Categories: India

કાશ્મીર ખીણમાં આતંકીઓના મહિમાકરણે માઝા મૂકી છે

જમ્મુ-કાશ્મીરમાં તાજેતરમાં સુરક્ષાદળોએ હિઝબુલ મુજાહિદ્દીનના મોસ્ટ વોન્ટેડ કમાન્ડર દાઉદ અહેમદ શેખને એક અથડામણમાં ઠાર માર્યો હતો. છેલ્લા કેટલાક દિવસોમાં સુરક્ષાદળોને આતંકીઓ સામે આવી અનેક સફળતાઓ મળી છે. તેમ છતાં સુરક્ષાદળો ચિંતિત છે. તેમની ચિંતાનું કારણ છે આતંકવાદીઓના જનાજામાં ઊમટી પડતી જંગી માનવ મેદની. દાઉદ શેખના જનાજામાં જે જંગી સંખ્યામાં ભીડ ઊમટી પડી હતી એવી ભીડ તો મુખ્યપ્રધાન દિવંગત મુફતી મોહંમદ સઇદના જનાજામાં પણ જોવા મળી નહોતી.
હૈદરાબાદ યુુનિવર્સિટી અને જેએનયુમાંની તાજેતરની કેટલીક ઘટનાઓમાં આ બાબત જોવાની જરૂર છે. આખરે એ કોણ લોકો છે, જેઓ આતંકીઓ સાથે ખુલ્લેઆમ ઊભા રહેવામાં કોઇ સંકોચ અનુભવતા નથી? દેશના રાજનેતાઓને આખરે આ પ્રવૃત્તિ કેમ દેખાતી નથી? શું ભાજપ, આરએસએસ અને વડા પ્રધાન નરેન્દ્ર મોદીનો વિરોધ કરવા માટે આ લોકો આટલી હદે જવા તૈયાર છે કે આતંકીઓને બિરદાવવા અને તેમને શ્રદ્ધાંજલિ આપવા મોટી સંખ્યામાં ઊમટી પડે છે.
કાશ્મીરમાં તો આ પ્રવૃત્તિએ માઝા મૂકી છે. લોકો ગાઇ-વગાડીને આતંકીઓનો મહિમા ગાઇ રહ્યા છે. નવેમ્બરમાં કૂલગામ ખાતે જ્યારે સુરક્ષાદળોએ લશ્કર-એ-તોઇબાના કમાન્ડર કા‌િસમને એક અથડામણમાં ઢાળી દીધો હતો ત્યારે તેના જનાજામાં ૩૦,૦૦૦ લોકો ઊમટી પડ્યા હતા. આતંકીને ઠાર કરવાના વિરોધમાં કૂલગામમાં એક નહીં, પણ ત્રણ-ત્રણ દિવસ સુધી સતત બંધ પાળવામાં આવ્યો હતો. રાજ્ય સરકારને એ આદેશ જારી કરવો પડે છે કે સુરક્ષાદળો અને આતંકીઓ વચ્ચેની અથડામણવાળી જગ્યામાં અઢીથી ત્રણ કિલોમીટરની ત્રિજ્યામાં એકત્ર થવા પર પ્રતિબંધ છે. આતંકવાદ વિરોધી કાર્યવાહી સાથે સંકળાયેલા અધિકારીઓનું કહેવું છે કે કાશ્મીર ખીણની ત્રીજી પેઢી બંદૂક તરફ આકર્ષાઇ રહી છે, જાણે કે કાશ્મીરમાં અમેરિકાની જેમ ગન કલ્ચર વિકસી રહ્યું છે એટલે સુધી કે હવે તો નાના-નાના ટેણિયાઓ પણ કાશ્મીરમાં આક્રમક બની રહ્યા છે અને સુરક્ષાદળો પર પથ્થરમારો કરવામાં આ ટેણિયાઓ આગળ હોય છે.
