JNU: તપાસ રિપોર્ટ બાદ કનૈયા સહિત 8 વિદ્યાર્થી પરથી પ્રતિબંધ હટાવાયો, પરંતુ ક્લીન ચિટ નહીં..

JNU મામલે તપાસ રિપોર્ટ આવ્યા બાદ કનૈયા સહિત 8 વિદ્યાર્થીઓ પર લાદવામાં આવેલો પ્રતિબંધ હટાવી દેવામાં આવ્યો છે. 9 ફેબ્રુઆરીના રોજ વિવાદિત કાર્યક્રમના આરોપ સર આઠ વિદ્યાર્થીઓને સસ્પેન્ડ કરવામાં આવ્યા હતા. જો કે કમીટીની ભલામણના પગલે હજી યુનિવર્સિટી દ્વારા નિર્ણય લેવાનો બાકી છે. ઉલ્લેખનિય છે  કે 9 ફેબ્રુઆરી 2016ની સાંજે યુનિવર્સિટી કેમ્પસમાં સંસદ હુમલાના દોષી અફસલ ગુરૂને લઇ એક કાર્યક્રમનું આયોજન કરવામાં આવ્યું હતું. જેમાં કથિત રીતે દેશ વિરોધી નારેબાજી કરવામાં આવી હતી. આ મામલે કનૈયા સહિત અન્ય વિદ્યાર્થીઓને બરતરફ કરવામાં આવ્યા હતા. જેમાં ઉમર ખાલિદ, અનિર્બાન ભટ્ટાચાર્ય, આશુતોષ, રમા નાગા, અનંત કુમાર, શ્વેતા રાજ અને ઐશ્વર્યા અધિકારીના નામ પણ સામેલ છે. જેમાં કનૈયાની દેશદ્રોહ મામલે જમાનત થઇ ગઇ છે. જ્યાં ઉમર અને અનિર્બાન હજી પણ જેલમાં જ છે.

યુનિવર્સિટીમાં 11 ફેબ્રુઆરીના રોજ તપાસ કમીટી બનાવવામાં આવી હતી અને 12 ફેબ્રુઆરીએ વિદ્યાર્થીઓને બરતરફ કરવામાં આવ્યા હતા. યુનિવર્સિટીના સત્તાધિશો દ્વારા સ્પષ્ટ પણે જણાવવામાં આવ્યું છે કે બરતરફ કરવામાં આવ્યા છે તેનો મતલબ એવો નથી કે વિદ્યાર્થીઓને ક્લીન ચીટ આપવામાં આવી છે. કુલપતિ એમ. જગદીશ કુમાર દ્વારા રિપોર્ટનું પરીક્ષણ કરવામાં આવ્યા પછી જ અંતિમ નિર્ણય લેવામાં આવશે. સમિતિના પ્રથમ રિપોર્ટમાં યુનિવર્સિટીના આઠ વિદ્યાર્થીઓને શૈક્ષણિક પ્રવૃત્તિમાં ભાગ ન લેવા દેવા અંગે જણાવવામાં આવ્યું હતું. જ્યારે તપાસ પૂરી ન થાય ત્યાં સુધી હોસ્ટેલમાં અતિથિની રીતે રહેવા દેવામાં આવશે તેવું જણાવવામાં આવ્યું હતું. તપાસ સમિતિએ તેમનો રિપોર્ટ શુક્રવારે આપ્યો હતો અને ત્યાર બાદ વિદ્યાર્થીઓ પરથી પ્રતિબંધ હટાવી લેવામાં આવ્યો છે. રિપોર્ટ આવ્યા બાદ કુલપતિ અને કનૈયા એકબીજાને મળ્યા પણ હતા.

You might also like