Categories: Gujarat

કારમાં દારૂની હેરાફેરીઃ બોટલો ભરેલી ૧૯ પેટી પકડાઈ

અમદાવાદ: ૩૧ ડિસેમ્બર નજીક આવી રહી છે ત્યારે શહેરમાં બુટલેગરો દારૂનો જથ્થો એકત્રિત કરવા લાગ્યા છે. બે દિવસ અગાઉ વસ્ત્રાપુર પોલીસે એસજી હાઈવે પરથી નંબર પ્લેટ વિનાની કારમાંથી ૧૯ પેટી દારૂ પકડ્યો હતો, જ્યારે ગત મોડી રાતે પીસીબીની ટીમે બાતમીના આધારે એસજી હાઈવે પર ગુરુદ્વારા પાસે વોચ ગોઠવી ૧૯ પેટી દારૂનો જથ્થો જપ્ત કર્યો હતો. આરોપી કાર મૂકી નાસી છૂટવામાં સફળ રહ્યો હતો. પોલીસે દારૂ અને કાર મળી રૂ. ૩.૯૫ લાખનો મુદ્દામાલ કબજે કરી તપાસ શરૂ કરી છે.

પોલીસસૂત્રો પાસેથી મળતી માહિતી મુજબ બે દિવસ અગાઉ વસ્ત્રાપુર પોલીસે થલતેજ ગુરુદ્વારા નજીક નંબર પ્લેટ વગરની કારમાંથી ૧૯ પેટી દારૂ સાથે એક શખસની ધરપકડ કરી હતી. શહેરમાં ૩૧ ડિસેમ્બર નજીક આવતાં અગાઉથી જ બુટલેગરો દારૂનો જથ્થો મંગાવી સ્ટોક કરી રાખે છે, જેથી પોલીસ આવા દારૂના જથ્થાને શહેરમાં આવતો રોકવા સક્રિય બની છે. પોલીસ કમિશનરના તાબા હેઠળની પીસીબી ટીમને ગત રાત્રે બાતમી મળી હતી કે એક કારમાં દારૂનો જથ્થો એસજી હાઈવે પર થઈ શહેરમાં ઘુસાડવામાં આવનાર છે, જેના આધારે પોલીસે ગુરુદ્વારા નજીક વોચ ગોઠવતાં એક શેવરોલેટ કાર આવી હતી.

કાર આવતાં પોલીસે તેને રોકી હતી, પરંતુ કારના ચાલકે કાર ભગાવી હતી અને થોડે આગળ જઈ કાર મૂકી કારચાલક ફરાર થઈ ગયો હતો. પોલીસે કારમાં તપાસ કરતાં ૨૩૩ પરપ્રાંતના ઇંગ્લિશ દારૂની બોટલ્સ અને ૨૪ નંગ બિયરનાં ટીન મળી આવ્યાં હતાં. પોલીસે રૂ. ૯૬,૦૦૦નો દારૂ અને રૂ. ત્રણ લાખની કાર કબજે કરી કુલ રૂ. ૩.૯પ લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે.

admin

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

10 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

10 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

10 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

11 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

11 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

11 hours ago