Categories: Gujarat

કર્ણાવતી ક્લબમાં હવે રોટેશન પદ્ધતિઃ દર વર્ષે દસ બોર્ડ મેમ્બર નિવૃત્ત થશે

અમદાવાદ: શહેરની પ્રતિષ્ઠિત એવી રાજપથ ક્લબમાં અાગામી સપ્ટેમ્બરમાં 10 સભ્યોની ચૂંટણી જાહેર કરવામાં અાવી છે ત્યારે શહેરની મોખરાની એવી કર્ણાવતી ક્લબમાં અાગામી સપ્ટેમ્બર-2017થી ક્બલના એક તૃતીયાંશ બોર્ડ મેમ્બર્સ (સભ્યો)ને રોટેશન મુજબ દર વર્ષે નિવૃત્ત કરવાનો નિર્ણય કરાયો છે. જેના અંતર્ગત અાવતા વર્ષે સપ્ટેમ્બરમાં મુદત પૂરી થતાં સાત સભ્યની સાથે અન્ય ત્રણ સભ્યને નિવૃત્ત કરીને દર વર્ષે 10 સભ્યને નિવૃત્ત કરીને રોટેશન પદ્ધતિ મુજબ ચૂંટણી યોજવામાં અાવશે.

શહેરની રાજપથ ક્લબમાં સત્તાધારી મેમ્બર્સ પાવર પેનલ દ્વારા તાજેતરમાં યોજાયેલી બોર્ડ મિટિંગમાં અાગામી તા. 25મી સપ્ટેમ્બરના રોજ 10 ડિરેક્ટર્સની ચૂંટણી યોજવાનું નક્કી કરાયું છે. ત્યારે રાજપથ ક્લબની જેમ શહેરની કર્ણાવતી ક્લબમાં પણ બે ચૂંટણી જીત્યા બાદ મેમ્બર્સ પાવર પેનલને સત્તાનું સુકાન મળ્યું છે. ત્યારે અહીં મેમ્બર્સ પાવર પેનલ દ્વારા અાગામી વર્ષથી દર વર્ષે રોટેશન મુજબ એક તૃતીયાંશ સભ્યોને નિવૃત્ત કરીને ચૂંટણી યોજવાનું અાયોજન કરાયું છે.

અા અંગે કર્ણાવતી ક્લબના પ્રેસિડેન્ટ અને મેમ્બર્સ પાવર પેનલના સભ્ય જયેશ મોદીએ આ અંગે જણાવ્યું હતું કે, હવે ક્લબની આગામી ચૂંટણી સપ્ટેમ્બર 2017માં યોજાશે. જેમાં ક્લબના જે સાત સભ્યની મુદત પૂર્ણ થઈ રહી છે તે ઉપરાંત અન્ય ત્રણ સભ્ય મળીને કુલ 10 સભ્યને નિવૃત્ત કરીને ચૂંટણી યોજાશે. જ્યારે ત્યાર બાદના વર્ષે એટલે કે 2018માં બાકીના 20 સભ્યમાંથી 10 સભ્યને નિવૃત્ત કરાશે અને બાકી રહેલા અન્ય દસ સભ્યને વર્ષ 2019માં નિવૃત્ત કરીને ચૂંટણી યોજાશે. ત્યાર બાદ વર્ષ 2019થી ક્લબમાં દર વર્ષે રોટેશન મુજબ એક તૃતીયાંશ સભ્ય અાપોઅાપ નિવૃત્ત થતા રહેશે.

તેમણે વધુમાં જણાવ્યું હતું કે ક્લબમાં 23 અને સાત સભ્યની ચૂંટણી યોજાતી હતી. જેના કારણે ભારે અસમંજસતા જોવા મળતી હતી. અાથી અા રોટેશન પદ્ધતિ અમલી બન્યા બાદ અાવી કોઈ અસમંજતા નહીં રહે અને દરેક સભ્યની મુદત બે વર્ષની રહેશે.

અાવતા વર્ષે સાત સભ્યની મુદત પૂરી થાય છે
શહેરની કર્ણાવતી ક્લબમાં અાગામી સપ્ટેમ્બર-2017થી ક્લબના એક તૃતીયાંશ સભ્યને રોટેશન મુજબ દર વર્ષે નિવૃત્ત કરવાનો નિર્ણય કરાયો છે, જેના અંતર્ગત અાવતા વર્ષે સપ્‍ટેમ્બરમાં જે સાત સભ્યની મુદત પૂરી થઈ રહી છે તેમાં ક્લબના પ્રમુખ જયેશ એચ. શાહ, અમરિશ જે. પટેલ, ભાવેશ કે. પટેલ, કેતન બી. પટેલ (અોનરરી જોઈન્ટ સેક્રેટરી), મનોજ અાર. શાહ, રક્ષેશ સી. સાટિયા અને સાધનાબહેન ડી. શાહનો સમાવેશ થાય છે. અા ઉપરાંત અન્ય ત્રણ સભ્યને નિવૃત્ત કરીને દર વર્ષે 10 સભ્યને નિવૃત્ત કરી રોટેશન પદ્ધતિ મુજબ ચૂંટણી યોજવામાં અાવશે.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

1 hour ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

2 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

2 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

3 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

3 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

4 hours ago