Categories: Entertainment

ગ્લેમરથી દર્શકોનું ધ્યાન ખેંચાય છે

‘બાર બાર દેખો’ ને કેવી રીતે જુએ છે?
આ એક એક્સ્ટ્રીમ લવસ્ટોરી છે. આ કહાની આઠ વર્ષથી ૬૦ વર્ષની ઉંમર સુધીની વ્યક્તિ સાથે જોડાયેલી છે. અમે દર્શકોને એ અહેસાસ કરાવીએ છીએ કે ઉંમરના દરેક પડાવે કેવી ભાવના હોય છે અને પ્રેમમાં કેવો બદલાવ આવે છે. તમે ૧૬ વર્ષના હોવ ત્યારે લગ્ન કરો ત્યારે, બાળકો થયા પછી સંબંધોમાં કેવી મુશ્કેલીઓ ઊભી થાય છે એ અંગેની વાત ફિલ્મમાં વણી લેવાઈ છે.

બોલિવૂડમાં તેં સિનિયર-જુનિયર એક્ટર્સ સાથે કામ કર્યું છે, તો બંને વચ્ચે તફાવત અનુભવે છે?
મેં એવા કેટલાય એક્ટર્સ સાથે કામ કર્યું છે, જે મારી ઉંમરના હોય. સિદ્ધાર્થ મારા આવ્યાનાં ઘણાં વર્ષો પછી ઈન્ડસ્ટ્રીમાં આવ્યો છે. હા, મેં મારી કારકિર્દીમાં કેટલાંક સિનિયર્સ સાથે કામ ચોક્કસ કર્યું છે, પરંતુ ઈમરાન ખાન, જ્હોન અબ્રાહમ, આદિત્ય રોય કપૂર વગેરે હીરો સાથે કામ કરવામાં મને ઘણી મજા આવી. આ બધામાં કામ કરવાનું એક પ્રકારનું ઝનૂન અને કામ પ્રત્યેની લગન જોવા મળે છે. એ બધા ખૂબ જ ટેલેન્ટેડ પણ છે. જ્યાં સુધી તફાવતની વાત છે, તો બધા જ એક્ટર્સ કામ પ્રત્યે સમર્પિત છે.

ફિલ્મોની પસંદગી કયા આધારે કરે છે?
મને ફિલ્મની સ્ક્રિપ્ટ પસંદ પડવી જોઈએ. જો તે મને પસંદ આવશે તો દર્શકોને ચોક્કસ પસંદ આવશે. મને લાગે છે કે ફિલ્મમાં મારો રોલ એવો હોવો જોઈએ જેની સાથે હું ડાયરેક્ટ કનેક્ટ કરી શકુંં. ‘બાર બાર દેખો’ની દીયાની વાત કરું તો મને લાગે છે કે દરેક યુવતીને લાગશે કે તેની ઈમોશનલ સફર આવી જ હોય છે. દરેક યુવતી આ ફિલ્મ સાથે કનેક્ટ કરી શકશે અને એ જ આ ફિલ્મની ખાસિયત છે.

ફિલ્મના પ્રમોશન માટે ગીત અને ગ્લેમરનો ઉપયોગ થતો હોય તેમ માને છે?
ગ્લેમર લોકોને ધ્યાનાકર્ષિત કરે છે. તેનાથી પ્રમોશનમાં મદદ મળે છે. ટ્રેલર માત્ર થોડીક મિનિટનું હોય છે, જેમાં દર્શકોનું ધ્યાન ખેંચવા આવા શોટ્સ નાખવા પડે છે. જોકે તેના આધારે ફિલ્મ ચાલી શકે નહીં. દર્શકો ફિલ્મની વાર્તા અને એક્ટિંગ પણ ધ્યાને લે છે. હું માનું છું કે હિટ ગીતો કારકિર્દી ઉજ્જવળ બનાવવામાં મદદ કરે છે. ગીતો હિટ થાય તો ફિલ્મ પણ હિટ થાય તેવું મનાય છે. ગીતો ફિલ્મનો ભાગ હોવાથી તેને ન અવગણાય.

બોલિવૂડમાં તારી મુસાફરીને કઈ રીતે જુએ છે?
હું નસીબમાં માનું છુંં. મને લાગે છે કે જે કામ મળે તેમાં બેસ્ટ પરફોર્મ કરવું જોઈએ અને મેં અત્યાર સુધીની મારી ફિલ્મોમાં ખૂબ જ મહેનત કરી છે. તમારી હરીફાઈ ખુદ તમારી સાથે જ હોવી જોઈએ, કોઈ બીજા સાથે નહીં.

કોઈ ફિલ્મ ફ્લોપ જાય તો દુઃખ થાય છે?
જો તમારી ફિલ્મ ન ચાલે તો એમ સમજવું કે તે તમે દર્શકો સાથે કનેક્ટ નથી થઈ શક્યા. કેટલીક ફિલ્મો નથી ચાલતી ત્યારે લોકો કહે છે કે આ ફિલ્મ સિરિયસ હતી કે પછી ઈમોશનલ હતી. હું માનું છું કે ફિલ્મ બે પ્રકારની હોય છે, એક હિટ અને બીજી ફ્લોપ. હિટ ફિલ્મો સાથે દર્શકો જોડાઈ શકે છે, ફ્લોપ ફિલ્મો સાથે નહીં.

ઘણા સમય સુધી દૂર રહ્યા પછી સોશિયલ મીડિયામાં જોડાવાનું ખાસ કારણ?
મને લાગ્યું કે હવે મારી પાસે એક પ્લેટફોર્મ હોવું જોઈએ, જ્યાં હું મારી વાત મારા ફેન્સ અને દર્શકો સુધી પહોંચાડી શકુંં. આમ ન કરીએ તો ઘણી વાર મીડિયામાં ફેલાયેલી ખબરો પર જ લોકો ચર્ચા કરવા લાગે છે. મારા ફેન્સ સાથે સીધા સંપર્કમાં રહેવાનું મને યોગ્ય જણાયું એટલે હવે હું ફેસબુક પર આવી છુંં.

ધર્મા પ્રોડક્શન સાથે વધુ એક ફિલ્મ કરી રહી છે?
એ ફિલ્મની હજુ સુધી કોઈ જાહેરાત નથી થઈ. હજુ વાત જ ચાલી રહી છે. કરણ જોહર સાથે કામ કરવાનું મને હંમેશાં સારું લાગે છે. તેના વિચારો ખૂબ જ ઊંચા અને નવા હોય છે. તે મારા સારા મિત્ર પણ છે અને અમારી વચ્ચે બોન્ડિંગ સારું છે.

Krupa

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

21 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

22 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

22 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

22 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

22 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

22 hours ago