દેશનાં ત્રણ મોટાં શહેરમાં પેરિસ જેવા હુમલા કરી શકે છે ISIS

નવી દિલ્હી: પ્રજાસત્તાકદિનને ધ્યાનમાં લઈને ઇન્ટલિજન્સ બ્યૂરોઅે ભારતનાં ત્રણ મુખ્ય શહેરો પર ખોફનાક અાતંકી સંગઠન ઇસ્લામિક સ્ટેટ (IS)ના મોટા હુમલા થઈ શકે છે તેવું અેલર્ટ જારી કર્યું છે. અા હુમલા પેરિસ અને જાકાર્તાની સ્ટાઈલના ખાસ કરીને મુંબઈ અને કોલકાતા જેવાં શહેરોમાં થઈ શકે છે અેટલું જ નહીં, અાઈબીનું કહેવું છે કે ઇસ્લામિક સ્ટેટ ૨૬મી જાન્યુઅારી પ્રજાસત્તાકદિને વડા પ્રધાન નરેન્દ્ર મોદી અને મુખ્ય અતિ‌થિ તરીકે અાવી રહેલા ફ્રાન્સના પ્રમુખ ફ્રાંસ્વા હોલાન્દે પણ નિશાન બનાવી શકે છે.

અાઈબીઅે પોતાના અેલર્ટમાં જણાવ્યું છે કે પાકિસ્તાન સ્થિત અાતંકી સંગઠન લશ્કર-એ- તોઇબાના કેમ્પમાં હિલચાલ વધી ગઈ છે. પ્રજાસત્તાકદિને ૧૦થી ૧૫ જેટલા અાતંકીઅો દેશનાં ત્રણ મેટ્રો શહેરના શોપિંગ મોલને નિશાન બનાવી શકે છે, અામાંથી ત્રણ પાસે મહંમદ ઇલિયાસ, નાવેદ ખાન અને સલીમ અહેમદ નામનાં અોળખપત્રો પણ હશે. તેમના નિશાન પર મુંબઈનો ફિનિક્સ મોલ અને દિલ્હીનો સિલેક્ટ સિટી મોલ પણ હોઈ શકે છે. અા ત્રાસવાદીઅો મોટા હુમલાને અંજામ અાપી શકે છે.

બીજી બાજુ બેંગ્લુરુમાં ફ્રાન્સના દૂતાવાસને એક ધમકીભર્યો પત્ર મળ્યો છે કે ફ્રાન્સના પ્રમુખ ફ્રાંસ્વા હોલાન્દેએ ભારત અાવવું જોઈઅે નહીં. અે‌ડિશનલ કમિશનર ચરણ રેડ્ડીઅે જણાવ્યું હતું કે અા કેસમાં એફઅાઈઅાર નોંધવામાં અાવી છે. અંગ્રેજીમાં લખેલા અા પત્રમાં વ્યાકરણની ઘણી ભૂલો છે. ધમકીભર્યા અા કાગળમાં છેલ્લે ત્રાસવાદી સંગઠન અલ કાયદાનું નામ લખેલું છે.

અાઈબીના એલર્ટમાં જણાવાયું છે કે ઇસ્લામિક સ્ટેટે અા અગાઉ તેનાથી પ્રભાવિત થયેલા યુવાનોને ઇરાક અને સિ‌રિયામાં જેના માટે લડવા અાવવા અામંત્રણ અાપ્યું હતું, પરંતુ હવે ઇસ્લામિક સ્ટેટે અા યુવાનોને પોતાના જ કેસોમાં અાતંકી હુમલાને અંજામ અાપવા જણાવ્યું છે.

You might also like