IPL 2018: CSK-SRH મેચનો બદલાયો સમય, ફાઈનલમાં પહોંચવા માટે જામશે જંગ

ઇન્ડિયન પ્રીમિયર લીગ (IPL)ની 11મી સિઝનમાં પોતાનું બેસ્ટ પ્રદર્શન કરવાથી પ્લેઓફમાં પહોંચી છે 2 દિગ્ગજ ટીમો – ચેન્નાઇ સુપર કિંગ્સ અને સનરાઇઝર્સ હૈદરાબાદ. આ બંને ટીમો વચ્ચે આજની મેચ ખુબ મહત્તવપુર્ણ છે કારણ કે આજે જે જીતશે તે ફાઇનલમાં જગ્યા બનાવશે. જોકે, જે ટીમ હારશે તેનો વધુ એક મોકો મળશે.

CSK અને SRH વચ્ચેની આજની મેચ મુંબઇના વાનખેડે સ્ટેડિયમમાં રમાશે. જે ટીમ હારશે તે બીજી ક્વૉલિફાયરમાં એલિમિનેટર મેચની વિજેતા ટીમ સામે રમશે.

ઉલ્લેખનીય છે કે, પ્લેઓફ રાઉન્ડ પુરો થયા બાદ 27 મે એટલે કે રવિવારે IPL સિઝન 11ની ધમાકેદાર ફાઇનલ મેચ રમાશે. આ મેચ પણ વાનખેડે સ્ટેડિયમમાં રમાશે.

પ્લેઓફ મેચનો સમય પહેલાથી બદલાઇ ગયો છે, થોડાક દિવસો પહેલા જ IPLના ચેરમેન રાજીવ શુક્લાએ જણાવ્યું હતું કે, પ્લેઓફ અને ફાઇનલ મેચો રાત્રે 8 વાગ્યાને બદલે 7 વાગે શરૂ થશે અને અને ટૉસ 6 વાગે કરવામાં આવશે.

સમયમાં ફેરફારનો નિર્ણય એટલા માટે લેવામાં આવ્યો છે કે, મેચ મોડેથી પુરી થતા ફેન્સને ઘરે જવામાં તકલીફ થાય છે અને ટીવી પર મેચ જોનારા દર્શકોને પણ મોડી રાત સુધી TV સામે ટકી રહેવું પડે છે. બોર્ડનુ માનવું છે કે, આ વખતે જો સમયમાં ફેરફારની રણનીતિ કામ કરશે તો આગામી વર્ષે બની શકે છે કે IPLની બધી મેચો 7 વાગ્યે જ શરૂ કરવામાં આવે.

You might also like