Categories: Dharm Trending

12 જ્યોતિર્લિંગ સ્વરૂપે બીરાજમાન ભોળાનાથ

સૌ કોઇનાં કલ્યાણાર્થે દેવાધિદેવ ભોળાનાથ યાત્રાધામોમાં લિંગ સ્વરૂપે બીરાજયા છે. પરમકૃપાળુ પરમાત્મા ભગવાન શિવજી સર્વવ્યાપી છે અને સદાકાળ છે. શિવ પુરાણમાં કહે છે કે જે સ્થાનોમાં ભકતજનોએ ભોળાનાથની પૂજા અર્ચના કરી, તે સ્થાનોમાં મહાદેવજી પ્રગટ થયા અને જ્યોર્તિલિંગ સ્વરૂપે સદાકાળ રહ્યા છે.

આપણા દેશમાં બાર જયોતિર્લિંગ છે. તેમનું પૂજન, અર્ચન પ્રાર્થના અને સ્મરણ માત્રથી ભકતજન જીવનમાં સુખ અને શાંતિનો અનુભવ કરી શકે છે. દેશમાં વિવિધ સ્થળોએ આપણા આ ૧ર જયોતિર્લિંગનું ઘણું મોટું મહાત્મ્ય છે.

દેશના અલગ-અલગ ભાગમાં આવેલા ભગવાન શિવજીના દ્વાદશ જ્યોતિર્લિંગ આવેલાં છે. તેમને દ્વાદશ જ્યોતિર્લિંગના નામે પણ ઓળખવામાં આવે છે. આ જ્યોતિર્લિંગના દર્શન, પૂજા, આરાધનાથી ભક્તોના જન્મ-જન્માંતરના બધાં પાપ ધોવાઇ જાય છે.

આપણા દેશમાં જેટલાં તીર્થસ્થાનો છે તેટલાં બીજા બહુ ઓછા દેશોમાં હશે. એનું એક કારણ સંસ્કૃતિની લાંબી પરંપરા તો બીજું કારણ ધર્મો અને સંપ્રદાયોની બહુલતા. એક હિંદુ ધર્મમાં જ કેટલાં દેવદેવી અને તેમને પૂજનારા સંપ્રદાય છે તેમાંનો એક મહત્ત્વનો સંપ્રદાય શિવભક્તોનો છે.

જે કોઇ શ્રદ્ધાળુ ભકત પૂર્ણ શ્રદ્ધા અને ભાવનાથી વહેલી પરોઢે જાગીને બાર જયોતિર્લિંગનાં નામોનું સ્મરણ કરે, પાઠ કરે, તો તેની સાત પેઢીઓનાં પાપોનું નિવારણ થાય છે અને ભકતજનની સર્વ મનોમકામના પૂર્ણ થાય છે. દેશમાં જુદાં જુદાં સ્થળે જયોતિર્લિંગ સ્વરૂપે બીરાજમાન મહાદેવજી સદાય સર્વજનોનું કલ્યાણ કરે છે.

દેશના જુદા જુદા ભાગોમાં આવેલાં બાર જ્યોતિર્લિંગની યાત્રાનું વિશેષ મહત્ત્વ છે.
• આ જ્યોતિર્લિંગ નીચે મુજબ છે.
૧. સોમનાથ – સૌરાષ્ટ્ર, ગુજરાત
૨. મલ્લિકાર્જુન – શ્રીશૈલ, આંધ્રપ્રદેશ
૩. મહાકાલ – ઉજ્જૈન, મધ્યપ્રદેશ
૪. મમલેશ્વર – ઓંકારેશ્વર, મધ્યપ્રદેશ
૫. વૈદ્યનાથ – પરલી, મહારાષ્ટ્ર
૬. ભીમાશંકર – ડાકિની (પુણ્યાજવળ), મહારાષ્ટ્ર
૭. રામેશ્વર – સેતુબંધ, તામિલનાડુ
૮. નાગેશ્વર – દારુકાવન (ઔંઢ્યા નાગનાથ), મહારાષ્ટ્ર
૯. વિશ્વેશ્વર – વારાણસી, ઉત્તર પ્રદેશ
૧૦. ત્રંબકેશ્વર – નાસિક જવળ, મહારાષ્ટ્ર
૧૧. કેદારેશ્વર – હિમાલય, ઉત્તરાંચલ
૧૨. ઘૃષ્ણેશ્વર – વેરૂળ, મહારાષ્ટ્ર

જ્યોતિર્લિંગને મહાદેવના નિરાકાર, અનાદિ, અનંત, સ્વયંભૂ અને ચમત્કારી સ્વરૂપ માનવામાં આવે છે. જ્યોતિર્લિંગના દર્શન જ નહીં, નામ સ્મરણ પણ જીવનની દરેક મુશ્કેલીઓ કે સંકટોથી મુક્ત કરનારું છે. શાસ્ત્રોમાં પાપ, પીડા અને સંકટનાશક દ્વાદશ જ્યોતિર્લિંગનાં સ્મરણનું મહત્વ જણાવ્યું છે.•

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

19 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

19 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

19 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

19 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

19 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

19 hours ago