Categories: Sports

ટીમ ઇન્ડિયાના નવા પાંચ પાંડવોની ખૂબીઓ

મુંબઈઃ ઝિમ્બાબ્વે અને વેસ્ટ ઇન્ડીઝના પ્રવાસ માટે પસંદ કરવામાં આવેલી ટીમમાં કેટલાક ખેલાડીઓની પસંદગી તો અપેક્ષા અનુસારની જ રહી, પરંતુ પસંદગીકારોએ કેટલાક ચોંકાવનારા નિર્ણય કર્યો અને ઘણા નવા ચહેરાને ટીમમાં સ્થાન આપી દીધું. આમાંનાં કેટલાંક નામ ચોંકાવનારાં એટલા માટે છે, કારણ કે હાર્દિક પંડ્યા, શ્રેયસ ઐયર જેવા દાવેદારોને નજરઅંદાજ કરીને સિલેક્ટર્સે એ ખેલાડીઓને તક આપી, જેઓ અંગે ક્યારેય કોઈ જ જાતની ચર્ચા પણ નહોતી થઈ. આવા ખેલાડીઓ પર એક નજર કરીએઃ

ફૈઝ ફઝલ
વન ડે ટીમમાં સામેલ કરાયેલો ૩૦ વર્ષીય ફૈઝ ફઝલ ટીમમાં સામેલ સૌથી ચોંકાવનારો ચહેરો છે. તેણે ટી-૨૦માં ૪૮ મેચમાં ૮૯૬ રન બનાવ્યા છે અને તેનો સર્વોચ્ચ સ્કોર ૬૬ રનનો રહ્યો છે. ફર્સ્ટ ક્લાસ કરિયર પર નજર કરીએ તો તેણે ૭૯ મેચમાં ૫૩૪૧ રન બનાવ્યા છે અને તેનો સર્વોચ્ચ સ્કોર અણનમ ૨૦૦ રન રહ્યો છે. તેના નામે ૧૧ સદી અને ૨૭ અર્ધસદી નોંધાઈ છે. તે સેન્ટ્રલ ઝોન, રેલવે અને વિદર્ભ તરફથી ઘરેલુ ક્રિકેટમાં રમી ચૂક્યો છે, જ્યારે આઇપીએલમાં રાજસ્થાન રોયલ્સ ટીમનો હિસ્સો રહી ચૂક્યો છે. ફૈઝ ફઝલ ડાબોડી બેટ્સમેન અને જમણેરી બોલર છે.

શાર્દુલ ઠાકુર
મધ્યમ ગતિનો ફાસ્ટ બોલર શાર્દુલ ઠાકુર મુંબઈ રણજી ટીમમાંથી રમે છે. તે આઇપીએલમાં કિંગ્સ ઈલેવન પંજાબ તરફથી રમે છે. શાર્દુલે આ વર્ષે ૧૧ રણજી ટ્રોફી મેચમાં ૪૧ વિકેટ ઝડપી હતી અને મુંબઈને ૪૧મી વાર ચેમ્પિયન બનાવવામાં મહત્ત્વપૂર્ણ ભૂમિકા નિભાવી હતી.

જયંત યાદવ
જમણેરી ઓફ બ્રેક બોલર જયંત યાદવે ૨૦૧૧માં હરિયાણા રણજી ટીમ તરફથી પોતાની ફર્સ્ટ ક્લાસ કરિયરની શરૂઆત કરી હતી. તે પાછલી ઘણી સિઝનથી સારું પ્રદર્શન કરી રહ્યો છે. જયંતે ૨૦૧૪-૧૫ની સિઝનમાં ૩૨.૨ રનના સ્ટ્રાઇક રેટથી ૩૩ વિકેટ ઝડપીને પસંદગીકારોનું ધ્યાન પોતાની તરફ ખેંચ્યું હતું. આ પ્રદર્શનને કારણે જ તેને લિસ્ટ-એ મેચો માટે ઇન્ડિયા-એ ટીમમાં સ્થાન મળ્યું હતું. જયંતે ગત રણજી સિઝનમાં ૨૧ વિકેટ ઝડપી હતી એટલું જ નહીં, તેણે કર્ણાટક વિરુદ્ધ બેટિંગમાં પણ પોતાનો જલવો દેખાડ્યો અને સેહવાગની સાથે ભાગીદારી નોંધાવતા શાનદાર સદી ફટકારી હતી. જયંત ટીમ ઇન્ડિયાના ઓફ સ્પિનર આર. અશ્વિનનો પ્રશંસક છે. તે સતત અશ્વિનના સંપર્કમાં રહે છે અને સમય સમયે તેની સલાહ લેતો રહે છે.

યુજવેન્દ્ર ચહલ
ટીમ ઇન્ડિયાની વન ડે અને ટી-૨૦ સ્ક્વોડમાં વધુ એક ચોંકાવનારું નામ ૨૫ વર્ષીય લેગબ્રેક બોલર યુજવેન્દ્ર ચહલનું છે. ચહલે આઇપીએલમાં આરસીબી તરફથી રમતા બોલિંગમાં શાનદાર પ્રદર્શન કર્યું હતું. ચહલે ફર્સ્ટ ક્લાસ ક્રિકેટની ૨૦ મેચમાં ૩૭ વિકેટ ઝડપી છે અને ટી-૨૦માં તેના નામે ૭૭ મેચમાં ૮૦ વિકેટ નોંધાયેલી છે. તે હરિયાણા તરફથી ઘરેલુ ક્રિકેટ રમે છે.

મનદીપસિંહ
પંજાબના જમણેરી બેટ્સમેન મનદીપસિંહનો ફર્સ્ટ ક્લાસ રેકોર્ડ શાનદાર રહ્યો છે. તેણે ૫૭ મેચમાં ૩૬૯૯ રન જોડ્યા છે અને તેનો સર્વોચ્ચ સ્કોર ૨૩૫ રનનો રહ્યો છે. તેના નામે ૧૦ સદી અને ૧૬ અર્ધસદી નોંધાયેલી છે. ટી-૨૦ કરિયરની વાત કરીએ તો તે અત્યાર સુધીમાં ૯૯ મેચ રમ્યો છે, જેમાં તેના બેટમાંથી ૧૮૩૭ રન નીકળ્યા છે અને સ્ટ્રાઇક રેટ ૧૨૨.૭૯નો રહ્યો છે. આઇપીએલમાં મનદીપ હાલમાં રોયલ ચેલેન્જર્સ બેંગલુરુ તરફથી રમે છે. આ પહેલાં તે કિંગ્સ ઈલેવન પંજાબ અને કોલકાતા નાઇટ રાઇડર્સ તરફથી પણ રમી ચૂક્યો છે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

5 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

5 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

6 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

6 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

6 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

7 hours ago