ક્રાઇમ બ્રિફ: શહેરના ક્રાઇમ ન્યુઝ

રિક્ષાની અડફેટે બાઇકચાલકનું મોત
અમદાવાદઃ મેઘાણીનગરમાં ‌િરક્ષાની અડફેટે આવી જતાં એક બાઇકચાલકનું મોત થયું હતું. મેઘાણીનગરમાં હરદાસનગર સોસાયટી નજીકથી પસાર થઇ રહેલ રિક્ષાએ બાઇકસવાર દિનેશભાઇને અડફેટે લેતાં ગંભીર ઇજા થવાના કારણે તેનું સિવિલ હોસ્પિટલમાં સારવાર દરમ્યાન મોત થયું હતું.

અકસ્માતે દાઝી જતાં વૃદ્ધાનું મોત
અમદાવાદઃ કૃષ્ણનગરમાં અકસ્માતે દાઝી જવાથી એક વૃદ્ધાનું મોત થયું હતું. કૃષ્ણનગરમાં ઠક્કરનગર ખાતે આવેલી રઘુની ચાલીમાં રહેતાં કુંવરબા રમેશલાલ વા‌િણયા નામનાં ૮૦ વર્ષનાં વૃદ્ધાનું રસોઇ બનાવતાં અકસ્માતે દાઝી જતાં સિવિલ હોસ્પિટલમાં સારવાર દરમ્યાન મૃત્યુ થતાં પોલીસે ગુનો દાખલ કરેલ છે.

દેશી-વિદેશી દારૂનો જથ્થો કબજે
અમદાવાદઃ શહેરના જુદા જુદા વિસ્તારમાં ચાલતા દારૂ-જુગારના અડ્ડા પર પોલીસે દરોડા પાડી ૪૪૬ લિટર દેશી દારૂ, ૭૧૦ બોટલ વિદેશી દારૂ, ૧૦૮ બિયરનાં ટીન, બે રિક્ષા, ત્રણ કાર, બે બાઇક, ચાર સ્કૂટર, રૂ.૧ લાખની રકમ અને જુગારનાં સાધનો કબજે કરી ૯ર શખસોની ધરપકડ કરી હતી.

અગમચેતીરૂપે ૩૮૪ ઇસમોની અટકાયત
અમદાવાદઃ શહેરમાં કાયદો અને વ્યવસ્થાની પરિસ્થિતિ જાળવવાના હેતુસર શહેર પોલીસે અગમચેતીનાં પગલાંરૂપે જુદા જુદા વિસ્તારમાંથી ૩૮૪ ઇસમોની અટકાયત કરી લોકઅપ ભેગા કરી દીધા છે.

મહિલાને બેભાન કરી ઘરેણાંની તફડંચી
અમદાવાદઃ પાલડીમાં મહિલાને બેભાન બનાવી ઘરેણાંની તફડંચી કરી હતી. વનીતાબહેન બંસલ નામનાં મહિલા ફતેપુરા નજીક એક ઓટલા પર બેઠા હતા ત્યારે બે અજાણ્યા શખસોએ આવી વનીતાબહેનને બેભાન બનાવી રૂ.૮૦ હજારની કિંમતનાં ઘરેણાંની તફડંચી કરતાં પોલીસે ગુનો દાખલ કર્યો છે.
http://sambhaavnews.com/

You might also like