ખોટું રિટર્ન ફાઇલ કરવા સામે IT વિભાગની ચેતવણી

નવી દિલ્હી:આવકવેરા વિભાગે પગારદાર કર્મચારીઓને ઓછી આવક દર્શાવવી કે રિટર્ન ફાઇલ કરતી વખતી કપાતો ‘વધારીને’ બતાવવા જેવી ગેરકાનૂની રીત રસમ અપનાવવા સામે ચેતવણી આપી છે. તેણે કહ્યું હતું કે આ નિયમનો ભંગ કરનારાઓ સામે કાર્યવાહી થશે અને તેમના માલિકોને પણ સૂચના આપવામાં આવશે કે તેમની સામે પગલાં લે.

ઇન્કમ ટેક્સ રિટર્ન (આઇટીઆર) મગાવીને અને તેના પર પ્રક્રિયા કરતાં બેંગલુરુ ખાતેના સેન્ટ્રલ પ્રોસેસિંગ યુનિટે ચેતવણી જારી કરી છે કે કરદાતાઓએ અપ્રમાણિક કર સલાહકારો કે પ્લાનરની જાળમાં ન ફસાવું જોઈએ, જે તેમને ટેક્સ બેનિફિટના ખોટા ફાયદા માટે તૈયાર કરવામાં મદદ કરે છે.

આવકવેરા વિભાગે ઓછી આવક બતાવતા, વધારે કપાત બતાવતા તથા ખોટી રાહતો મેળવતા પગારદાર કર્મચારીઓને ચેતવણી આપતાં જણાવ્યું હતું કે અપ્રામાણિક વચેટિયાની સહાય મેળવતા આ પ્રકારના કરદાતાઓની નોંધ લેવાઈ રહી છે. આ પ્રકારના ગુના આવકવેરા ધારાની વિવિધ સંહિતા અને કાર્યવાહીની જોગવાઈઓ હેઠળ સજાપાત્ર છે. આવકવેરા વિભાગની તપાસ શાખાએ જાન્યુઆરીમાં બેંગલુરુ સ્થિત અગ્રણી ટેક્‌નોલોજી કંપનીના કર્મચારીઓએ ટેક્સ એડ્વાઇઝરની સલાહકારના આધારે છેતરપિંડીવાળા ટેક્સ રિફંડ મેળવ્યા હોવાનું શોધી કાઢ્યું તેના સંદર્ભમાં આ ચેતવણી જારી કરવામાં આવી છે.

સીબીઆઇએ આ સાંઠગાંઠ માટે તાજેતરમાં ફોજદારી કેસ નોંધ્યો હતો. આવકવેરા વિભાગ માટે નીતિ ઘડતા સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી)એ નવું આઇટીઆર તાજેતરમાં નોટિફાઇડ કર્યા પછી પગારદાર વર્ગના કરદાતાઓની ટેક્સ ફાઇલિંગ સીઝનનો પ્રારંભ થયો છે.

એક પાનાની એડ્વાઇઝરી ઉમેરે છે કે જો આવકવેરા વિભાગને આઇટીઆરમાં કોઈ પણ પ્રકારનો દાવો છેતરપિંડીભર્યો લાગે તો આ પ્રકારનો દાવો આવકવેરા ધારાની જોગવાઈ હેઠળ સજાને પાત્ર હશે અને તેના લીધે રિફંડ જારી કરવામાં પણ વિલંબ થઈ શકે છે. આથી કરદાતાઓને ચુસ્ત સલાહ છે કે તેઓ અપ્રામાણિક વચેટિયાની ખોટી સલાહ કે ખોટાં વચનોમાં ન ફસાય અને આઇટીઆરમાં એવા ખોટા ક્લેમ્સ ન કરે, જેને કરચોરીના કેસ તરીકે ગણવામાં આવે.

આવકવેરા વિભાગે ઉમેર્યું હતું કે સરકારી કે પીએસયુ કર્મચારીઓ દ્વારા કરવામાં આવેલા ખોટા ક્લેમ્સમાં તેનો રેફરન્સ વિજિલન્સ વિભાગને અપાશે અને તે તેના નિયમો હેઠળ કાર્યવાહી કરશે. એડ્વાઇઝરીએ ઉમેર્યું હતું કે આવકવેરા વિભાગ ‘એક્સ્ટેન્સિવ રિસ્ક એનાલિસિસ સિસ્ટમ’ ધરાવે છે અને તેનું ધ્યેય કોણ રિટર્ન ફાઇલ કરતું નથી તેને ઓળખી નાખવાનું અને તેને વિશ્વાસ આધારિત સિસ્ટમમાં લેવાનું છે, જ્યારે સીપીસી પર આઇટીઆરનું પ્રોસેસિંગ સ્વચાલિત હશે અને તેમાં કોઈ પણ પ્રકારના માનવીય સ્પર્શ કે સંપર્કને સ્થાન નહીં હોય.

Janki Banjara

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

7 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

7 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

8 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

8 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

8 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

9 hours ago