Categories: Others Gujarat

કૃષિ નિકાસ માટે રાજ્યનાં તમામ બંદર પર જેટી બનાવાશે

અમદાવાદ: કેન્દ્ર સરકાર હવે દરિયાઈ માર્ગે થનારી કૃષિ નિકાસને પણ સબસિડી આપશે. કૃષિ નિકાસ વધે તેના માટે રાજ્યના તમામ બંદરો પર જેટી બનાવવામાં આવશે. તેવી જાહેરાત કેન્દ્રીય પ્રધાન મનસુખભાઈ માંડવિયાએ કરી હતી.

અમદાવાદમાં ગુજકોમાસોલની ૫૮મી વાર્ષિક સાધારણ સભાને સંબોધતા રોડ-ટ્રાન્સપોર્ટ, હાઈવે, શિપિંગ, ફર્ટિલાઈઝર ખાતાના કેન્દ્રીય પ્રધાન મનસુખભાઈ માંડવિયાએ ખેડૂતોને સહકારની ભાવના સાથે ખેતી કરવાની અપીલ પણ કરી હતી અને વધુમાં જણાવ્યું હતું કે ખેડૂતોની જૂની અને નવી પેઢીને શ્રમથી દૂર ન ભાગવા જણાવીને તેમણે કહ્યું હતું કે ભૂતકાળમાં અનેક વખત દુષ્કાળ પડ્યા છે, પરંતુ સહકારની ભાવના, પશુપાલન અને ખેતીના મિશ્રણના પરિણામે ખેડૂતો દુષ્કાળની કપરી પરિસ્થિતિમાં ટકી જતા હતા.

એ જ જૂના જમાનાની સહકારની ભાવના સાથે ખેડૂતો કામ કરશે તો ગમે તેવી કફોડી પરિસ્થિતિમાં ખેડૂતો અને પરિવારો સચવાઈ જશે. ખેતી-પશુપાલન એકબીજાનો પર્યાય છે. અત્યાર સુધી કોઈ પણ ફળોની નિકાસ કરવી હોય તો તેની ઈરેડિયેશન પ્રક્રિયા માટે પુણે જવું પડતું હતું.

ગુજરાતના ખેડૂતો હવે કેરી સહિતના કોઈ પણ ફળો નિકાસ કરે છે તો ઘરઆંગણે તાજેતરમાં બાવળામાં ઈરેડિયશન પ્લાન્ટની વ્યવસ્થા કેન્દ્ર સરકારે કરી છે. તેથી તેનો વધુ લાભ ખેડૂતોને લેેવા અપીલ કરી હતી.

અત્યારે હવાઈ માર્ગે થતી નિકાસ માટે સબસિડીની જોગવાઈ છે તે મુજબ જ દરિયાઈ માર્ગે થતી નિકાસમાં પણ સબસિડી અમલી કરવા માટેની દિશામાં કેન્દ્ર સરકાર આગળ વધી રહી છે.

ગુજકોમાસોલના ચેરમેન દિલીપ સંઘાણીએ જણાવ્યું હતું કે પહેલી વાર ૧૩૪૯ સભાસદ સહકારી મંડળીઓને આ વર્ષથી ૨૦ ટકા ડિવિડન્ડ અપાયું છે એટલું જ નહીં, આજે જ તેમના ખાતામાં જમા કરાયું છે.

આ પહેલી ઘટના છે. યુરિયા વેચતી સહકારી મંડળીઓના ટનદીઠ કમિશનમાં પણ રૂ. ૧૨૩નો વધારો કરાયો છે, જે રૂ. ૧૬૧થી વધારી રૂ. ૨૮૪ કરાયું છે. ગુજકોમાસોલનો ટર્નઓવરનો ટાર્ગેટ ૨૪૦૦ કરોડથી વધારીને રૂ. ૭૫૦૦ કરોડ કરવાની નેમ છે.

divyesh

Recent Posts

ભારત-બાંગ્લાદેશ વચ્ચેની મિત્રતા પાઇપલાઇન અને રેલ્વે પ્રોજેક્ટનું PM મોદીએ કર્યું ઉદ્ધાટન

ન્યૂ દિલ્હીઃ પ્રધાનમંત્રી નરેન્દ્ર મોદી અને બાંગ્લાદેશની PM શેખ હસીનાએ મંગળવારનાં રોજ સંયુક્ત રૂપથી ભારત-બાંગ્લાદેશ મિત્રતા પાઇપલાઇન અને ઢાકા-ટોંગી-જોયદેબપુર રેલ્વે…

9 hours ago

NASAનાં ગ્રહ ખોજ અભિયાનની પ્રથમ તસ્વીર કરાઇ રજૂ

વોશિંગ્ટનઃ નાસાનાં એક નવા ગ્રહનાં શોધ અભિયાન તરફથી પહેલી વૈજ્ઞાનિક તસ્વીર મોકલવામાં આવી છે કે જેમાં દક્ષિણી આકાશમાં મોટી સંખ્યામાં…

10 hours ago

સુરત મહાનગરપાલિકા વિરૂદ્ધ લારી-ગલ્લા અને પાથરણાંવાળાઓએ યોજી વિશાળ રેલી

સુરતઃ શહેર મહાનગરપાલિકાની કચેરીએ નાના વેપારીઓ એકઠા થયાં હતાં. લારી-ગલ્લા, પાથરણાંવાળાઓએ રેલી યોજીને વિરોધ નોંધાવ્યો હતો. પાલિકાની દબાણની કામગીરીનાં કારણે…

11 hours ago

J&K: પાકિસ્તાની સેનાનું સિઝફાયર ઉલ્લંધન, આંતરરાષ્ટ્રીય બોર્ડરેથી BSF જવાન ગાયબ

જમ્મુ-કશ્મીરઃ આંતરરાષ્ટ્રીય સીમા પર સીમા સુરક્ષા બળ (BSF)નો એક જવાન લાપતા બતાવવામાં આવી રહેલ છે. અધિકારીઓએ જણાવ્યું કે, મંગળવારનાં રોજ…

11 hours ago

IND-PAK વચ્ચે 18 સપ્ટેમ્બરે હાઇ વોલ્ટેજ મુકાબલો, જાણો કોનું પલ્લું પડશે ભારે…

ન્યૂ દિલ્હીઃ એશિયા કપ 2018ની સૌથી મોટી મેચ આવતી કાલે એટલે કે બુધવારનાં રોજ સાંજે 5 કલાકનાં રોજ દુબઇમાં ભારત-પાકિસ્તાનની…

13 hours ago

ભાજપની સામે તમામ લોકો લડે તે માટે મહેનત કરીશઃ શંકરસિંહ વાઘેલા

ગાંધીનગરઃ સમર્થકો સાથે યોજાયેલી બેઠક બાદ શંકરસિંહ વાઘેલાએ પ્રેસ કોન્ફરન્સનું આયોજન કર્યું. જેમાં તેઓએ રાજનીતિમાં નવી ઇનિંગને લઇ મહત્વની જાહેરાત…

14 hours ago