Categories: India

કુમારે કોન્ટ્રાક્ટ સાથે ચેડા કર્યા હતા : CBIનો દાવો

નવીદિલ્હી : દિલ્હીના મુખ્યમંત્રી અરવિંદ કેજરીવાલના નેતૃત્વમાં આમ આદમી પાર્ટી સરકારને મોટો ફટકો પડે તેવા એક ઘટનાક્રમમાં સીબીઆઈએ દાવો કર્યો છે કે, તપાસ અને દરોડા દરમિયાન કેજરીવાલના સેક્રેટરી રાજેન્દ્ર કુમારના ઇ-મેઇલ એકાઉન્ટમાંથી કબજે કરવામાં આવેલી પાંચ ઓડિયો રેકોર્ડિંગમાં કેટલીક ગેરરીતિ હોવાનું જાણવા મળ્યું છે. આમા એવું જાણવા મળ્યું છે કે, રાજેન્દ્ર કુમારે કોન્ટ્રાક્ટ સાથે ચેડા કર્યા હતા. સાથે સાથે કોન્ટ્રાક્ટ મામલામાં પોતાના પ્રભુત્વનો ઉપયોગ કર્યો હતો.

સીબીઆઈ દ્વારા કબજે કરવામાં આવેલી ઓડિયો રેકોર્ડિંગમાં ઉંડી તપાસ ચાલી રહી છે. તપાસ અધિકારીઓને શરૂઆતમાં પોતાના ઇ-મેઇલના પાસવર્ડ આપવાનો ઇન્કાર કરનાર કુમારે મોડેથી દબાણ લાવવામાં આવ્યા બાદ પાસવર્ડ આપી દીધા હતા. સીબીઆઈ સૂત્રોએ કહ્યું છે કે, ઊંડી તપાસ ચાલી રહી છે. તેમના ઇ-મેઇલ એકાઉન્ટમાં ચાલી રહેલી ચકાસણીથી જાણવા મળ્યું છે કે, ટેન્ડર અને કોન્ટ્રાક્ટના મામલામાં ગેરરીતિ આચરવામાં આવી હતી.

કુમારના સેમ્પલ વોઇસ પણ લેવામાં આવ્યા છે. કાયદાકીય પ્રક્રિયાના ભાગરુપે આ સેમ્પલો લઇને ફોરેન્સિક રીતે મેચ કરવામાં આવી રહ્યા છે. એજીએમયુટી કેડરના ૧૯૮૯ની બેચના આઈએએસ ઓફિસર કુમાર દાવો કરી ચુક્યા છે કે, તેઓએ કોઇ ગેરરીતિ આચરી નથી. બીજી બાજુ વોઇસ સેમ્પલથી જાણવા મળે છે કે, વાતચીત બાદ કેટલાક વધુ લોકો સકંજામાં આવી શકે છે.

સીબીઆઈનું કહેવું છે કે, કુમાર અને અન્યો સામે કેસ નોંધવામાં આવી ચુક્યો છે. કુમાર સામે આઈપીસીની જુદી જુદી કલમો હેઠળ કેસ દાખલ કરાયો છે. થોડાક સમય પહેલા કુમારની ઓફિસ ઉપર વ્યાપક દરોડા પણ પાડવામાં આવ્યા હતા.

Navin Sharma

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

18 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

18 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

18 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

18 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

18 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

18 hours ago