં આગ ભીષણ આગ લાગતાં ભારે અફરાતફરી મચી ગઇ હતી. જોકે ડ્રાઇવરની સમય સૂચકતાને કારણે તમામ મુસાફરોનો અદ્ભુત બચાવ થયો હતો અને મોટી દુર્ઘટના ટળી હતી. પ્રાપ્ત માહિતી અનુસાર આ અંગેની વિગત એવી છે કે રાજપીપળાથી આવી રહેલી એસટી બસ જ્યારે ભરૂચ અંકલેશ્વર રોડ પર સરદાર બ્રિજ નજીકથી પસાર થઇ રહી હતી ત્યારે અચાનક એન્જિનમાંથી ધુમાડા નીકળવા લાગતાં ડ્રાઇવર સતર્ક બની ગયો હતો અને તાત્કાલિક બસને રોડની એક તરફ લઇ બસમાં બેઠેલ ૧પથી ર૦ જેટલા મુસાફરોને નીચે ઉતારી દીધા હતા. મુસાફરો નીચે ઊતરતાં થોડી વારમાં જ બસ ભડભડ સળગવા લાગતાં બસ આગમાં લપેટાઇ ગઇ હતી. આગનું વિકરાળ સ્વરૂપ જોઇને રોડનો બંને તરફનો ટ્રાફિક થંભી ગયો હતો. ફાયર બ્રિગેડના જવાનોએ તાત્કાલિક ઘટનાસ્થળે પહોંચી જઇ પાણીનો મારો ચલાવી આગને કાબૂમાં લઇ ટ્રાફિક રાબેતા મુજબ કર્યો હતો.

સોલામાં ચોરીઃ મણિનગરમાં તફડંચી
અમદાવાદ: શહેરના સોલા વિસ્તારમાં ઘરફોડ ચોરીનો અને મણિનગર વિસ્તારમાં તફડંચીનો બનાવ બનતાં પોલીસે ગુના દાખલ કરી તપાસ હાથ ધરી છે. આ અંગેની વિગત એવી છે કે સોલામાં આરસી ટેકનિકલ રોડ પર આવેલા ભાગવત બંગલોઝના એક મકાનનું તાળું તોડી તસ્કરોએ સોના-ચાંદીનાં ઘરેણાં અને રોકડ રકમ મળી રૂ.એક લાખની મતાની ચોરી કરી હતી. જ્યારે મણિનગરમાં દ‌િક્ષણી સોસાયટી નજીક પારસમણિ એપાર્ટમેન્ટના એક મકાનમાંથી રૂ.૩૦,૦૦૦ની મતા સાથેના પર્સની તફડંચી થતાં પોલીસે કાર્યવાહી શરૂ કરી છે.

માર્ગ અકસ્માતમાં શિક્ષિકા સહિત છનાં મોત
અમદાવાદ: રાજ્યના જુદા જુદા હાઇ વે પર બનેલા માર્ગ અકસ્માતના બનાવોમાં શિક્ષિકા સહિત છ વ્યકિતનાં મોત થયાં હતાં. પોલીસે ગુના દાખલ કરી તપાસ શરૂ કરી છે.  આ અંગેની વિગત એવી છે કે રાજકોટના નવા મવા સર્કલ પાસેથી સ્કૂટર પર પસાર થઇ રહેલ પાઠક સ્કૂલના શિક્ષિકા જાનકીબહેન દવેને ટ્રકે અડફેટે લેતાં તેમનું ગંભીર ઇજાઓ થવાને કારણે મોત થયું હતું. વંથલી રોડ પરથી પસાર થઇ રહેલ કારના ચાલકે સ્ટિયરિંગ પરનો કાબૂ ગુમાવતાં કાર ખાડામાં ખાબકી હતી. જેમાં ભાજપના કાર્યકર રાજુ રામા ખુટી નામના યુવાનનું મોત થયું હતું. પોરબંદરના મિયાણી રોડ પર બાઇક સ્લિપ થતાં ભરત નાગાભાઇ ભૂતિયા અને આ જ રોડ પર બાગેશ્રી નજીક બનેલા અકસ્માતમાં બાઇક સ્લિપ થતાં એક યુવકનું મોત થયું હતું. આ ઉપરાંત જસદણ આટકોટ રોડ પર ટ્રકે બાઇકને અડફેટે લેતાં છગનભાઇ લુહાર નામના વૃદ્ધનું મોત થયું હતું. જ્યારે જામનગર ખંભાળિયા હાઇ વે પર નાગાર્જુન પેટ્રોલપંપ પાસે ટ્રકે બાઇકને અડફેટે લેતાં પૂજાભાઇ નામના આધેડનું મોત થયું હતું. અકસ્માત સર્જી ટ્રક ચાલક નાસી છૂટયો હતો. પોલીસે આગળની કાર્યવાહી શરૂ કરી છે.

