કેરલમાં વરસાદી કહેર: PM મોદીએ કર્યું હવાઇ નિરીક્ષણ, 500 કરોડની સહાયની કરી જાહેરાત

ન્યૂ દિલ્હીઃ પ્રધાનમંત્રી નરેન્દ્ર મોદીએ પૂરગ્રસ્તની પ્રાકૃતિક મુશ્કેલી સામે ઝઝૂમી રહેલ કેરલને રૂ.500 કરોડની રાહત આપવાની જાહેરાત કરી છે. મોદીએ શનિવારનાં રોજ કેરલમાં પૂરગ્રસ્ત વિસ્તારોની મુલાકાત લીધી. તેઓએ પૂરને કારણ થયેલી અસમાયિક મોત અને સંપત્તિઓનાં નુકસાનને લઇ ભારે દુઃખ વ્યક્ત કર્યું છે.

100 વર્ષની સૌથી મોટી ભયાનક પૂર હોનારતની ઝપેટમાં આવી ગયેલ કેરલનાં હાલાતનું નિરીક્ષણ લેવા ગયેલાં પ્રધાનમંત્રી નરેન્દ્ર મોદીએ શનિવારે મુખ્યમંત્રી પિનારાઇ વિજયન તથા અન્ય વરિષ્ઠ અધિકારીઓની સમીક્ષાની બેઠક કરી. પ્રધાનમંત્રીએ પ્રદેશનાં પૂર પ્રભાવિત વિસ્તારોનું હવાઇ નિરીક્ષણ કર્યું. મોદીએ પૂરથી પ્રભાવિત થયેલા કેરલને 500 કરોડ રૂપિયા આપવાની તાત્કાલિક મદદ કરવાની જાહેરાત પણ કરી.

રાજ્યમાં પૂરગ્રસ્ત વિસ્તારોનું નિરીક્ષણ કરવા પહોંચેલા પ્રધાનમંત્રી મોદીએ એક સમીક્ષા બેઠક કરી હતી. હવામાનમાં સુધાર આવ્યા બાદ પ્રભાવિત વિસ્તારોનું હવાઇ નિરીક્ષણ કર્યું. હવાઇ સર્વેક્ષણ બાદ કેરલનાં રાજ્યપાલ જસ્ટિસ પી સદાશિવમ, મુખ્યમંત્રી પિનારાયી વિજયન અને કેન્દ્રીય પર્યટન રાજ્યમંત્રી અલ્ફાંસો કન્નતનમ પણ પ્રધાનમંત્રી સાથે હતાં. આ પહેલા એવાં સમાચાર સામે આવ્યાં હતાં કે પ્રધાનમંત્રી હેલિકોપ્ટર ખરાબ વાતાવરણને કારણ પૂરગ્રસ્ત વિસ્તારોનું હવાઇ નિરીક્ષણ નહીં કરી શકે.

પ્રધાનમંત્રી મોદીએ જે સમીક્ષા બેઠક કરી તેમાં મુખ્યમંત્રી કાર્યાલયે ટ્વીટ કરીને જણાવ્યું કે, PM પાસેથી 2000 કરોડની મદદની માંગ કરી હતી. જેમાંથી PMએ 500 કરોડ રૂપિયાની રકમની મદદ કરવાની જાહેરાત કરી છે. CM પિનારાઇ વિજયને પ્રધાનમંત્રીને એવી જાણકારી આપી કે, રાજ્યમાં 19,512 કરોડ રૂપિયાનું નુકસાન થયું છે.

સમગ્ર ઘટનાનો ચિતારઃ
કેરલમાં ભારે વરસાદને લઇને અનેક પરિવારનાં અંદાજે 2.23 લાખ જેટલાં લોકોનાં હાલ બેહાલ થઇ ગયાં છે. રાજ્યભરમાં શરૂ કરાયેલી 1568 રાહત શિબિરોમાં તેઓ હાલ આશરો લઈ રહ્યાં છે. 2 દિવસ સુધી સતત વરસી રહેલાં મુશળધાર વરસાદ પડ્યાં બાદ શુક્રવારનાં રોજ થોડોક વરસાદ ઓછો થયો છે.