શું એ માત્ર યોગાનુયોગ છે કે હૈદરાબાદમાં રોહિત વેમુલા અને તેના સાથી તેમજ જેએનયુમાં કન્હૈયા કુમારના સાથીઓને યાકુબ મેમણ, મકબુલ બટ અને અફઝલ ગુુરુ જેવા આતંકવાદીઓ પ્રત્યે એટલી બધી સહાનુભૂતિ છે કે તેઓ જાણે સ્વાતંત્ર્યસેનાનીઓ હોય એ રીતે કન્હૈયા કુમાર એન્ડ કંપની તેમની વરસી મનાવે છે? જેએનયુમાં ડાબેરી ઝોક ધરાવતા માત્ર વિદ્યાર્થીઓને જ નહીં, પરંતુ કેટલાક અધ્યાપકોને પણ આતંકવાદીઓને બિરદાવતા કાશ્મીરી લોકો પ્રત્યે હમદર્દી અને સહાનુભૂતિ છે. તાજેતરમાં જેએનયુમાંથી થઈ રહેલી કાશ્મીરની આઝાદીની માગણીને જેએનયુના એક પ્રોફેસરે સાચી ગણાવતાં નવો વિવાદ છેડાયો હતો. આ પ્રોફેસરે વિદ્યાર્થીઓને સંબોધતાં જણાવ્યું કે કાશ્મીર ભારતનું નથી અને કાશ્મીર પર ભારતનો ગેરકાયદે કબજો છે.
પ્રોફેસરે જેએનયુમાં કાશ્મીર ભારતનો હિસ્સો નહિ હોવાના સમર્થનમાં થઈ રહેલા નારાને યોગ્ય ગણાવ્યા હતા. કાશ્મીર મુદે પ્રોફેસરે આપેલા વિવાદિત પ્રવચનનો વીડિયો યુ ટ્યૂબ પર જોવા મળી રહ્યો છે. એક અહેવાલ મુજબ પ્રોફેસરે જેએનયુમાં આ ભાષણ તા. રર ફ્રેબ્રુઆરીએ આપ્યું હતું. વીડિયોમાં જેએનયુનાં પ્રોફેસર નિવેદિતા મેનને જણાવ્યું છે કે બધા જાણે છે કે ભારતે કાશ્મીર પર ગેરકાયદે કબજો કર્યો છે અને તમામે આ બાબત સ્વીકારી છે.
પ્રોફેસરે વિદેશી મીડિયાના હવાલાથી જણાવ્યું કે ટાઈમ અને ન્યૂઝ વીક જેવાં વિદેશી પ્રકાશનોમાં ભારતના નકશામાં કાશ્મીરનો અલગ નકશો જોવા મળે છે. જ્યારે સમગ્ર વિશ્વ કાશ્મીર પર ભારતના કબજાને ગેરકાયદે ગણાવી રહ્યું હોય ત્યારે આપણે પણ સમજી લેવું જોઈએ કે કાશ્મીરની આઝાદી માટેની માગણી ખોટી નથી. અત્રે ઉલ્લેખનીય છે કે નિવેદિતા મેનન જેએનયુમાં તુલનાત્મક રાજનીતિ અને રાજકીય થિયરી વિષયનાં પ્રોફેસર છે. તેમના ભાષણનો આ વીડિયો તા.ર૭ ફ્રેબ્રુઆરીએ યુ ટ્યૂબ પર અપલોડ કરવામાં આવ્યો હતો. પ્રોફેસર મેનનના આ ભાષણની એબીવીપીએ ટીકા કરી મેનન આ મુદ્દે માફી માગે તેવી માગણી કરી હતી. વિદ્યાર્થીઓ અને અધ્યાપકો ઉપરાંત કેટલાક ખાસ કરીને વિરોધ પક્ષના રાજકારણીઓ પણ તેમને સમર્થન આપે છે. આ પ્રવૃત્તિ ખરેખર દેશ માટે વિઘાતક બની રહી છે.

Navin Sharma

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

9 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

9 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

9 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

10 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

10 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

10 hours ago