Categories: Sports

અમે બાઉન્સરથી નહીં ડરીએઃ રાહુલ

કટકઃ કોહલી એન્ડ કંપનીને શોર્ટ બોલ અને બાઉન્સરથી ઘેરવાની ઈંગ્લિશ ટીમની રણનીતિ પર ભારતીય બેટ્સમેન કે. એલ. રાહુલે કહ્યું કે તેઓ ભારતીય કેપ્ટન અને અન્ય બેટ્સમેનો માટે ચિંતાની વાત નથી. રાહુલે કહ્યું કે અમને શોર્ટ બોલ પર રન બનાવવાની મજા આવે છે. જ્યાં સુધી વિરાટની વાત છે તો તેની સદીઓ જોશો તો જણાઈ આવશે કે તેણે શોર્ટ બોલિંગમાં કેટલા રન બનાવ્યા છે.

કોહલીની પ્રશંસા કરતાં રાહુલે કહ્યું, ”તે અમારા માટે ઉદાહરણ પૂરું પાડે છે. તેણે ઘણી વાર ભારત માટે જીત હાંસલ કરી છે. અમે તેને જોઈએ છીએ કે તે કઈ રીતે ઇનિંગ્સ બનાવે છે. તે મેદાનમાં જે રીતની ઊર્જા અને ઉત્સાહ દેખાડે છે, તેનાથી અમે શીખીએ છીએ. વિરાટ એ લોકોમાંનો એક છે, જે પોતાના પ્રદર્શનને નથી જોતો, બલકે ટીમને સાથે લઈને ચાલે છે. તે અમને ફીડબેક અને સલાહ આપીને હંમેશાં રસ્તો દેખાડે છે. તેને લાગે છે કે અમે તેનાથી વધુ સારું કરીએ શકીએ છીએ અને આ એક નેતૃત્વકર્તાની સૌથી મોટી ક્વોલિટી છે.”

મહેન્દ્રસિંહ ધોનીના કેપ્ટનશિપ છોડવાના અને વિરાટના નેતૃત્વ સંભાળવાના સવાલ અંગે રાહુલે કહ્યું, ”એ સારી વાત છે કે બંને ટીમમાં છે. વિરાટે એક કેપ્ટન તરીકે પહેલી વન ડે રમી છે, પરંતુ ટેસ્ટમાં આપણે જોયું છે કે તે કેટલો આક્રમક કેપ્ટન છે. અમને વિરાટના નેતૃત્વમાં રમવાનું પસંદ છે. તે હંમેશાં મારું સમર્થન કરતો રહે છે. ટીમમાં હાજર ધોની ફક્ત વિરાટને જ નહીં, અન્ય યુવાઓને પણ સલાહ આપશે, જેનો ફાયદો બધાંને થશે.”

ઓપનિંગમાં અજિંક્ય રહાણે સાથે હરીફાઈના સવાલના જવાબમાં રાહુલે જણાવ્યું, ”અજિંક્ય પ્રેરણા આપતો રહે છે. અમે જાણીએ છીએ કે અન્ય પ્રતિભાશાળી લોકો ટીમમાં છે. જ્યારે હું સવારે ઊઠું છું ત્યારે વધુ સારું કરવા માટે સખત મહેનત કરું છું. અમે દરેક વસ્તુ સકારાત્મક રીતે લઈએ છીએ.”
http://sambhaavnews.com/

divyesh

Recent Posts

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

2 mins ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

16 mins ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

22 mins ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

24 mins ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

34 mins ago

શિવમ, સોનારિયા આવાસ યોજનાના રિડેવલપમેન્ટ માટે રૂપિયા 145.28 કરોડના ટેન્ડર બહાર પડાયાં

અમદાવાદ: તાજેતરમાં ઓઢવમાં ગરીબ આવાસ યોજના હેઠળ બંધાયેલા શિવમ આવાસ યોજનાના બે બ્લોક અચાનક ધરાશાયી થયા બાદ તંત્ર દ્વારા શહેરભરના…

38 mins ago