જો કે હવામાન વિભાગનું એમ કહેવું છે કે, હવે આગામી દિવસોમાં આ સ્થિતિ થોડી સામાન્ય થશે પરંતુ કેટલાંક વિસ્તારમાં વરસાદનો પ્રકોપ હજી પણ અવિરતપણે ચાલુ રહેશે. આંકડા મુજબ 8 ઓગસ્ટથી 15 ઓગસ્ટ સુધીનાં સપ્તાહમાં કેરલમાં સામાન્ય કરતાં સાડા 3 ગણો વધુ વરસાદ થયો છે.

કુલ 324 લોકોનાં મોત:
કેરળ CM ઓફિસે પોતાનાં ઓફિશ્યલ ટ્વિટર હેન્ડલ પરથી ટ્વિટ કરતા જણાવ્યું કે,“કેરલ 100 વર્ષની સૌથી ભયાનક મુસીબતનો સામનો કરી રહેલ છે. 80 ડેમો પણ ખોલી નાખવામાં આવ્યાં છે. મેં મહિનાથી અત્યાર સુધીમાં કુલ 324 લોકોનાં મોત થયાં છે અને 2,23,139 લોકો હજુ પણ રાહત કેમ્પમાં છે.”

4 જિલ્લાઓમાં અલાપ્પુઝા, એર્નાકુલમ, પથમતિત્તા અને ત્રિશૂરમાં પૂરનાં કારણે સ્થિતિ સૌથી વધુ ખરાબ છે. પંપા, પેરિયાર અને ચાલાકુડી નદીઓ પણ ગાંડીતૂર બનતા બે કાંઠે વહી રહી છે. 8 ઓગસ્ટથી શરૂ થયેલી આ ભયાનક તારાજીમાં રાજ્યને કુલ 8000 કરોડથી પણ વધુ રકમનું નુકસાન થયું છે.

Dhruv Brahmbhatt

Recent Posts

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

5 mins ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

30 mins ago

ઈલાયચી-મરી સહિત તેજાનાના ભાવમાં 45 ટકા સુધીનો ઉછાળો

નવી દિલ્હી: દેશના જથ્થાબંધથી લઇને છૂટક બજારમાં ઇલાયચી, જાવિંત્રી, જાયફળ, મરી જેવા તમામ મસાલાના ભાવ ૪૫ ટકા જેટલા મોંઘા થઇ…

34 mins ago

રાજ્યના PSIને મળી મોટી રાહત, પ્રમોશનની પ્રક્રિયા પર મુકેલો સ્ટે હાઇકોર્ટે હટાવ્યો

અમદાવાદમાં રાજ્યના સેંકડો પોલીસ સબ ઇન્સપેક્ટર માટે હાઇકોર્ટે મોટી રાહત આપી છે. પોલીસ ઈન્સ્પેક્ટરના પ્રમોશનની પ્રક્રિયા પર મુકેલો સ્ટે હાઈકોર્ટે…

1 hour ago

ખેડૂૂત આક્રોશ રેલીમાં પથ્થરમારા મામલે કોંગ્રેસના કાર્યકરો સહિત 1000ના ટોળા સામે ગુનો દાખલ

અમદાવાદ: ગાંધીનગરના સેકટર-૬માં સત્યાગ્રહ છાવણીમાં મંગળવારે કોંગ્રેસ દ્વારા ખેડૂત આક્રોશ રેલીનું આયોજન કરાયું હતું. સભા પૂૂરી થયા બાદ રેલી સ્વરૂપે…

2 hours ago

‘તુમ ચલે જાઓ મૈં ઇનકો દેખ લેતા હૂં’ તેમ કહીને યુવકે પીઆઈની ફેંટ પકડી

અમદાવાદ: શહેરમાં પોલીસે ટ્રાફિકની ઝુબેશ શરૂ કર્યા બાદ વાહનચાલકો અને રાહદારીઓની પોલીસ કર્મચારીઓ સાથે ઉગ્ર બોલાચાલી કરીને ઝપાઝપી કરવાની અનેક…

2 hours ago