Categories: Gujarat

કાલુપુર રેલવે સ્ટેશનનાં તમામ છ ટિકિટ વેન્ડિંગ મશીન દિવસોથી ઠપ

અમદાવાદ: ભલે રેલવેતંત્રે સ્ટેશન પર પ્રવાસીઓને પડતી હાલાકી દૂર કરવા માટે અવનવી સુવિધાઓ શરૂ કરી હોય તેમ છતાં પ્રવાસીઓની હાલાકી યથાવત્ જ છે. અમદાવાદ રેલવે સ્ટેશન પર છેલ્લા કેટલાય દિવસથી ટિકિટ વે‌િન્ડંગ મશીન ઠપ થઇ ગયાં છે, જેના કારણે પ્રવાસીઓને ટિકિટ માટે લાંબી લાઇનમાં ઊભાં રહેવું પડે છે.

રેલવેએ કરેલી સિદ્ધિઓ દર્શાવવામાં અધિકારીઓને રસ છે, પરંતુ રેલવે સ્ટેશન પર પ્રવાસીઓને અનેક સુવિધાઓને લઇ ભારે હાલાકી વેઠવી પડે છે તેની કોઇ ચિંતા નથી. અમદાવાદ રેલવે સ્ટેશન પર પ્રવાસીઓને લાંબી લાઇનમાં જનરલ ટિકિટ માટે ઊભાં ન રહેવું પડે તે માટે એક વર્ષ પહેલાં છ ટિકિટ વે‌િન્ડંગ મશીન પ્રાયોગિક ધોરણે મૂકવામાં આવ્યાં હતાં. આ મશીન મૂક્યાના થોડા જ દિવસોમાં વારંવાર બંધ થઇ જવાની ફરિયાદો ઊઠી હતી.

ટિકિટ વે‌િન્ડંગ મશીન આખા ભારતમાં બંધ હાલતમાં છે. રેલવે વિભાગનું કહેવું છે કે મશીન સોફ્ટવેર અપડેટ થયું નથી તેના માટે બધી જગ્યાએ મશીન બંધ હાલતમાં છે. હાલ આ મશીન ધૂળ ખાઇ રહ્યાં છે. હવે આ મશીન ક્યારે સારાં થશે એ તો સમય જ બતાવશે.

રેલવેના અધિકારીઓ દ્વારા પણ તપાસ હાથ ધરવાની સાથે સોફ્ટવેર અપટેડ કરવાની પ્રક્રિયા શરૂ કરાઇ છે, જેના પગલે અમદાવાદ સ્ટેશન પર લગાવવામાં આવેલ ઓટોમેટિક ટિકિટ વેન્ડિંગ મશીન હાલ બંધ કરી દેવામાં આવ્યાં છે અને સોફ્ટવેર અપડેટ થયા બાદ મશીન ચાલુ કરાશે.

આ મુદ્દે અમદાવાદ ડિવિઝનના જનસંપર્ક અધિકારી પ્રદીપ શર્માએ જણાવ્યું કે અમદાવાદ સ્ટેશન સહિત અન્ય સ્ટેશન પર લગાવવામાં આવેલા ટિકિટ વેન્ડિંગ મશીનમાં ટેક‌િનકલ ખામી સર્જાતાં હાલ મશીન બંધ છે. થોડા સમયમાં ખામી દૂર કરાતાં મશીન ફરીથી શરૂ કરવામાં આવશે.

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

5 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

6 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

7 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

8 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

9 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

10 hours ago