Categories: India

OBC વર્ગીકરણ પંચની રચનાઃ અધ્યક્ષ બનતાં જસ્ટિસ રોહિણી

નવી દિલ્હીઃ રાષ્ટ્રપતિ રામનાથ કોવિંદે અન્ય પછાતવર્ગ (ઓબીસી)ના ઉપવર્ગીકરણની વ્યવહારિતાની તપાસ કરવા માટે ગઈ કાલે એક પંચની રચના કરી છે, જેમાં દિલ્હી હાઈકોર્ટનાં પૂર્વ મુખ્ય ન્યાયાધીશ જસ્ટિસ જી. રોહિણીને પાંચ સભ્યવાળા ઓબીસી ઉપવર્ગીકરણ પંચનાં અધ્યક્ષ તરીકે નિમવામાં આવ્યાં છે.

પછાતવર્ગ પંચ લાંબા સમયથી અનામતનો લાભ તમામ જાતિઓ સુધી પહોંચાડવા માટે પછાતવર્ગની જાતિઓને ઉપવર્ગમાં વહેંચવા ભલામણ કરતો આવ્યો છે તેને ધ્યાનમાં લઈ કેન્દ્રીય કેબિનેટે ગત ૨૩ ઓગસ્ટે ઓબીસીની કેન્દ્રીય યાદીના વર્ગીકરણ માટે પંચ બનાવવાના નિર્ણયને મંજૂરી આપી હતી. આ અંગે સામાજિક ન્યાય અને અધિકા‌િરતા મંત્રાલય તરફથી જારી કરવામાં આવેલા એક નિવેદનમાં જણાવ્યા અનુસાર રાષ્ટ્રપતિએ બંધારણની કલમ- ૩૪૦ હેઠળ આપવામાં આ‍વેલી સત્તા અંતર્ગત આ પંચની રચના કરી છે.

પંચમાં જસ્ટિસ રોહિણી ઉપરાંત સમાજની‌િત સમીક્ષણ કેન્દ્રના વડા ડો. જે. કે. બજાજને પણ સભ્ય બનાવવામાં આવ્યા છે, જ્યારે ભારતીય માનવ વિજ્ઞાન સર્વેક્ષણના વડા તથા મહારજિસ્ટ્રાર અને વસતીગણતરી કમિશનરને હોદેદાર સભ્ય તરીકે નિમવામાં આવ્યા છે. આ ઉપરાંત પાંચમા સભ્ય તરીકે સામાજિક અને અધિકા‌િરતા વિભાગના સંયુકત સચિવ પંચના સચિવ તરીકે રહેશે.

જસ્ટિસ રોહિણીની અધ્યક્ષતાવાળું આ પંચ ઓબીસીના વર્ગીકરણ પર વિચારણા કરશે અને અધ્યક્ષ તરીકે કાર્યભાર સંભાળ્યા બાદના ૧૨ સપ્તાહમાં તે તેમનો અહેવાલ રાષ્ટ્રપતિને આપશે તેમજ પંચની ભલામણ બાદ કેન્દ્ર સરકાર એ નક્કી કરશે કે અનામતનો લાભ અન્ય પછાતવર્ગની તમામ જાતિઓ સુધી સમાન રીતે પહોંચી શકે.

divyesh

Recent Posts

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

1 hour ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

2 hours ago

“લવરાત્રિ” ફિલ્મનું નામ બદલી “લવયાત્રિ” કરાતા શિવસેનાનાં કાર્યકરોની ઉજવણી

વડોદરાઃ સલમાન ખાનની લવરાત્રિ ફિલ્મનાં નામને લઈને છેલ્લાં ઘણાં સમયથી વિવાદ ચાલી રહ્યો હતો. ત્યારે હવે આ ફિલ્મનું નામ બદલીને…

3 hours ago

INDvsPAK: દુબઇમાં બે દેશો વચ્ચે મેદાન-એ-જંગ, પાકિસ્તાને ટોસ જીતી બેટિંગનો કર્યો નિર્ણય

દુબઇઃ એશિયા કપમાં આજે ટીમ ઇન્ડીયા અને પાકિસ્તાનની વચ્ચે પાંચમો અને રોમાંચક મુકાબલો દુબઇમાં થવા જઇ રહ્યો છે. મેચ પહેલા…

4 hours ago

હ્યુન્ડાઇની ફર્સ્ટ ઇલેક્ટ્રિક કાર “કોના” ટૂંક સમયમાં કરાશે લોન્ચ

હ્યુન્ડાઇએ પોતાની ઇલેક્ટ્રિક કારને 2018 ઓટો એક્સપોમાં રજૂ કરી હતી. જ્યાર બાદ આનાં લોન્ચ થવા પાછળનાં અનેક અનુમાનો લગાવવામાં આવી…

4 hours ago

મોદી સરકારનો સૌથી મોટો નિર્ણય, ત્રિપલ તલાક પર અધ્યાદેશને મંજૂરી

ન્યૂ દિલ્હીઃ મોદી સરકારે મુસ્લિમ મહિલાઓને ત્રિપલ તલાકમાંથી મુક્તિ અપાવવાનું બીડું ઝડપી લીધું છે. ત્રિપલ તલાકને ગુનાકીય શ્રેણીમાં લાવવા માટે…

5 hours ago