Categories: Sports

ગુજરાત ફરી વિજયની શોધમાં: હૈદરાબાદને યુવીનો ઇંતેજાર

હૈદરાબાદ: IPL-9ની શરૂઆતમાં જબરદસ્ત સફળતા અને ત્યાર બાદ ઉપરાઉપરી નિષ્ફળતાના કારણે હતાશામાં સરી પડેલી ગુજરાત લાયન્સની ટીમ આઈપીએલમાં અાજે અહીં સનરાઈઝર્સ હૈદરાબાદ સામે રમાનારી મેચમાં વિજયના માર્ગે પાછા ફરવાનો પ્રયાસ કરશે. હૈદરાબાદની ટીમ તેના સ્ટાર ઓલરાઉન્ડર યુવરાજસિંહની ઈજાના કારણે લાંબા આરામ પછી રમતમાં પાછા ફરવાની આશા રાખે છે. યુવરાજને પાંચ મૅચમાં સિંગલ ડિજિટમાં રન બનાવનાર દીપક હૂડાના સ્થાને કદાચ મેદાનમાં ઉતારવામાં આવશે. હૂડાને હૈદરાબાદની ટીમે ૪.૨ કરોડ રૂપિયામાં ખરીદ્યો છે.

યુવીની હૈદરાબાદની ટીમ વતી આ પહેલી જ મૅચ હશે. યુવરાજ ટી-૨૦ વર્લ્ડ કપમાં ઓસ્ટ્રેલિયા વિરુદ્ધની મેચમાં ઈજા પામ્યા પછી વર્તમાન સ્પર્ધામાં હજી સુધી એકેય મેચમાં રમ્યો નથી. છેલ્લી બે મેચ હારી જવા છતાં ગુજરાતની ટીમ પોતાની નવ મેચમાંથી છ વિજય પ્રાપ્ત કરી પોઈન્ટ ટેબલમાં બીજા ક્રમે છે અને પાંચમા સ્થાને રહેલી હૈદરાબાદની ટીમે ચાર મેચમાં વિજય હાંસલ કર્યો છે. બન્ને ટીમ વચ્ચે સ્પર્ધાના પહેલા તબક્કામાં રમાયેલી મેચ ગત ૨૧ એપ્રિલે દસ વિકેટથી જીતી લીધા બાદ હૈદરાબાદની ટીમનું મનોબળ ઊંચું છે. ગુજરાતના ઓલરાઉન્ડર બ્રાવોને આજે રમવા મળશે તો એ તેની કુલ ૩૦૦મી ટી-૨૦ અને ૧૦૦મી આઇપીએલ મૅચ બનશે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

19 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

19 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

19 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

19 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

19 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

19 hours ago