Categories: Sports

અાવતી કાલથી ભારત-અોસીઝ વચ્ચે વન ડે સિરીઝ જંગ ખેલાશે

પર્થ: આવતી કાલે પર્થમાં ઓસ્ટ્રેલિયાના પ્રવાસે ગયેલ ભારતીય ટીમ અને ઓસ્ટ્રેલિયન ટીમ વચ્ચે વન ડે સિરીઝની પ્રથમ વન ડે શરૂ થઇ રહી છે ત્યારે ભારતીય અને ઓસ્ટ્રેલિયન ટીમ બંનેએ જોરદાર દેખાવના દાવા કર્યા છે. ઓસ્ટ્રેલિયાની ફાસ્ટ પીચ પર ભારતીય ખેલાડીઓ કસોટી થશે. આ વન ડે સિરીઝમાં ભારતીય ટીમનો બોલર અશ્વિન ટ્રમ્પ કાર્ડ સાબિત થશે.

ઓસ્ટ્રેલિયન ઓપનર એરોન ફ્રિંચે જણાવ્યું છે કે તેની ટીમ ભારતીય ખેલાડીઓ પર દબાણ લાવવાની કોશિશ કરશે. આવતી કાલથી શરૂ થઇ રહેલી વન ડે સિરીઝ પૂર્વે ઓસ્ટ્રેલિયન ક્રિકેટરનાં આ નિવેદનથી ટીમ ઇન્ડિયા પર મનોવૈજ્ઞાનિક દબાણ લાવવાની કોશિશ કરવામાં આવી છે.

ઓસ્ટ્રેલિયાના બેટસમેન જ્યોર્જ બેલીએ પણ જણાવ્યું છે કે પાંચ મેચની વન ડે ક્રિકેટ સિરીઝમાં તેમની ટીમ ભારત ‌સામે જોરદાર લડત આપવા તૈયાર છે અને તેમનું માનવું છે કે અમારી હોમ પીચ પર ભારતીય ટીમ માટે યજમાન ટીમને હરાવવી મુશ્કેલ બનશે.

દરમિયાન મહંમદ શામીને ઇજા થતાં તે ભારત પરત આવતાં ભારતીય ટીમને મોટો ફટકો પડયો છે. મહંમદ શામીની જગ્યાએ ભારતે ભુવનેશ્વર કુમારને ઓસ્ટ્રેલિયા બોલાવ્યો છે અને તેની પણ ઓસ્ટ્રેલિયન પીચ પર કસોટી થશે. આ સંદર્ભમાં ઓસ્ટ્રેલિયન ટીમના પૂર્વ કેપ્ટન ઇયાન ચેપલનું માનવું છે કે વર્તમાન સિરીઝમાં યજમાન ટીમ ઓસ્ટ્રેલિયાનું પલ્લું ભારે રહેશે.

ચેપલનું માનવું છે કે ટીમ ઇન્ડિયામાં એક સ્પેશિયાલિસ્ટ બેટસમેનની ખોટ છે. ચેપલના જણાવ્યા અનુસાર ટીમ ઇન્ડિયાને ઓલ રાઉન્ડરની ખોટ પણ વર્તાશે. તેમણે એવું પણ જણાવ્યું છે કે કેપ્ટન ધોનીની સામે કેપ્ટન સ્ટીવન સ્મિથને શોર્ટર ફોર્મેટની ગેમ્સમાં સ્વયંને પુરવાર કરવાની જરૂર પડશે.

ઓસ્ટ્રેલિયાની ધરતી પર વન ડે સિરીઝમાં ભારતે બીજા સ્થાન પર ટકી રહેવા મહેનત કરવી પડશે. ભારતે જીતનું લક્ષ્ય નોંધાવવા સાથે સાથે વન ડે ટીમ રેન્કિંગમાં બીજા નંબરનું સ્થાન ટકાવી રાખવા ભારતીય ટીમે ઓછામાં ઓછી એક મેચ તો જીતવી જ પડશે. આઇસીસી તરફથી જારી કરવામાં આવેલા નિવેદન અનુસાર ઓસ્ટ્રેલિયા હાલ ૧ર૭ પોઇન્ટ સાથે ટીમ રેન્કિંગમાં ટોચ પર છે.

ભારત ૧૧૪ પોઇન્ટ સાથે બીજા ક્રમે છે. બંને ટીમ વચ્ચે માત્ર ૧૩ પોઇન્ટનો તફાવત છે. જો ભારત સિરીઝની પાંચેય મેચ હારી જશે તો તેનું રેન્કિંગ એક નંબર નીચું જશે. આ માટે કમસેકમ સિરીઝની એક વન ડે મેચ જીતવી જ પડશે.

admin

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

8 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

8 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

8 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

9 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

10 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

10 hours ago