INDvsENG: ભારતીય ટીમ માટે ખુશખબરી, આ ખેલાડી છે Fit

ટીમ ઈન્ડિયાના ચાહકો માટે ઈંગ્લેન્ડ સામેની પહેલી ટેસ્ટ મેચ પહેલા એક સારા સમાચાર આવ્યા છે કે દિગ્ગજ સ્પિનર રવિચંદ્રન અશ્વિન એકદમ ફિટ છે. એસેક્સ સામે રમાયેલી ત્રણ દિવસીય પ્રેક્ટિસ મેચના બીજા દિવસે તાલીમ દરમિયાન અશ્વિનને વાગ્યું હતું.

આ ઈજાને કારણે, અશ્વિન બીજા દિવસે એસેક્સ સામે બેટિંગ અને બોલિંગ ન કરી હતી. તેને જમણા હાથમાં ઇજા થઈ હતી અને સાવચેતી તરીકે તેને મેદાન પર ઉતારવામાં આવ્યો ન હતો. ભારતીય ટીમ મેનેજમેન્ટ દ્વારા કહેવામાં આવ્યું હતું કે આ ઈજા ગંભીર નથી. જોકે ચાહકો ચિંતિત હતા કારણ કે ભુવનેશ્ર્વર કુમાર અને જસપ્રિત બુમરાહ પહેલેથી ઈજાને કારણે ભારતીય બોલરોની સ્થિતિ નાજુક થઈ ગઈ છે. અને આના કારણે, અશ્વિને પ્રેક્ટિસ મેચના છેલ્લા દિવસે 5 ઓવર નાખી હતી.

અશ્વિને તેના ઇન્સ્ટાગ્રામ પોસ્ટ દ્વારા તેમની સ્થિતિ વિશે માહિતી આપી હતી. બૉલિંગ કરતી વખતે તેણે પોતાનો ફોટો પોસ્ટ કર્યો હતો અને કહ્યું કે તે સંપૂર્ણપણે ફિટ છે. આ રીતે, ભારતીય ચાહકોને અશ્વિનની ફિટનેસને કારણે રાહત મળી છે કારણ કે ઉનાળા દરમિયાન સ્પિનરો ટેસ્ટ ક્રિકેટમાં ઈંગ્લેન્ડ ટૂરમાં મહત્વની ભૂમિકા ભજવશે.

 

Just comfortably numb at the crease😂 #essex #uk #indvseng

A post shared by Ravichandran Ashwin (@rashwin99) on


ટીમ ઈન્ડિયા માટે ચિંતા એ છે કે એસેક્સ સામેની પ્રેક્ટિસ મેચ હોવા છતાં તેના સ્પિનરોને કોઈ વિકેટ મળી નથી. આ ઈનિંગ્સમાં, ભારત વતી 94 ઓવર નાખી હતી પરંતુ ઝડપી બોલરો દ્વારા તમામ 8 વિકેટ મળી હતી.

You might also like