મારી મહેનત અને ટેલેન્ટની કદર થવા લાગી: ક્રીતિ સેનન

ક્રીતિ સેનને ચાર વર્ષ પહેલાં ‘હીરોપંતિ’ ફિલ્મથી કરિયર શરૂ કરી. એક આઉટસાઇડર હોવા છતાં તેણે ઓછા સમયમાં જગ્યા બનાવી તે કાબિલે તારીફ હતી. થોડાં વર્ષમાં બોલિવૂડની સૌથી હોટ એક્ટિંગ ટેલેન્ટ બની ગઇ. આજે તેના હાથમાં ઘણી સારી ફિલ્મો છે.

આજે ક્રીતિની એક્ટિંગ કરિયરની ગાડી ફૂલ સ્પીડમાં દોડી રહી છે. આજે તેની ઝોળીમાં બોલિવૂડના પ્રતિષ્ઠિત ફિલ્મકારોની કેટલીક સારી ફિલ્મો છે. તે કહે છે કે મારી મહેનત અને ધીરજ રંગ લાવી રહી છે. મેં ઉતાવળમાં ક્યારેય કોઇ ફિલ્મ સાઇન કરી નથી. મેં હંમેશાં સ્ક્રિપ્ટ અને મારા પાત્રને મગજમાં રાખ્યું. પાત્ર પ્રમાણે ઢળવાની કોશિશ કરી. ડિરેક્ટર્સની આશાઓ પર ખરા ઊતરવાનો પૂરો ટ્રાય કર્યો. મારી મહેનત અને ટેલેન્ટની કદર થવા લાગી. હું ખૂબ જ ખુશ છું.

કોમેડી ફિલ્મ સિરીઝ ‘હાઉસફૂલ-૪’માં ક્રીતિની એન્ટ્રી થઇ ચૂકી છે. ક્રીતિ કહે છે કે આ મારી કરિયરની પહેલી કોમેડી ફિલ્મ હશે. આ કોમેડી પુનર્જન્મની વાર્તા પર આધારિત હશે. ફિલ્મનું નિર્દેશન સાજિદ ખાન કરશે. ‘હાઉસફૂલ-૪’ બોલિવૂડની પહેલી એવી ફિલ્મ હશે, જે ૩-ડી ફોર્મેટમાં બનાવાઇ છે અને તેમાં વીએફએક્સનો ઉપયોગ થયો છે.

આ માટે હોલિવૂડની ટીમ બોલાવાઇ છે. આ જ કારણે ફિલ્મનું બજેટ ઘણું વધારે હશે. ધર્મા પ્રોડક્શનની ફિલ્મ ‘કલંક’માં ક્રીતિ એક વિશેષ સોંગ પણ કરી રહી છે. તે કહે છે કે મને કરણ જોહરના પ્રોડક્શન સાથે જોડાવાનો મોકો મળ્યો અને હું તેને લઇ ખૂબ જ ઉત્સાહિત છું. એક સુપર સ્પેશિયલ સોંગ અને ધર્મા ફિલ્મ્સ સાથે મારી પહેલી ફિલ્મમાં હું ‘કલંક’ની ટીમ સાથે જોડાઇને ખુશ છું. આ ફિલ્મમાં સંજય દત્ત, વરુણ ધવન, આદિત્ય રોય કપૂર, માધુરી દીક્ષિત જેવા ટોચના સ્ટાર પણ છે. •

You might also like