Categories: Gujarat

ખેતલાઅાપા, જય દ્વારકાધીશ ટી સ્ટોલ મ્યુનિ.અે સીલ કરવા છતાં ધમધમે છે

અમદાવાદ: અમદાવાદ મ્યુનિસિપલ કોર્પોરેશનના સત્તાવાળાઓની ધાક ગેરકાયદે બાંધકામોની પ્રવૃત્તિઓ કરનારા પર રહી નથી તેની પ્રતીતિ અવારનવાર તંત્ર દ્વારા આવા બાંધકામોમાં વસવાટ ન કરવા અંગે અપાતી જાહેર નોટિસથી થઇ જાય છે. રોડ પરના દબાણો કુદકે ને ભુસકે વધી રહ્યા છે. પરિણામે ટીપી રસ્તા ખુલ્લા કરી શકાતા નથી, પરંતુ એક વખત સીલ માર્યા બાદ તે સીલની ઐસી કી તૈસી કરીને ધંધાનો ધમધમાટ ચાલુ રાખનારા લેભાગુ તત્ત્વોથી સત્તાવાળાઓની વારંવાર નાલેશી થઇને શરમજનક સ્થિતિમાં મુકાઇ રહ્યા છે. તાજેતરમાં એસજી હાઇવે પર ધમધમતા ખેતલાઆપા ટી સ્ટોલ સહિતના છુટાછવાયા છ-સાત કાચા બાંધકામ ધરાવતા ધંધાર્થીઓના એકમોને સીલ મરાયા બાદ પણ આ એકમો સીલની ઐસી કી તૈસી કરીને પોતાના ધંધાનો ધમધમાટ ચાલુ રાખતા ફરીથી મ્યુનિસિપલ કોર્પોરેશનનું તંત્ર ગાફેલ
રહ્યું છે.

નવા પશ્ચિમ ઝોનના જોધપુર વોર્ડમાં એસજી હાઇવે પર કર્ણાવતી કલબની સામે આવેલા ખેતલાઆપા ટી સ્ટોલ, જય દ્વારકાધીશ ટી સ્ટોલ સહિતના છ-સાત કાચા મંડપ બાંધીને ધંધો કરનારાઓની સામે ત્રણેક મહિના પહેલાં તંત્ર દંવારા એસજી હાઇવે પર પોતાના અને મુલાકાતીઓના વાહનનું પાર્કિંગ થવાના મામલે નોટિસ ફટકારાઇ હતી. રોડ પરના પાર્કિંગથી લોકોને ટ્રાફિકની અવરજવરમાં અડચણો થવા ઉપરાંત વારંવાર અકસ્માતો પણ સર્જાતા હતા. જેના કારણે એસજી હાઇવેથી ૧પ ફૂટ અંદર વાહનોના પાર્કિંગ કરાવવા આ એકમના ધંધાર્થીઓને તાકીદ કરાઇ હતી. તંત્ર દ્વારા અપાયેલી લેખિત નોટિસ અને અવારનવારની મૌખિક સૂચના બાદ ખેતલાઆપા ટી સ્ટોલના સંચાલકોએ ગત તા.૧૦ જુલાઇ, ર૦૧૭એ મ્યુનિસિપલ કોર્પોરેશનને રોડ પરના પોતાના અને મુલાકાતીઓના વાહનોના ટ્રાફિકને દૂર કરવાની લેખિત બાંહેધરી આપી હતી તેમ છતાં સ્થિતિ યથાવત રહેવા પામતા નવા પશ્ચિમ ઝોનનો એસ્ટેટ વિભાગ હરકતમાં આવ્યો હતો.

તે વખતે નવા પશ્ચિમ ઝોનના એસ્ટેટ વિભાગની ટીમ દ્વારા ગત તા.૯ ઓગસ્ટ, ર૦૧૭ને સવારે ૧૧-૦૦ વાગ્યે ખેતલાઆપા ટી સ્ટોલ, જય દ્વારકાધીશ ટી સ્ટોલ તેમજ અન્ય છ-સાત કાચા મંડપના ધંધાર્થીઓના એકમને સીલ માર્યા હતા. જોકે દબાણકર્તાઓના એકમને સીલ માર્યા બાદ તેની ખાસ અસર જે તે દબાણકર્તા પર થતી નથી તેનું વધુ એક ઉત્તમ ઉદાહરણ આ એકમોએ પૂરું પાડયું છે. કેમ કે આ એકમોના સંચાલકોએ તંત્રના સીલની ઐસી કી તૈસી કરીને પોતાના ધંધાનો ધમધમાટ ચાલુ રાખ્યો છે. જોકે એસ્ટેટ વિભાગ રાબેતા મુજબ આ બાબતથી અંધારામાં છે.

આ અંગે નવા પશ્ચિમ ઝોનના એસ્ટેટ વિભાગના ઇન્ચાર્જ એસ્ટેટ ઓફિસર ચૈતન્ય શાહને પૂછતાં તેઓ કહે છે કે કર્ણાવતી કલબની સામેના ખેતલાઆપા ટી સ્ટોલ સહિતના છ-સાત કાચા મંડપના ધંધાર્થીઓના એકમોને રોડ પરના ટ્રાફિક અને ગંદકીના કારણે બે દિવસ પહેલાં સીલ મરાયા હતા. જોકે આ ધંધાર્થીઓએ સીલ ખોલીને પાછો ધંધો શરૂ કર્યાની જાણ નથી. આ માટે સ્થળ તપાસ કરીને સમગ્ર ‌િસ્થતિથી વાકેફ થયા બાદ આગળની કાર્યવાહી હાથ ધરાશે.

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

14 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

14 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

15 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

15 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

15 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

16 hours ago