IPL-11માં ઝડપનો બાદશાદ બન્યો રાજસ્થાન રોયલ્સનો જોફ્રા આર્ચર

નવી દિલ્હીઃ આઇપીએલની ૧૧મી સિઝનમાં બોલિંગની વાત કરવામાં આવે તો ફાસ્ટ બોલર્સની બોલબાલા રહી. ઘણી ટીમના ફાસ્ટ બોલર્સે પોતાની ટીમ માટે શાનદાર પ્રદર્શન કર્યું. વિકેટ ઝડપવાની બાબતમાં પણ એક ફાસ્ટ બોલર જ ટોચના સ્થાને રહ્યો, પરંતુ આ બધા ફાસ્ટ બોલરમાં ઝડપનો બાદશાહ સાબિત થયો રાજસ્થાનનો ફાસ્ટર જોફ્રા આર્ચર, જેણે સમગ્ર આઇપીએલ દરમિયાન સૌથી ઝડપી બોલ ફેંક્યો.

રાજસ્થાન રોયલ્સના જોફ્રા આર્ચરે આઇપીએલ-૨૦૧૮માં સૌથી ફાસ્ટ બોલ ફેંક્યો અને બધાને પાછળ છોડતા તે ઝડપનો બાદશાહ બની ગયો. જોફ્રાએ સૌથી ઝડપી બોલ ૧૫૨.૩૯ કિ.મી.ની ઝડપે ફેંક્યો હતો. અહીં નજર કરીએ એ ટોપ ફાઇવ બોલર્સ પર, જેમણે આઇપીએલમાં સૌથી ઝડપી બોલ ફેંક્યા.

• જોફ્રા આર્ચર (રાજસ્થાન રોયલ્સ) ૧૫૨.૩૯ કિ.મી.
• બિલી સ્ટેનલેક (સનરાઇઝર્સ હૈદરાબાદ) ૧૫૧.૩૮ કિ.મી.
• જોફ્રા આર્ચર (રાજસ્થાન રોયલ્સ) ૧૫૦.૮૨ કિ.મી.
• મોહંમદ સિરાજ (આરસીબી) ૧૪૯.૯૪ કિ.મી.
• શિવમ માવી (કેકેઆર) ૧૪૯.૮૬ કિ.મી.

ફાસ્ટ બોલર્સની બોલબાલા રહી
આ સિઝનમાં ફાસ્ટ બોલર્સની બોલબાલા રહી. આંકડા અનુસાર વિકેટ ઝડપવાના મામલે જે ટોચના પાંચ બોલર્સ રહ્યા, તેમાં ચાર ફાસ્ટ બોલર સામેલ હતા, જ્યારે એકમાત્ર સ્પિનર રાશિદ ખાન હતો. આના પરથી સ્પષ્ટ થાય છે કે ફાસ્ટ બોલર્સે મેચ દરમિયાન પોતપોતાની ટીમ માટે કેટલી મહત્ત્વપૂર્ણ ભૂમિકા ભજવી. અહીં એક નજર કરીએ સૌથી વધુ વિકેટ ઝડપનારા બોલર પર.

• એન્ડ્રુ ટાય (પંજાબ) ૧૪ મેચમાં ૨૪ વિકેટ.
• રાશિદ ખાન (હૈદરાબાદ) ૧૭ મેચમાં ૨૧ વિકેટ.
• સિદ્ધાર્થ કૌલ (હૈદરાબાદ) ૧૭ મેચમાં ૨૧ વિકેટ.
• ઉમેશ યાદવ (બેંગલુરુ) ૧૪ મેચમાં ૨૦ વિકેટ.
• ટ્રેન્ટ બોલ્ટ (દિલ્હી) ૧૪ મેચમાં ૧૮ વિકેટ.

સૌથી વધુ મેઇડન ઓવર
આઇપીએલ ૨૦૧૮માં સૌથી વધુ મેઇડન ઓવર ફેંકવાના મામલે ચેન્નઈ સુપર કિંગ્સનાે ફાસ્ટ બોલર લૂંગી એન્ગિડી સૌથી આગળ રહ્યો. તેણે કુલ સાત મેચમાં ૨૬ ઓવર બોલિંગ કરી અને તેમાં બે મેઇડન ઓવર ફેંકી. બીજા નંબર પર દિલ્હીનો સ્પિનર અમિત મિશ્રા રહ્યો, જેણે ૧૦ મેચમાં ૩૭ ઓવર બોલિંગ કરી અને એક મેઇડન ઓવર ફેંકી. ત્રીજા નંબર પર ચેન્નઈનો ફાસ્ટ બોલર દીપક ચાહર રહ્યો, જેણે ૧૨ મેચમાં ૩૮.૧ ઓવર બોલિંગ કરી અને એક ઓવર મેઇડન ફેંકી.

You might also like