INDvsENG: કાલે રાજકોટમાં રમાશે મેચ, સુપ્રિમ કોર્ટે BCCIને 58.66 લાખ ફાળવવા આદેશ

નવી દિલ્લી: લોઢા પેનલની ભલામણને લાગુ કરવાને લઈને થઈ રહેલા દબાણ પર બીસીસીઆઈએ સુપ્રીમ કોર્ટમાં નવી અરજી લઈને પહોંચી હતી. બીસીસીઆઈએ સુપ્રીમ કોર્ટમાં અરજી દાખલ કરી કહ્યું કે બુધવારે રાજકોટમાં ઇંગ્લેન્ડ વિરુદ્ધ રમાનારી ટેસ્ટ મેચ માટે ફંડ ફાળવવામાં આવે. અપીલ સાંભળ્યા પછી સુપ્રીમ કોર્ટે બીસીસીઆઈને મોટી રાહત આપી છે અને રાજકોટ મેચ માટે ફંડ જાહેર કરવા છૂટ આપી છે.

હવે બુધવારથી રાજકોટમાં ભારત અને ઇંગ્લેન્ડ વચ્ચે પહેલી ટેસ્ટ મેચ પહેલાના નક્કી કરવામાં આવેલા કાર્યક્રમ પ્રમાણે હશે. કોર્ટે મેચ માટેના ઘણા ખર્ચ માટે 58.66 લાખ રૂપિયાનો ફંડ મંજૂર કર્યો છે. આ ફંડથી ઇંગ્લિશ ક્રિકેટ બોર્ડ, થર્ડ એમ્પાયર અને ઇન્શોરન્સને ચૂકવવામાં આવશે. સીરિઝની બીજી મેચો માટે પણ ફંડ મંજૂર કરવામાં આવ્યો છે. BCCIને આ અકાઉન્ટ જસ્ટિસ લોઢા પેનલને આપવો પડશે. ઓડિટર આ ખર્ચની તપાસ કરશે.

બીસીસીઆઈએ કહ્યું છે કે ફંડ નહિ મળે તો મેચ નહિ થાય. બીસીસીઆઈ તરફથી કોર્ટમાં અપીલ કરતા પૂર્વ કેન્દ્રીય મંત્રી અને વરિષ્ઠ કોંગ્રેસ નેતા કપિલ સિબ્બલે કહ્યું છે કે બીસીસીઆઈને ફંડ પર રોક લગાવવાથી મુશ્કેલી થઈ રહી છે.

You might also like