ક્રાઇમ બ્રિફ: શહેરના ક્રાઇમ ન્યુઝ

દાઝી જતાં યુવાનનું મોત
અમદાવાદઃ નિકોલ વિસ્તારમાં દાઝી જવાથી યુવાનનું મોત થયું હતું. નિકોલમાં કઠવાડા રોડ પર ઝવેરી એસ્ટેટમાં અાવેલા કારખાનામા ટાંકી ફાટતા દાઝી જવાના કારણે અંકિત કૈલાશભાઈ રાવત નામના યુવાનનું મોત થતાં પોલીસે તપાસ હાથ ધરી છે.

સોનાના દોરાની ચીલઝડપ
અમદાવાદઃ અમરાઈવાડી વિસ્તારમાં સોનાના દોરાની ચીલઝડપનો બનાવ બન્યો હતો. અમરાઈવાડીમાં અાશિમા મીલ નજીકથી પસાર થઈ રહેલ રતિભાઈ અરજણભાઈ લકુમના ગળામાંથી રૂપિયા ૩૦ હજારની કિંમતનો સોનાનો દોરો તોડી ગઠિયા બાઈક પર ફરાર થઈ ગયા હતા.

વટવામાં મકાનનાં તાળાં તૂટ્યાં
અમદાવાદઃ વટવામાં ઘરફોડ ચોરીનો બનાવ બનતા પોલીસે ગુનો દાખલ કર્યો છે. વટવામાં મહાલક્ષ્મી તળાવની બાજુમાં અાવેલ મંથન ફ્લેટના એક મકાનના તાળાં તોડી તસ્કરોએ અાશરે રૂપિયા દોઢ લાખની કિંમતના ઘરેણાંની ચોરી કરતા પોલીસે તપાસ હાથ ધરી છે.

દારૂ અને જુગારના અડ્ડા પર દરોડા
અમદાવાદઃ શહેરના જુદા જુદા વિસ્તારમાં ચાલતા દારૂ અને જુગારના અડ્ડા પર પોલીસે દરોડા પાડી ૪૭૦ લીટર દેશી દારૂ, ૧૦૧ બોટલ વિદેશી દારૂ, ૧૦ બિયરના ટીન, એક કાર, બે સ્કૂટર, રૂપિયા પોણા બે લાખની રકમ અને જુગારના સાધનો કબજે કરી ૧૦૦ શખસની ધરપકડ કરી છે.

તકેદારીરૂપે ૨૧૪ ઈસમની અટકાયત
અમદાવાદઃ શહેરમાં કાયદો અને વ્યવસ્થાની પરિસ્થિતિ જાળવવાના હેતુસર પોલીસે તકેદારીના પગલારૂપે જુદા જુદા વિસ્તારમાંથી ૨૧૪ ઈસમની અટકાયત કરી લોકઅપ ભેગા કરી દીધા હતા. અા ઉપરાંત નશાબંધીની ભંગ બદલ ૩૩ દારૂડિયાને ઝડપી લઈ ગુના દાખલ કર્યા છે.

You might also like