રાજસ્થાન રોયલ્સ સામે દિલ્હી ડેરડેવિલ્સ માટે આજે ‘કરો યા મરો’નો મુકાબલો

નવી દિલ્હીઃ આઠ મેચમાંથી છ મેચ હારીને ટૂર્નામેન્ટની બહાર થવાએ પહોંચી ગયેલી દિલ્હી ડેરડેવિલ્સની ટીમ માટે આજે રાજસ્થાન સામેનો મુકાબલો “કરો યા મરો’ સમાન છે. ગૌતમ ગંભીરે કેપ્ટનશિપ છોડી દીધા બાદ શ્રેયસ અૈયરને દિલ્હી ટીમનું નેતૃત્વ સોંપી દેવામાં આવ્યું છે, જેણે ૪૦ બોલમાં અણનમ ૯૪ રન બનાવીને ફિરોજશાહ કોટલા મેદાન પર કોલકાતા સામે ટીમને ૫૫ રને જીત અપાવી હતી, જોકે ચેન્નઈની ટીમે દિલ્હીને ૧૩ રને હરાવી દઈને દિલ્હીની વાપસીની ઇચ્છાઓ પર પાણી ફેરવી દીધું હતું. હવે ઐયરને પોતાની ટીમને દરેક મેચ જીતવા માટે પ્રેરિત કરવી પડશે, જેથી ટૂર્નામેન્ટમાં તેનું અસ્તિત્વ જળવાઈ રહે.

ઐયર અત્યાર સુધી વર્તમાન આઇપીએલમાં ૩૦૬ રન અને ઋષભ પંત ૨૫૭ રન બનાવી ચૂક્યો છે. બોલિંગમાં ટ્રેન્ટ બોલ્ટે ૧૧ વિકેટ ઝડપી છે, પરંતુ બીજા છેડાથી બોલ્ટને યોગ્ય સહયોગ મળી રહ્યો નથી.

વિજય શંકરે જણાવ્યું કે, ”એક ટીમ તરીકે અમે સારું પ્રદર્શન કરી રહ્યા છીએ, પરંતુ નાની નાની ભૂલો અમને ભારે પડી રહી છે. અમે ચેન્નઈ સામે વિશાળ લક્ષ્ય હાંસલ કરવાની નજીક પહોંચી ગયા હતા, પરંતુ અમે લક્ષ્યથી થોડા દૂર રહી ગયા.”

બીજી તરફ રાજસ્થાન સાત મેચમાં છ પોઇન્ટ સાથે પાંચમા સ્થાન પર છે. અજિંક્ય રહાણેની ટીમ સતત સારું પ્રદર્શન કરવામાં નિષ્ફળ રહી છે. એક મેચ જીત્યા બાદ તેણે એક મેચ ગુમાવી છે અને પ્લેઓફમાં પહોંચવા માટે તેમણે પોતાના પ્રદર્શનમાં ઘણો સુધારો કરવો પડશે.

હૈદરાબાદ સામે તેઓ ૧૫૨ રનના લક્ષ્યનો પીછો કરી શક્યા નહોતા અને ૧૧ રનથી મેચ હારી ગયા હતા. એ મેચમાં રહાણેએ ૬૫ અને સંજુ સેમસને ૪૦ રન બનાવ્યા હતા, અન્ય કોઈ બેટ્સમેન સારું પ્રદર્શન કરી શક્યા નહોતા.

બેન સ્ટોક્સ અને જોસ બેટલરના કંગાળ પ્રદર્શનના કારણે પણ રાજસ્થાન રોયલ્સને ઘણું નુકસાન ઉઠાવવું પડી રહ્યું છે. બોલર્સમાં જોફ્રા આર્ચરનું પ્રદર્શન શાનદાર રહ્યું છે, પરંતુ સ્પિનર શ્રેયસ ગોપાલ અને કે. ગૌતમ પ્રભાવ પાડવામાં નિષ્ફળ રહ્યા છે. ટૂંકમાં ટૂર્નામેન્ટમાં ટકી રહેવા માટે આજે રાજસ્થાન સામે દિલ્હીએ કોઈ પણ ભોગે વિજય મેળવવો જ પડશે.

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

14 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

14 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

14 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

15 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

15 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

16 hours ago