Categories: Gujarat

એલજી અંધાપાકાંડઃ તપાસ કમિટી આજે વચગાળાનો રિપોર્ટ આપશે

અમદાવાદ: મ્યુનિ. સંચાલિત એલજી હોસ્પિટલના અંધાપાકાંડે શહેરભરમાં સનસનાટી મચાવી દીધી છે. નગરી હોસ્પિટલના અંધાપાકાંડની હજુ શાહી સુકાઈ ન હતી ત્યાં એલજી હોસ્પિટલમાં સત્તાવાળાઓની ગુનાહિત બેદરકારી પ્રકાશમાં આવી છે. અંધાપાકાંડ સંદર્ભમાં આજે તપાસ કમિટી કમિશનર ડી. થારાને વચગાળાનો રિપોર્ટ સોંપશે. આ રિપોર્ટના આધારે કમસેકમ નર્સોની ભૂમિકા અંગે દૂધનું દૂધ અને પાણીનું પાણી થઈ જશે. કમિશનર ડી. થારાના આદેશથી ત્રણ સભ્યની નિમાયેલી તપાસ કમિટી આજે ફરીથી એલ.જી. હોસ્પિટલની મુલાકાત લેશે. ડો. શશાંક પટેલ (સિવિલ), ડો. ભરત ઘોડાદરા (જીસીએસ હોસ્પિટલ) અને ડો. મરિયમ મનસૂરી (સિવિલ) એમ ત્રણ સભ્યોની તપાસ કમિટીના રિપોર્ટ પર સૌની મીટ મંડાઈ છે.

હોસ્પિટલનો હવાલો સંભાળતા ડેપ્યુટી કમિશનર આઈ.કે. પટેલ કહે છે, “આજે તપાસ કમિટી કમિશનરને વચગાળાનો રિપોર્ટ સોંપે એવી શક્યતા છે. આ વચગાળાના રિપોર્ટના આધારે સસ્પેન્ડેડ નર્સિસ અંગે નિર્ણય લઈ શકાશે. એલ.જી. હોસ્પિટલમાં મોટા ઓપરેશનના આંકડા અંગે નર્સોના આક્ષેપ અંગે પૂછવામાં આવતા ડેપ્યુટી કમિશનર પટેલ કહે છે. ”તંત્ર દ્વારા તપાસ કમિટીને કમસેકમ ચાલુ વર્ષના ઓપરેશનના આંકડા તપાસવાની સૂચના તો અપાશે.”

જ્યારે એલ.જી. હોસ્પિટલના સુપરિટેન્ડેન્ટ ડો. યોગેન્દ્ર મોદી કહે છે, નવી બિલ્ડિંગના દશમા માળના ઓ.ટી. કોમ્પ્લેક્સમાં ત્રણ વિભાગના ત્રણ ઓપરેશનનાં કુલ દશ થિયેટર છે. જૂની બિલ્ડિંગમાં બે ઓ.ટી. છે. નવી બિલ્ડિંગમાં છેલ્લા દોઢ વર્ષથી ઓ.ટી. ચાલે છે. મોટાં ઓપરેશન અંગેના આક્ષેપની તપાસ હાયર ઓથોરિટી તપાસશે એટલે આપોઆપ સત્ય બહાર આવશે.” દરમિયાન એલ.જી. હોસ્પિટલમાં ખોટાં ઓપરેશનના આંકડાના મામલે સત્તાધીશો પાછલાં વર્ષોના આંકડાને તપાસવાના ન હોઈ આ બાબત ચર્ચાસ્પદ બની છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

21 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

21 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

21 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

21 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

21 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

21 hours ago