ISIS કરી શકે છે પશ્ચિમી દેશો પર અણુ હૂમલો

બગદાદ : સિક્યોરિટી એજન્સીઓને આશંકા છે કે ગત્ત વર્ષે ઇરાકમાંથી ચોરાયેલો ખુબ જ ખતરનાક રેડિયો એક્ટિવ પદાર્થ આઇએસઆઇનાં આતંકવાદીઓનાં હાથમાં આવી ગયો છે. તેનો ખુલાસે ઇરાકી એન્વાયરમેન્ટ મિનિસ્ટ્રી અને સિક્યોરિટી એજન્સીઓનાં ડોક્યુમેન્ટ્સ દ્વારા થયો છે. તેનાં કારણએ એવી આશંકાઓ વ્યક્ત કરવામાં આવી રહી છે કે આઇએસઆઇએસ ડર્ટી બોમ્બથી વેસ્ટર્ન કન્ટ્રીઝ પર હૂમલા કરી શકે છે. પશ્ચિમી દેશોમાં આ સમાચાર બાદ ફફડાટ ફેલાઇ ગયો છે. જગત જમાદાર અમેરિકા દ્વારા જો કે હજી સુધી આ અંગે કોઇ પ્રતિક્રિયા આપવામાં આવી નથી.
લેપટોપ સાઇઝનાં પ્રોટેક્ટિવ કેસમાં રખાતા આ મટિરિયલનું નામ ઇરીડિયમ 192 છે. ગત્ત વર્ષે નવેમ્બરમાં ઇરાકી શહેર બસરા ખાતેથી તે ચોરી થઇ ગયું હતું. ઓયલફિલ્ટ સર્વિસિઝ નામની કંપની વેદરફોર્ડે સ્ટેટમેન્ટ બહાર પાડીને જણાવ્યું કે જે બંકરમાં મટિરિયલ રાખવામાં આવ્યું હતું. તેનાં પર તેમનો કાબુ રહ્યો નથી. તેનાં કારણે સિક્યોરિટી એજન્સીઓને ડર છે કે આ મટિરિયલની મદદથી આતંકવાદીઓ ડર્ટી બોમ્બ બનાવી શકે છે અને તેની મદદથી તેઓ પશ્ચિમી રાષ્ટ્રો અથવા તો પછી પોતાનાં દુશ્મન રાષ્ટ્રો પર હૂમલો કરી શકે છે.
અત્રે ઉલ્લેખનીય છે કે ન્યૂક્લિયર મટિરિયલથી બનેલા બોમ્બથી ખુબ જ ખતરનાક રેડિયેશન બહાર આવતું હોય છે. તે રેડિયેશન જો ફેલાય તો તેનાંથી વિસ્ફોટ બાદ પણ ખુબ જ ઘાતક અસર થાય છે. ઇન્ટરનેશનલ એટોમિક એનર્જી એજન્સીએ ઇરીડિયમ 192ને રેડિયો એક્ટિવ સોર્સિઝની કેટેગરીમાં મુક્યો છે. આ પદાર્થ ચોરી થવો કે ખુબ જ મોટી ચુક ગણાવી શકાય. જો કે આ સમાચાર આવ્યા બાદ તમામ દેશો તેમાં ખાસ કરીને પશ્ચિમનાં દેશોમાં ભારે ફફડાટ વ્યાપી ગયો છે.

You might also like