4GB રેમ અને 64GB ઇન્ટરનલ મેમરી સાથે લોન્ચ થયો Zuk Z2

નવી દિલ્હી: લિનોવાએ Zuk સીરીઝનો બીજો સ્માર્ટફોન Zuk Z2 લોન્ચ કર્યો છે. તેમાં હાઇ એન્ડ સ્પેસિફિકેશન્સ આપવામાં આવ્યા છે અને તેની કિંમત 1,799 યુઆન (લગભગ 18,400 રૂપિયા) છે. હાલ તેનું વેચાણ ચીનમાં થશે.

5 ઇંચ ફૂલ એચડી ડિસ્પ્લેવાળા આ સ્માર્ટફોનની સ્ક્રીન 2.5D કર્વ્ડ છે. સારા પરફોર્મન્સ માટે તેમાં ક્વોલકોમ સ્નૈપડ્રૈગન 820 પ્રોસેસરની સાથે 4GB રેમ આપવામાં આવ્યું છે. તેની ઇન્ટરનલ મેમરી 64GB છે જેને માઇક્રો એસડી કાર્ડના માધ્યમથી વધારી શકાય છે.

ફોટોગ્રાફી માટે તેમાં 13 મેગાપિક્સલ રિયર અને 8 મેગાપિક્સલ સેલ્ફી કેમેરો આપવામાં આવ્યો છે. સારા ફોટોશૂટ માટે તેમાં ફેસ ડિટેક્શન ઓટોફોક્સ અને સ્લો મોશન ફિચર પણ આપવામાં આવ્યો છે. તેની બેટરી 3,500mAhની છે જે ફાસ્ટ ચાર્જિંગ સપોર્ટ કરે છે. કંપનીનો દાવો છે કે આ એક કલાકમાં 80 ટકા સુધી ચાર્જ થઇ જશે.

આ ફોનના હોમ બટનમાં ફિંગરપ્રિંટ સ્કેનર આપવામાં આવ્યું છે જેથી ફોનને લોક કરવા અને સિક્યોર પેમેન્ટમાં સરળતા રહે. આજકાલ સ્માર્ટફોન ગરમ થઇ જાય છે, તેનાથી બચવા માટે કંપની તેમાં ઇન્ટરનલ હીટ કંડક્શન ટેક્નોલોજી યૂઝ કરે છે. આ ફોનનું વેચાણ ભારતમાં ક્યારે થશે તેની જાણકારી આપવામાં આવી નથી.

You might also like