Categories: Gujarat

કરોડો રૂપિયાની જમીન તકરારમાં બિલ્ડર પર ફાયરિંગ કરાયું હતું

અમદાવાદ: શહેરના ન્યૂ રાણીપ વિસ્તારમાં આવેલા પ્રમુખ બંગલોઝ નજીક ખુલ્લા પ્લોટમાં ઓફિસમાં બેઠેલા બિલ્ડર પર ગત રાત્રે બાઈક પર આવેલા ત્રણ હેલ્મેટધારી શખસો એક રાઉન્ડ ફાયરિંગ કરી ફરાર થઈ ગયા હતા, જોકે આ બનાવમાં કોઈને ઈજા થવા પામી ન હતી. કરોડો રૂપિયાની જમીન બાબતે ફાયરિંગ કરાયું હોવાની શંકા ફરિયાદીએ વ્યક્ત કરી છે. કાળી ગામના રબારી યુવક દ્વારા ધમકી તેમજ બિલ્ડરને અગાઉ અન્ય ત્રણ વ્યક્તિ સાથે થયેલી જમીન તકરારનો કેસ કરનાર દ્વારા ફાયરિંગ કરાયાની શંકા વ્યક્ત કરવામાં આવી છે.

મળતી માહિતી મુજબ રાણીપના ગાયત્રી મંદિર રોડ પર આવેલી ‌પ્રગટ પુરુષોત્તમ સોસાયટીમાં રહેતા અને બિલ્ડિંગ કન્સ્ટ્રક્શનનો વ્યવસાય કરતા રાજેન્દ્રભાઈ પટેલ તેમના મિત્ર વિજય ઠાકુર અને સર્વેશ યાદવ સાથે ન્યૂ રાણીપના પ્રમુખ બંગલોઝ નજીક પોતાની જમીન પર આવેલી ઓફિસમાં ગત રાત્રે મેચ જોઈ રહ્યા હતા. દરમિયાનમાં બાઈક પર આવેલા બે હેલ્મેટધારી ઈસમોએ ઓફિસ પર એક રાઉન્ડ ફાયરિંગ કર્યું હતું. ફાયરિંગ કર્યા બાદ તેઓ ફરાર થઈ ગયા હતા.

ફાયરિંગ થતાં રાજેન્દ્રભાઈ બહાર દોડી આવ્યા હતા. ઘટનાની જાણ પોલીસને થતાં ડીસીપી, એસીપી ક્રાઈમ બ્રાન્ચ અને સાબરમતી પોલીસ સ્ટેશનનો કાફલો ઘટનાસ્થળે દોડી ગયો હતો.

એલ ડિવિઝન એસીપી અર્પિતા પટેલે જણાવ્યું હતું કે બે અજાણ્યા શખસો ફાયરિંગ કરી ફરાર થઈ ગયા છે. કાળી ગામના લાલજી દેસાઈ નામના યુવક સાથે અગાઉ ઝઘડો થયો હતો તેમજ મહેશ વાણિયા, કમલેશ પટેલ સાથે જમીન તકરારનો કેસ ચાલે છે. તેથી દરેક દિશામાં હાલ તપાસ ચાલુ છે. લાલજી દેસાઈનો મોબાઈલ નંબર બંધ આવે છે. તેથી તે શંકાના દાયરામાં છે. બે દિવસ અગાઉ પણ કેટલાક શખસો બપોરના સમયે રાજેન્દ્રભાઇની ઓફિસે આવી બહારથી બારણું બંધ કરી બારીમાંથી રિવોલ્વર તાકી ધમકાવી ફરાર થઈ ગયા હતા. આરોપીઓને પકડવાની તજવીજ ચાલુ છે.

http://sambhaavnews.com/

divyesh

Recent Posts

કોહલીને ‘0’, મીરાંને ‘44’ પોઇન્ટ પર ખેલરત્ન, 80 પોઇન્ટ હોવા છતાં બજરંગ-વિનેશને ‘ઠેંગો’!

નવી દિલ્હીઃ દેશના સૌથી મોટા રમત પુરસ્કાર એટલે કે 'રાજીવ ગાંધી ખેલરત્ન પુરસ્કાર' માટે કેટલાક ખેલાડીઓની પસંદગી કરાઈ છે. આ…

3 mins ago

રાજ્યમાં બે દિવસ હળવા વરસાદની આગાહી, રાજસ્થાનના દક્ષિણ-પૂર્વીય વિસ્તારમાં સર્જાયું લો-પ્રેશર

અમદાવાદ: દક્ષિણ પૂર્વ રાજસ્થાન અને તેની આસપાસ હવાનું દબાણ સર્જાતાં રાજ્યના અમરેલી અને અરવલ્લી જિલ્લામાં સતત મેઘમહેર થઇ રહી છે.…

40 mins ago

હવે પ્રાદેશિક ગ્રામીણ બેન્કોનું મર્જર સંખ્યા ઘટાડીને 56માંથી 36 કરાશે

નવી દિલ્હી: સરકાર હવે જાહેર ક્ષેત્રની બેન્કો સાથે પ્રાદેશિક ગ્રામીણ બેન્કોના (આરઆરબી)ના મર્જરની પણ પ્રક્રિયા શરૂ કરવા જઇ રહી છે.…

1 hour ago

રેગિંગનો ભોગ બનનાર વિદ્યાર્થીને ધમકાવનાર બે યુવકો NSUIના હોદ્દેદાર

અમદાવાદ: નવરંગપુરાની એચએલ કોમર્સ કોલેજમાં એફવાયના વિદ્યાર્થી સાથે થયેલા રેગિંગના મામલે નવરંગપુરા પોલીસે ચાર આરોપીની ધરપકડ કરી છે. બીજી તરફ…

1 hour ago

રાજ્યભરમાં વધી રહેલો સ્વાઈન ફલૂનો કહેરઃ વાઈરલ-તાવના દર્દીઓમાં વધારો

અમદાવાદ: અમદાવાદ શહેર સહિત રાજ્યભરમાં મચ્છર અને પાણીજન્ય રોગચાળાની સ્થિતિ વકરી રહી છેે દવાખાનાંઓ વાઈરલ, તાવ, શરદી સહિતના રોગની ફરિયાદ…

1 hour ago

રાફેલ ડીલઃ આજે કોંગ્રેસ CVCને તપાસ કરવા અપીલ કરશે

નવી દિલ્હી: કોંગ્રેસના ટોચના નેતાઓનુું એક પ્રતિનિધિમંડળ રાફેલ ફાઇટર વિમાન ડીલમાં કહેવાતા ભ્રષ્ટાચારની સ્વતંત્ર તપાસ કરાવવાની માગણીને લઇને આજે સેન્ટ્રલ…

2 hours ago