Categories: World

વિયેટનામમાં મોદી છવાયાઃ બંને દેશ વચ્ચે ૧ર કરાર પર હસ્તાક્ષર

હનોઈ: વડા પ્રધાન નરેન્દ્ર મોદીનું વિયેટનામના પાટનગર હનોઈમાં ભવ્ય સ્વાગત કરવામાં આવ્યું હતું. ત્યારબાદ મોદીએ વિયેટનામના વડા પ્રધાનની મુલાકાત લીધી હતી. ત્યારે આજે વિયેટનામ અને ભારત વચ્ચે મહત્વના ૧ર કરાર પર હસ્તાક્ષર થયા હતા. મોદી તેમના વિયેટનામના પ્રવાસ બાદ ચીનની મુલાકાતે જવા રવાના થશે. અને ત્યાં તેઓ ચાર અને પાંચ સપ્ટેમ્બરે યોજાનારી જી-20 સમિટમાં ભાગ લેશે.

મોદીએ વિયેટનામના પ્રવાસમાં તેમના શેડયૂલ હેઠળ સૌથી પહેલા શહીદ જવાનોનાં સ્મારક સ્થળ પર જઈને શ્રદ્ધા સુમન અર્પણ કર્યાં હતાં. ત્યારબાદ વિયેટનામના રાષ્ટ્રપતિ ભવનમાં મોદીનું ઔપચારિક સ્વાગત કરવામાં આવ્યું હતું. બાદમાં વિયેટનામના વડા પ્રધાન ગુયેન જુઆન ફુક અને મોદી વચ્ચે અનેક મુદા પર ચર્ચા થઈ હતી. સૂત્રોનાં જણાવ્યા અનુસાર બંને દેશ વચ્ચે ૧ર કરાર પર હસ્તાક્ષર થયા હતા. આ સમજૂતી સંરક્ષણ, આરોગ્ય અને સ્પેસ સાથે સંકળાયેલી છે. મોદીએ વિયેટનામને સંરક્ષણ માટે ૫૦ કરોડ ડોલર એટલે કે રૂ.૩૩૨૮ કરોડ આપવાની જાહેરાત કરી હતી.

વિવિધ સમજૂતીનું મહત્વ
વડા પ્રધાન મોદીના વિયેટનામના પ્રવાસમાં બંને દેશ વચ્ચે અનેક મહત્વની સમજૂતી થઈ છે. જેમાં સૌથી પ્રથમ વિયેટનામને બ્રહ્મોસ મિસાઈલ આપવાની બાબત છે. ભારતના આવા નિર્ણયથી ભારતને ચીનની નારાજગીનો ભોગ બનવું પડ્યું છે. બંને દેશ વચ્ચે સંરક્ષણ, આરોગ્ય અને સ્પેસને લગતી તેમજ અર્થતંત્રને લગતી અનેક સમજૂતી પર કરાર થયા હતા. જેમાં વિયેટનામના સ્પેસ સેકટર અને હાઈડ્રોકાર્બન બ્લોકમાં પણ ભારત રોકાણ કરે તેવી શક્યતા છે.
અત્રે ઉલ્લેખનીય છે કે ભારત અને વિયેટનામની વચ્ચે હાલ 7400 કરોડનો કારોબાર ચાલે છે. જે વર્ષ 2020 સુધીમાં 10000 કરોડ સુધી લઈ જવાનો ટાર્ગેટ છે. ભારત અને વિયેટનામ વચ્ચે વેપાર ક્ષેત્રે ભાગીદારી મહત્વનું પરિબળ છે.અને તેથી ભારત અને વિયેટનામ તેમના સંબંધો વધુ મજબૂત બનાવવાની દિશામાં આગળ વધશે.

divyesh

Recent Posts

બેન્ક પર ગયા વગર 59 મિનિટમાં મળશે લોન

નવી દિલ્હી: નાણાં મંત્રાલયે એમએસએમઇ લોન પ્લેટફોર્મને લઇને એક મોટો નિર્ણય કર્યો છે. આ નિર્ણય હેઠળ હવે એમએસએમઇને બેન્કની બ્રાન્ચ…

1 hour ago

ગુજરાતમાં ઓલા-ઉબેરને ફટકોઃ 20 હજાર કેબ જ રાખી શકશે

નવી દિલ્હી: ગુજરાત સરકારે રાજ્યમાં ઓલા, ઉબેર અને એપ દ્વારા કેબ સર્વિસ આપનારી કંપનીઓનું ફ્લિટ ૨૦ હજાર કેબ સુધી મર્યાદિત…

1 hour ago

‘માય બાઇક’ના ધુપ્પલ પર પાંચ વર્ષે બ્રેકઃ કોન્ટ્રાક્ટ રદ કરી દેવાયો

અમદાવાદ: મ્યુનિસિપલ કોર્પોરેશનના સત્તાવાળાઓને ફરીથી શહેરમાં સાઇકલ શે‌રિંગનું ઘેલું લાગ્યું છે. આગામી સ્ટેન્ડિંગ કમિટી સમક્ષ સાઇકલ શે‌રિંગની દરખાસ્ત મૂકીને પુનઃ…

2 hours ago

મેટ્રો પ્રોજેક્ટમાં મજૂરોને ટિફિન સપ્લાયના બહાને વેપારીને 13 લાખનો ચુનો લગાવ્યો

અમદાવાદ: નરોડા રોડ પર અશોક મિલ પાસે રહેતા અને કેટરર્સનો વ્યવસાય કરતા યુવક સાથે રાજસ્થાનના લેબર કોન્ટ્રાકટરે રૂ.૧૩ લાખની છેતર‌પિંડી…

2 hours ago

`આધાર’ પર સુપ્રીમ ચુકાદો: સુપ્રીમ કોર્ટે શરતો સાથે આધાર કાર્ડને આપી માન્યતા

નવી દિલ્હી: આધારકાર્ડની બંધારણીય કાયદેસરતા અને યોગ્યતાને લઇને સુપ્રીમ કોર્ટના પાંચ જજની બેન્ચે મહત્ત્વપૂર્ણ ચુકાદો આપતાં જણાવ્યું હતું કે આધાર…

2 hours ago

રાજ્ય સરકાર ઇચ્છે તો પ્રમોશનમાં અનામત આપી શકે છેઃ સુપ્રીમ કોર્ટ

નવી દિલ્હીઃ સરકારી નોકરીઓમાં પ્રમોશનમાં અનામતના મામલાને સુપ્રીમ કોર્ટે સાત જજની બેન્ચ પાસે મોકલવાનો ઇનકાર કર્યો છે. સુપ્રીમ કોર્ટે નાગરાજ…

2 hours ago