Video: મેચ જીત્યા બાદ બ્રાવો અને ભજ્જીએ કર્યો ‘સુપર’ ડાન્સ, દર્શક બન્યો ધોની

ઇન્ડિયન પ્રીમિયર લીગ (IPL) ની 11મી સિઝનમાં મુંબઇના વાનખેડે સ્ટેડિયમમાં રમાયેલી પ્રથમ ક્વોલિફાયર મેચમાં ચેન્નાઇ સુપર કિંગ્સે સનરાઈઝર્સ હૈદરાબાદને 2 વિકેટે હરાવીને ફાઈનલમાં જગ્યા બનાવી લીધી છે. એક સમયે લાગ્યું હતું કે ચેન્નાઇ હારી જશે પરંતુ Faf du Plessisએ 42 બોલમાં 67 નોટ આઉટ રન બનાવ્યા હતા. મેન ઓફ ધ મેચે SRH પાસેથી જીત છીનવી લીધી હતી. હવે આ રીતે જીત્યા હોય તો ઉજવણી તો કરવી પડે!

મેચ જીત્યા બાદ, ડ્વેઈન બ્રાવો અને હરભજન સિંઘે ડ્રેસિંગ રૂમમાં જ ડાન્સ કરવાનું શરૂં કરી દિધું હતું. બ્રાવો અને હરભજન સિંહ ચેન્નઈ સુપર કિંગ્સના સત્તાવાર ઇન્સ્ટાગ્રામ એકાઉન્ટ પર શેર કરેલા વિડિઓમાં વિજય પછી ડાન્સ કરતા જોવા મળ્યા હતા. જો કે, કેપ્ટન એમ.એસ. ધોનીએ એક સ્મિત સાથે દર્શક બનીને શાંતીથી જોતો રહ્યો.

વાનખેડે સ્ટેડિયમ ખાતે રમાયેલ મેચમાં હૈદરાબાદે 140 રન બનાવ્યા હતા પરંતુ ચેન્નઈએ 113 રન બનાવીને 8 વિકેટ ગુમાવી દીધી હતી ત્યારે ડૂ પ્લેસિસે 18મી ઓવરમાં 20 રમ કર્યા અને 19મી ઓવરમાં 17 રન ફટકારીને ચેન્નઈને જીતની પાસે લઈ આવ્યો હતો. ત્યાર બાદ છેલ્લી ઓવરના પ્રથમ બોલ પર 6 મારીને ચેન્નઈને 2 વિકેટથી જીત મળી હતી.

આ મેચ જીતી ચેન્નાઇ ફાઇનલમાં પહોંચી ગઈ છે, જોકે હૈદરાબાદની ફાઇનલમાં રમવાની આશા હજુ ખતમ નથી થઈ. તેમને બીજા ક્વોલિફાયરમાં રમવાની તક મળશે, જ્યાં તેમને કોલકતા નાઈટ રાઈડર્સ અને રાજસ્થાન રોયલ્સ વચ્ચેના એલિમીનેટર મેચના વિજેતાનો સામનો કરવાનો રહેશે.

You might also like