Categories: Sports

મુંબઈ ટેસ્ટઃ નવો ઇતિહાસ રચાશે કે પુનરાવર્તન થશે?

ઈંગ્લેન્ડે ટોસ જીતી બેટિંગ પસંદ કરીઃ ઈંગ્લેન્ડે જેનિંગ્સ અને બોલને ટીમમાં સામેલ કર્યાઃ ભારતીય ટીમમાં રહાણેના સ્થાને રાહુલ, શામીના સ્થાને ભુવનેશ્વરનો સમાવેશ

મુંબઈઃ ભારત અને ઈંગ્લેન્ડ વચ્ચે ચાલી રહેલી પાંચ ટેસ્ટની શ્રેણીની ચોથી ટેસ્ટનો આજે અહીં મુંબઈના વાનખેડે સ્ટેડિયમમાં પ્રારંભ થયો છે. હવે જોવાનું એ રહે છે કે અહીં નવો ઇતિહાસ રચાશે કે પછી ભારતીય ટીમના પરાજયનું પુનરાવર્તન થશે. આજે અહીં ઈંગ્લેન્ડના કેપ્ટન એલિસ્ટર કૂકે ટોસ જીતીને બેટિંગ કરવાનો નિર્ણય કર્યો છે. ઈંગ્લેન્ડે ટીમમાં ઓપનિંગ બેટ્સમેન જેનિંગ્સ અને મીડિયમ પેસર જેકોબ બોલનો સમાવેશ કર્યો છે, જ્યારે ભારતીય ટીમમાં ઈજાગ્રસ્ત અજિંક્ય રહાણેના સ્થાને કે. એલ. રાહુલ તેમજ મોહંમદ શામીના સ્થાને ભુવનેશ્વરકુમારનો સમાવેશ કરવામાં આવ્યો છે. રાહુલના ટીમમાં પાછા ફરવાથી પાર્થિવ પટેલ મધ્યક્રમમાં બેટિંગ કરશે. એક પછી એક ખેલાડીઓ ઈજાગ્રસ્ત થતા રહેતાં કરુણ નાયરને વધુ એક તક મળી છે.

છેલ્લા અહેવાલ મળ્યા ત્યારે ઈંગ્લેન્ડનો સ્કોર વિના વિકેટે ૮૧ રન છે. કૂક ૩૧ રને અને જેનિંગ્સ ૪૯ રને બેટિંગ કરી રહ્યા છે.

મુંબઈના વાનખેડે સ્ટેડિયમમાં ટીમ ઇન્ડિયા ભરપૂર આત્મવિશ્વાસ સાથે મેદાનમાં ઊતરી છે. આ એ જ વાનખેડે સ્ટેડિયમ છે, જેનો ઇિતહાસ ઈંગ્લેન્ડની સાથે છે. ૨૦૧૨ના ગત પ્રવાસ દરમિયાન મહેમાન ટીમ અમદાવાદ ખાતે રમાયેલી પ્રથમ ટેસ્ટ હારીને મુંબઈ આવી હતી અને મુંબઈમાં રમાયેલી બીજી ટેસ્ટમાં ઈંગ્લેન્ડે દસ વિકેટે જીત હાંસલ કરી હતી અને ત્યાર બાદ તેણે કોલકાતા ખાતેની વધુ એક ટેસ્ટ જીતી લઈને શ્રેણી પોતાના નામે કરી લીધી હતી.

હવે જો ભારતીય ટીમ આજથી શરૂ થયેલી ટેસ્ટ જીતી લેશે તો એક નવો ઇતિહાસ રચાશે અને જો ઈંગ્લેન્ડ આ ટેસ્ટ જીતી લેશે તો ફરી એક વાર ઈંગ્લેન્ડ જીતનું પુનરાવર્તન થશે.

અમારે રાજકોટના પ્રદર્શનથી શીખવાની જરૂર છેઃ એલિસ્ટર કૂક
ઈંગ્લેન્ડના કેપ્ટન એલિસ્ટર કૂકને લાગે છે કે તેના ખેલાડીઓએ રાજકોટ ખાતે રમાયેલી પ્રથમ ટેસ્ટના પ્રદર્શનમાંથી કંઈક શીખવાની જરૂર છે, જેમાં તેઓએ સકારાત્મક રમતનું પ્રદર્શન કર્યું હતું. કૂકે કહ્યું, ”ટીમના મુખ્ય કોચ ટ્રેવર બેલિસનો એ સ્પષ્ટ સંદેશ છે કે અમારે રાજકોટ ખાતે કરેલા પ્રદર્શનમાંથી કંઈક શીખવું જોઈએ. અમે મોહાલી ટેસ્ટ સમાપ્ત થયા બાદ એકસાથે બેઠા હતા અને અમે ચર્ચા કરીહતી કે અમારે કેવી રીતે રમવું જોઈએ. રાજકોટ ટેસ્ટ અમારા માટે બ્લ્યૂપ્રિન્ટ હતી. અમે રાજકોટમાં શાનદાર પ્રદર્શન કર્યું હતું. આશા છે કે અમે શ્રેણીમાં વાપસી કરીશું.
http://sambhaavnews.com/

divyesh

Recent Posts

ગોવા સરકારનું નેતૃત્વ મનોહર પર્રિકર જ કરશેઃ અમિત શાહ

ન્યૂ દિલ્હીઃ તમામ વિવાદો પર વિરામ લગાવતા ભાજપનાં રાષ્ટ્રીય અધ્યક્ષ અમિત શાહે આખરે સ્પષ્ટ કરી દીધું છે કે, મનોહર પર્રિકર…

11 hours ago

મોઢેરા સૂર્યમંદિરમાં પ્રવેશ ફીનો ચાર્જ વધારતા પર્યટકોમાં રોષ

મહેસાણા: મોઢેરાનું ઐતિહાસિક સૂર્યમંદિર એ એક ઐતિહાસિક વારસો ધરાવે છે તેમજ દરેક નાગરિક આ વારસાથી પરિચિત છે. તેને જોવા માટે…

12 hours ago

આતંકવાદ અને વાતચીત એક સાથે ક્યારેય શક્ય ના બનેઃ બિપીન રાવત

ન્યૂ દિલ્હીઃ ભારતનાં આર્મી ચીફ જનરલ બિપીન રાવતે પાકિસ્તાનને સણસણતો જવાબ આપ્યો છે. આર્મી ચીફ બિપીન રાવતે નિવેદન આપતાં કહ્યું…

13 hours ago

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

15 hours ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

15 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્માન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

16 hours ago