Categories: Gujarat

જમીનના મામલે પાંચ લોકો પર ટોળાનો ઘાતક હુમલો

અમદાવાદ: શહેરના ઓઢવ રિંગ રોડ પર આવેલી જમીન પર કરાયેલા બાંધકામ મુદ્દે આજે વહેલી સવારે રપથી ૩૦ લોકોના ટોળાએ પાંચ વ્યક્તિઓ પર ઘાતક હથિયારો વડે હુમલો કર્યો હતો.  આ હુમલામાં પાંચ વ્યક્તિઓને ઇજાઓ થતાં સારવાર અર્થે હોસ્પિટલમાં ખસેડવામાં આવ્યા હતા. સૂત્રોના જણાવ્યા મુજબ બાપુનગર કોંગ્રેસના કોર્પોરેટર જે.ડી. પટેલ દ્વારા આ જમીન પચાવી પાડવા માટે થઇને રપથી ૩૦ માણસોનું ટોળું મોકલી હુમલો કરવામાં આવ્યો હતો. આ અંગે ઓઢવ પોલીસે ગુનો નોંધી કાર્યવાહી શરૂ કરી છે.

સૂત્રો પાસેથી મળતી માહિતી મુજબ ઠાકોર ક્રાંતિ સેનાના અગ્રણી પ્રવીણસિંહ ઠાકોર નરોડા ગામમાં રહે છે. પ્રવીણસિંહની ઓઢવ રિંગ રોડ પર આવેલી હોટલ પામગ્રીન પાસે જમીન આવેલી છે.  આ જમીનને બાપુનગર વોર્ડના કોંગ્રેસના કોર્પોરેટર જે.ડી. પટેલ જમીન પચાવી પાડવા માગે છે તેઓએ આ જમીન પર કબજો મેળવવા માટે કેટલાંક તત્વોને મોકલી કબજો મેળવી અને નાનકડું બાંધકામ કરી લીધું હતું. પોતાની જમીન પર કબજો થતાં પ્રવીણસિંહે આ બાબતે કોર્પોરેશનમાં જાણ કરી હતી જેથી કોર્પોરેશન દ્વારા આ બાંધકામને સીલ કરી દેવામાં આવ્યું હતું.

બાંધકામ સીલ કર્યું હોવા છતાં જે.ડી. પટેલ અને કેટલાક શખસો દ્વારા આ સીલ તોડી દેવામાં આવ્યું હતું. દરમિયાનમાં આજે સવારે પ્રવીણસિંહ ઠાકોર તથા તેમના ભાઇ રાજેશ ઠાકોર અન્ય ત્રણ સિક્યોરિટીના માણસ લઇ જમીન પર ગયા હતા. ત્યારે ચેલા ભરવાડ, અશોક ભરવાડ, લાભુજી દેસાઇ તેમજ અન્ય રપથી ૩૦ માણસો ઘાતક હથિયારો સાથે ત્યાં આવ્યા હતા અને પ્રવીણસિંહ સહિત પાંચેયને ઢોર માર મારી ફરાર થઇ ગયા હતા.

પાંચેય ઇજાગ્રસ્તોને સારવાર અર્થે ખાનગી હોસ્પિટલમાં ખસેડવામાં આવ્યા હતા. આ અંગે ઓઢવ પોલીસે ગુનોં નોંધી કાર્યવાહી શરૂ કરી છે.

divyesh

Recent Posts

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

1 min ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

34 mins ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

49 mins ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

1 hour ago

પંજાબમાં ઘૂસ્યાં જૈશ-એ-મોહમ્મદનાં 7 આતંકીઓ, હાઇ એલર્ટ જારી

ગન પોઇન્ટ પર ઇનોવા કારની લૂંટ બાદ ખુફિયા એજન્સીએ જૈશ-એ-મોહમ્મદનાં સાત આતંકીઓની પંજાબમાં ઘૂસવાની સંભાવના દર્શાવી છે. કાઉન્ટર ઇન્ટેલીજન્સનાં આઇજીએ…

2 hours ago

વિનય શાહની અન્ય ઓડિયો ક્લિપ વાઇરલ, “90 લાખ રૂપિયા જે.કે. ભટ્ટને આપ્યાં છે, એને નહીં છોડું”

અમદાવાદઃ એકનાં ડબલ કરી આપવાની લાલચ આપીને 260 કરોડની છેતરપિંડી કરનાર વિનય શાહ અને સુરેન્દ્ર રાજપૂતની વધુ એક ઓડિયો ક્લિપ…

2 hours ago