IPL11: આ કારણથી રોહિતની આંખમાં આવ્યા આસું, પત્ની પણ થઇ ગઇ ઉદાસ

ઇન્ડિયન પ્રિમિયર લીગની 11મી સિઝનમાં મુંબઇ ઇન્ડિયન્સની ટીમ ખૂબ જ નિરાશાજનક પ્રદર્શન કરી રહી છે. અત્યાર સુધી રમાયેલી 6 મેચોમાં મુંબઇ ઇન્ડિયન્સે ફક્ત એક જ મેચમાં વિજય મેળવ્યો છે. સનરાઇઝ હૈદરાબાદ સામે મંગળવારે રમાયેલી મેચમાં ટીમ લો સ્કોરિંગ મેચમાં 31 રનથી હારી ગઇ.

મુંબઇ ઇન્ડિયન્સ સામે 119 રનનો ટાર્ગેટ હતો. જવાબમાં આખી ટીમ 87 રનના સ્કોર પર જ ધ્વસ્ત થઇ ગઇ. કેપ્ટન રોહિત શર્મા ફક્ત 2 રન બનાવીને આઉટ થઇ ગયો. ટીમની હાર બાદ રોહિત શર્મા ખૂબ જ ઉદાસ જોવા મળ્યો. સોશ્યલ મીડિયા પર કેટલીક એવી પોસ્ટ વાયરલ થઇ રહી છે, જેમાં રોહિતની આંખો માંથી આંસુ આવી ગયા છે તે સ્પષ્ટ રીતે જોઇ શકાય છે.

 

રોહિતને ખૂબ જ કૂલ કેપ્ટન માનવામાં આવે છે અને તે હારીને રડે તેવો કેપ્ટન નથી. મુંબઇ ઇન્ડિયન્સને ફેન્સને પણ મોટો ઝાટકો લાગ્યો છે. સોશ્યલ મીડિયા પર પણ અનેક પ્રકારના રિએક્શન જોવા મળી રહ્યાં છે.

સાથે જ રોહિત શર્માને ઉદાસ જોઇને તેની પત્ની રિતિકા પણ ખૂબ જ ઉદાસ જોવા મળી. મેચ દરમિયાન રોહિતની પત્ની રિતિકાએ શિખર ધવનની પત્ની આયેશા અને દિકરા જોરાવર સાથે મસ્તી કરી હતી અને તેણે તેમની સાથે જ મેચ જોઇ હતી. જો કે મેચ દરમિયાન રિતિકા પણ ખૂબ જ દુખી જોવા મળી.

You might also like