દારૂ જુગારના અડ્ડા પર દરોડા
અમદાવાદઃ શહેરના જુદા જુદા વિસ્તારમાં દારૂ જુગારના અડ્ડા પર પોલીસે દરોડા પાડી ૩૦૮ લિટર દેશી દારૂ, ૧૦ બોટલ વિદેશી દારૂ, ૩ર બિયરનાં ટીન, એક રિક્ષા, એક બાઇક, રોકડ રકમ અને જુગારનાં સાધનો કબજે કરી ૩૭ શખ્સની ધરપકડ કરી છે.

ગઠિયો સગીરાને ઉઠાવી ગયો
અમદાવાદઃ રામોલમાં રહેતી એક સગીરાનું અપહરણ થતાં પોલીસે ગુનો દાખલ કર્યો છે. રામોલમાં સિંઘવાઇ મંદિર પાસે એક સગીરાને તુષાર ઘનશ્યામભાઇ સુથાર નામનો શખ્સ લલચાવી ફોસલાવી લઇ જતાં પોલીસે તપાસ હાથ ધરી છે.

બે બાઇક અને રિક્ષાની ઉઠાંતરી
અમદાવાદઃ શહેરના બાપુનગર અને ઘોડાસર વિસ્તારમાંથી બે બાઇક અને રિક્ષાની ઉઠાંતરી થતાં પોલીસે ગુના દાખલ કર્યા છે. બાપુનગરમાં ઇ‌ન્ડિયા કોલોની પાસેથી એક બાઇકની, હરદાસનગર બસસ્ટેન્ડ પાસેથી એક બાઇકની અને ઘોડાસરમાં પુનિતનગર સર્કલ પાસેથી એક રિક્ષાની ઉઠાંતરી થઈ હતી.

સાબરમતી નદીમાંથી લાશ મળી
અમદાવાદઃ ચંદ્રભાગા પુલ નીચે સાબરમતી નદીમાંથી એક આધેડની લાશ મળી આવતાં પોલીસે તપાસ હાથ ધરી છે. ચંદ્રભાગા પુલ નીચે સાબરમતી નદીમાં એક આધેડની લાશ તરતી હોવાની જાણ થતાં પોલીસે તાત્કાલિક પહોંચી જઇ જરૂરી કાર્યવાહી કરી લાશને પીએમ માટે મોકલી આપી હતી.

સોનાના દોરાની ચીલઝડપ
અમદાવાદઃ વટવા વિસ્તારમાં સોનાના દોરાની ચીલઝડપનો બનાવ બનતાં પોલીસે ગુનો દાખલ કર્યો છે. વટવા જીઆઇડીસીના ગેટ પાસેથી પસાર થઇ રહેલ સવિતાબહેન નામની મહિલાના ગળામાંથી પાછળના ભાગેથી બાઇક પર આવેલા બે ગઠિયા સોનાના દોરાની ચીલઝડપ કરી ભાગી જતાં પોલીસે તપાસ હાથ ધરી છે.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

11 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

11 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

11 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

12 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

12 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

12 hours ago